EKSODOS 5:1 - Khasi CL Bible (BSI)

¹ Nangta u Moses bad u Aaron ki leit sha u Pharaoh, bad ki la ong, “U Trai, U Blei ki Israel, u ong, ‘Shah ïa ki briew jong nga ban leit, khnang ba kin ïoh pynlong ïa ka Jingkhawai Niam ha ka ri shyiap ban pyndonburom ïa nga.’ ”

KA BAIBL

¹ Te hadien kata, u Moses bad u Aaron ki la ïaleit hapoh, bad ki la ïathuh ha u Pharaoh, “Kumne u ong U Trai uba U Blei jong ki Israel, ‘To pyllait noh ïa u paidbah jong nga, ba kin ïoh rakhe ïa Ka Jingkhawai Niam ïa nga ha ri khlaw.’ ”

EKSODOS 5:1 ပူးပေါင်းရင်းမြစ်များ

1 SYIEM 21:20

Haba u Ahab u ïohi ïa u Elijah, u ong “Me u nongshun jong nga, me la lap mo ïa nga?” “Ho-oid, nga la lap,” u Elijah u jubab, “Me la aiti lut ïa lade ban leh ïa kaei ka bymdei ha khmat U Trai.

SALM 119:46

Ngan pynbna ïa ki hukum jong me ha ki syiem, bad ngan ym shah pynlehrain.

EKSODOS 10:3

Kumta u Moses bad u Aaron ki leit sha u Pharaoh, bad ki ong ha u, “U Trai, U Blei jong ki Hebru, u ong, ‘Sa katno te men kyntait ban pyndem ha nga? Pyllait ïa ki briew jong nga ba kin ïoh mane ïa nga.

EKSODOS 10:4

Lada me dang ïai kyntait, te ngan wallam ïa ki puit ha ka ri jong me.

EKSODOS 10:9

U Moses u la jubab, “Ngin ïaleit lut baroh, kynthup ki khun jong ngi haduh ki tymmen jong ngi. Ngin ïalam ïa ki khun shynrang bad ki khun kynthei jong ngi, lem bad ki langbrot bad ki blang, bad ki masi jong ngi, namar ngi dei ban pynlong ka jingkhawai ban pyndonburom ïa U Trai.”

EKSODOS 3:18

“Ki briew jong nga kin shahshkor ïa kaei kaba me ong ha ki. Nangta me dei ban leit bad ki nongïalam jong ki Israel sha u Pharaoh bad ong ha u, ‘U Trai, U Blei jong ki Hebru, u la pynpaw ïa lade ha ngi. Mynta shah ïa ngi ban leit lai sngi lynti sha ka ri shyiap ban ai jingkñia ha U Trai, U Blei jong ngi.’

EKSODOS 33:13

Lada ka long kumta, nga kyrpad ïa me ba men ïathuh ha nga ïa ki jingthmu jong me, khnang ba nga lah ban ïai shakri bad pynsngewbha ïa me. To da kynmaw ruh ba me la jied ïa kane ka jaitbynriew ba kan long u paidlang jong me.”

EKSODOS 4:23

Nga la ong ïa me ban shah ïa u khun jong nga ban leit, khnang ba un ïoh mane ïa nga, hynrei me la kyntait. Mynta te ngan pynïap ïa u khun nyngkong jong me.’ ”

EKSODOS 6:11

“Khie leit bad ong ha u Pharaoh ba u dei ban shah ïa ki Israel ban mihnoh na ka ri jong u.”

EKSODOS 6:27

Dei ruh ma ki kiba la ong ha u Pharaoh ban pyllait noh ïa ki Israel.

EKSODOS 7:16

Nangta ong ha u Pharaoh, ‘U Trai, U Blei jong ki Hebru, u la phah ïa nga ban ong ha phi ba phin shah ïa ki briew jong u ban leit, khnang ba kin ïoh ban mane ïa u ha ri shyiap. Hynrei haduh mynta phim shym shahshkor.

EKSODOS 7:2

Ïathuh ha u Aaron ïa kaei kaei baroh kaba nga hukum ïa me, bad un ïathuh ha u Pharaoh ba un shah ïa ki Israel ban mihnoh na ka ri jong u.

EKSODOS 8:1

Nangta U Trai u la ong ha u Moses, “Khie leit sha u Pharaoh bad ïathuh ha u ba U Trai u ong, ‘Shah ïa ki briew jong nga ban leit, khnang ba ki lah ban mane ïa nga.

EKSODOS 8:16

U Trai u la ong ha u Moses, “Ong ïa u Aaron ban shoh ïa ka khyndew da u diengduh, ba u pui pui ha ka ri Ijipt baroh kawei un kylla mait.”

EKSODOS 8:17

Kumta u Aaron u shoh ïa ka khyndew da la u diengduh; te u pui pui baroh ha Ijipt u kylla mait, bad kumta la boi da u mait ha u briew bad ha u mrad.

EKSODOS 8:20

U Trai u la ong ha u Moses, “Lashai dang step phyrngab, khie leit ap ïa u Pharaoh katba u dang leit sha ka wah, bad ïathuh ha u ba U Trai u ong, ‘Pyllait ïa ki briew jong nga ba kin ïoh mane ïa nga.

EKSODOS 8:27

Ngi dei ban leit lai sngi lynti sha ka ri shyiap ban kñia ainguh ha U Trai U Blei jong ngi, kumba u la hukum ïa ngi.”

EKSODOS 9:1

U Trai u ong ha u Moses, “Khie leit sha u Pharaoh bad ïathuh ha u ba U Trai, U Blei jong ki Hebru, u ong, ‘Pyllait ïa ki briew jong nga khnang ba ki lah ban mane ïa nga.

EKSODOS 9:2

Lada me kyntait biang ban shah ïa ki ban leit,

ISAÏAH 25:6

Hangne halor u Lum Seïon, U Trai Badonbor Baroh un pynkhreh ka jingkhawai bah na ka bynta ki jaitbynriew baroh jong ka pyrthei — ka jingkhawai bah da ki jingbam bakyrhai eh bad ka waiñ bakynsai tam.

ESEKIEL 2:6

“Hynrei ma me, ko khun u briew, wat sheptieng ïa ki lane ïa kano kano ba ki ong. Kin beiñ bad ym kheiñ ïa me; bad kan long kumba im hapdeng ki 'ñianglartham. La katta ruh, wat sheptieng ïa kito kiba ïaleh pyrshah lane ïa kano kano kaba ki ong.

MATHAÏOS 10:18

Na ka bynta jong nga phin shah tian bishar ha khmat ki nongsynshar bad ki syiem, ban ïathuh ïa ka Khubor Babha ha ki bad ha ki Jentil.

MATHAÏOS 10:28

Wat sheptieng ïa kito kiba pynïap ïa ka met hynrei ki bym lah ban pynïap ïa ka mynsiem; hynrei to sheptieng ïa U Blei, uba lah ban pynjot ïa ka met bad ka mynsiem ha dujok.

KI KAM 4:29

Bad mynta, ko Trai, to khmih ïa ki jingbyrngem kiba ki la pynlong, bad shah ïa ngi, ki shakri jong me, ban kren ïa ka khubor jong me da ka jingshlur baroh.

1 KORINTH 5:8

To ngin rakhe ïa ka Jingkhawai Niam, te, ym da u kpu uba don u thiat uba rim jong ka pop bad ka jingbymman, hynrei da u kpu u bym don thiat, u kpu jong ka jingkhuid bad ka jingshisha.