EKSODOS 40:35 - Khasi CL Bible (BSI)

³⁵ Namar kane, u Moses um shym lah ban leit rung shapoh kata ka Ïingjaiñ.

KA BAIBL

³⁵ Te u Moses um lah ban rung hapoh kata ka ïingjaiñ ka jingïaseng, naba uta u lyoh u neh halor jong ka, bad kata ka burom U Trai ka la pyndap ïa kata Ka Tabernakl.

EKSODOS 40:35 ပူးပေါင်းရင်းမြစ်များ

1 SYIEM 8:10

Haba ki lyngdoh ki dang mih na ka Templ, kyndit kyndit la pyndap ïa ka da u lyoh,

1 SYIEM 8:11

uba tyngshaiñ da ka jingshai kaba thaba na ka jingdon U Trai, bad kim shym lah shuh ban leit shapoh ban pyndep ïa ki kamram jong ki.

2 KHRONIKL 7:2

Namar ba ka Templ ka la dap da ka jingshai batyngshaiñ, ki lyngdoh kim shym lah ban rung shapoh.

EKSODOS 16:10

Katba u Aaron u dang kren ha ka kynhun baroh kawei, ki phai shaphang ka ri shyiap, bad kynsan ka jingshai baphyrnai jong U Trai ka la paw ha u lyoh.

EKSODOS 29:43

Hangta keiñ ngan ïakynduh bad ki Israel, bad ka jingshai baphyrnai jong ka jingdon ryngkat jong nga kan pynlong ïa kata ka jaka kaba khuid.

ISAÏAH 4:5

Nangta halor u Lum Seïon bad halor baroh kiba la ïalumlang hangta, U Trai un phah ïa u lyoh ha ka por mynsngi bad ka tdem bad ka thylliej ding baphyrnai ha ka por mynmiet. Ka burom U Blei kan tap bad da ïa ka nongbah baroh kawei.

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

ISAÏAH 6:4

Ka jingsawa ka sur jong ki ka pynlong ïa ki nongrim jong ka Templ ban khynñiuh, bad ka Templ hi ka kylla dap da ka tdem.

ESEKIEL 10:4

Te ka jingshai batyngshaiñ jong ka jingdon U Trai ka la kiew noh na ki kherub sha ka jaka rung jong ka Templ. Te u lyoh u la tap ïa ka Templ, bad kata ka phyllaw ka phyrnai da ka jingshai.

ESEKIEL 43:4

Ka jingshai ba-thaba ka la ïaid lyngba ïa ka khyrdop bashaphang mihngi bad rung shapoh ka Templ.

LEBITIKOS 16:2

U ong, “Ïathuh ha u hynmen jong me u Aaron ba dei tang ha ka por kaba dei ba un leit shadien ka jingkah jong ka jaka kaba khuid tam, namar ba dei hangta ba nga mihpaw ha u lyoh halor ka jingtap ka Synduk ka Jutang. Lada um kohnguh, un shah pynïap.

JINGKHEIÑ 7:89

Haba u Moses u leit rung shapoh ka Ïingjaiñ ban ïakren bad U Trai, u la ïohsngew ba U Trai u kren ïa u najrong ka jingtap ha ka Synduk ka Jutang, napdeng ki ar tylli ki kherub.

JINGKHEIÑ 9:15

Ha ka sngi ba la pynïeng ïa ka Ïingjaiñ ka Jingdon Ryngkat U Trai, u lyoh u la wan bad tap ïa ka. Mynmiet, uta u lyoh u paw kum ka ding.

JINGPYNPAW 15:8

Ïa ka templ la pyndap da ka tdem na ka burom bad ka bor jong U Blei, bad ym don mano mano ba lah ban leit shapoh ka templ tad haduh ba ki hynñiew tylli ki khlam ba la wanrah da ki hynñiew ngut ki angel, ki la poi sha kaba kut.