EKSODOS 40:34 - Khasi CL Bible (BSI)

³⁴ Nangta u lyoh u tap ïa ka Ïingjaiñ baroh kawei, bad ka burom batyngshaiñ na ka jingdon ryngkat U Trai ka pyndap ïa ka.

KA BAIBL

³⁴ Ynda kumta, uta u lyoh u la tap lup ïa ka ïingjaiñ ka jingïaseng, bad ka burom U Trai ka la pyndap ïa kata Ka Tabernakl.

EKSODOS 40:34 ပူးပေါင်းရင်းမြစ်များ

2 SAMUEL 7:6

Naduh ka por ba nga la pyllait ïa ki paid Israel na Ijipt haduh mynta, ngam pat ju shong ha ka templ; nga la leit kylleng kylleng da kaba shong ha ka ïingjaiñ.

2 KHRONIKL 7:2

Namar ba ka Templ ka la dap da ka jingshai batyngshaiñ, ki lyngdoh kim shym lah ban rung shapoh.

SALM 26:8

Nga ieit ïa ka ïing ha kaba me shong, A Trai, ka jaka ha kaba ka burom jong me ka don.

EKSODOS 14:24

Ha shuwa ban kynjat shai, U Trai u la khmih ïa ka kynhun shipai Ijipt na u rishot ding bad u rishot lyoh bad u pynkulmar thlim ïa ki.

EKSODOS 16:10

Katba u Aaron u dang kren ha ka kynhun baroh kawei, ki phai shaphang ka ri shyiap, bad kynsan ka jingshai baphyrnai jong U Trai ka la paw ha u lyoh.

EKSODOS 25:8

Ki dei ruh ban shna ka Ïingjaiñ kaba kyntang na ka bynta jong nga, khnang ba ngan ïoh shong hapdeng jong ki.

EKSODOS 29:43

Hangta keiñ ngan ïakynduh bad ki Israel, bad ka jingshai baphyrnai jong ka jingdon ryngkat jong nga kan pynlong ïa kata ka jaka kaba khuid.

EKSODOS 33:9

Ynda u Moses u la rung shapoh jong ka, u rishot lyoh u wan hiar bad u ïeng ha ka jingkhang jong ka Ïingjaiñ, bad U Trai u kren ha u Moses na uta u lyoh.

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

ISAÏAH 6:4

Ka jingsawa ka sur jong ki ka pynlong ïa ki nongrim jong ka Templ ban khynñiuh, bad ka Templ hi ka kylla dap da ka tdem.

ESEKIEL 10:4

Te ka jingshai batyngshaiñ jong ka jingdon U Trai ka la kiew noh na ki kherub sha ka jaka rung jong ka Templ. Te u lyoh u la tap ïa ka Templ, bad kata ka phyllaw ka phyrnai da ka jingshai.

LEBITIKOS 16:2

U ong, “Ïathuh ha u hynmen jong me u Aaron ba dei tang ha ka por kaba dei ba un leit shadien ka jingkah jong ka jaka kaba khuid tam, namar ba dei hangta ba nga mihpaw ha u lyoh halor ka jingtap ka Synduk ka Jutang. Lada um kohnguh, un shah pynïap.

HAGGAI 2:7

Ngan pynkyllon ïa ki hima baroh, bad ïa ki jingkynshew yn wallam shane, bad ïa ka Templ yn pyndap da ka spah.

HAGGAI 2:9

Ka Templ kaba bathymmai kan kham iphuh ban ïa kaba rim, bad hangta ngan ai ha ki briew jong nga ïa ka jingdap kyrhai bad ka jingsuk.” U Trai Badonbor Baroh u la kren.

JINGKHEIÑ 7:89

Haba u Moses u leit rung shapoh ka Ïingjaiñ ban ïakren bad U Trai, u la ïohsngew ba U Trai u kren ïa u najrong ka jingtap ha ka Synduk ka Jutang, napdeng ki ar tylli ki kherub.

Ka Shithi U Paul Sha Ki Nong Rom 9:4

Ki long ki briew jong U Blei; u la pynlong ki khun jong u ïa ki bad u la pynpaw ïa ka burom jong u ha ki; u la pynlong ki jutang bad ki bad u la ai ïa ki ka Hukum; ki don ka jingmane bashisha; ki la ïoh ïa ki jingkular U Blei;

JINGPYNPAW 15:8

Ïa ka templ la pyndap da ka tdem na ka burom bad ka bor jong U Blei, bad ym don mano mano ba lah ban leit shapoh ka templ tad haduh ba ki hynñiew tylli ki khlam ba la wanrah da ki hynñiew ngut ki angel, ki la poi sha kaba kut.

JINGPYNPAW 21:3

Nga la ïohsngew ïa ka sur kaba jam kaba kren na ka khet: “Mynta ka ïing jong U Blei ka long bad u bynriew! Un shong bad ki, bad kin long ki briew jong u. U Blei da lade hi un long bad ki, bad un long U Blei jong ki.