EKSODOS 40:20 - Khasi CL Bible (BSI)

²⁰ Nangta u shim ïa kita ki mawlyngkniap ar tylli bad u buh ïa ki hapoh ka Synduk ka Jutang. U bsuh ïa ki dieng jingbah ha ki kyrwoh jong kata ka synduk bad u buh ïa ka jingtap halor jong ka.

KA BAIBL

²⁰ Bad u la shim bad u la thep ruh ïa ka jingphla hapoh kata ka synduk, bad u la phrung ïa kita ki dieng jingbah ha kata ka synduk, bad u la buh ïa ka jingtap-isynei halor kata ka synduk:

EKSODOS 40:20 ပူးပေါင်းရင်းမြစ်များ

1 SYIEM 8:9

Ym don ei ei ruh hapoh ka Synduk ka Jutang lait tang ki ar tylli ki mawlyngkniap ïa kiba u Moses u la buh hangta ha u Lum Sinai, mynba U Trai u pynlong ka jutang bad ki paid Israel katba ki dang wan mihnoh na ri Ijipt.

1 KHRONIKL 15:3

Kumta u Dabid u phah khot ïa baroh ki paid Israel sha Jerusalem khnang ban wanrah ïa ka Synduk ka Jutang sha ka jaka kaba u la pynkhreh ïa ka.

2 KHRONIKL 5:10

Ym don ei ei ruh hapoh ka Synduk ka Jutang lait tang ki ar tylli ki mawlyngkniap kiba u Moses u la buh hangta ha u Lum Sinai, mynba U Trai u pynlong ka jutang bad ki paid Israel katba ki dang wan mihnoh na Ijipt.

SALM 40:8

Katno nga ieit ban leh ïa ka mon jong me, A U Blei jong nga! nga ri kyndong ïa ka jinghikai jong me ha ka dohnud jong nga.”

EKSODOS 16:34

Kumba U Trai u la hukum ïa u Moses, u Aaron u buh ïa uta u khiew ha khmat ka Synduk ka Jutang ba yn ïoh sumar ïa u.

EKSODOS 26:34

Buh ïa ka jingtap halor ka Synduk Ka Jutang.

EKSODOS 31:18

Haba U Blei u la dep kren ha u Moses ha u Lum Sinai, u ai ha u ïa ki ar tylli ki mawlyngkniap ha kiba U Blei da lade hi u la thoh ïa ki hukum.

EKSODOS 40:19

U siang ïa ka jingsiang halor ka Ïingjaiñ bad u buh sa ïa ka jingtap halor jong ka, kumba U Trai u la hukum.

EKSODOS 40:3

Buh hangta ïa ka Synduk ka Jutang ha kaba don ki Shiphew Hukum, bad kah ïa ka da ka pyrda.

MATHAÏOS 3:15

Hynrei U Jisu u la jubab ïa u, “Ai ba kan long kumta ïa mynta. Naba kumne keiñ ngin pyndep ïa kata baroh kaba U Blei u dawa.” Kumta u Ïoannis u la mynjur.

Ka Shithi U Paul Sha Ki Nong Rom 10:4

Naba U Khrist u la pynkut ïa ka Hukum, khnang ba uei uei baroh uba ngeit u don ka jingïadei bad U Blei.

Ka Shithi U Paul Sha Ki Nong Rom 3:25

U Blei u la ai ïa u, khnang ba da ka jingïap kum ka jingkñia, un long ka lad jong ka jingmap ïa ki pop jong ki briew lyngba ka jingngeit jong ki ha u. U Blei u la leh ïa kane khnang ban pyn-i ba u long uba hok. Mynshuwa, u la ïaishah bad u la peit lyndet ïa ki pop jong ki briew; hynrei ha ka por mynta u pynbeit ïa ki pop jong ki, khnang ban pyn-i ïa ka jinglonghok jong u. Ha kane ka rukom U Blei u pyn-i ba ma u hi u long uba hok bad ba u pynlong hok ïa baroh kiba ngeit ha U Jisu.

DEUTERONOMI 10:5

Nangta, kumba U Trai u la hukum, nga buh ïa ki ha kata ka synduk ba nga la thaw — bad ki dang don hangta naduh kata ka por.”

HEBRU 4:16

To ngin sngewskhem, te, bad leit sha ka khet U Blei, ha kaba don ka jingaiei. Hangta ngin ïohpdiang ïa ka jingisynei bad ngin shem ïa ka jingaiei ka ban ïarap ïa ngi ha ka por ba ngi donkam ïa ka.

HEBRU 9:4

Ha ka la buh ïa ka duwan ksiar na ka bynta ban thang ïa ki jingiwbih bad ïa ka Synduk ka Jutang ïa kaba la sop ksiar bad la don u khiew ksiar lem bad ka manna ha u, u diengduh jong u Aaron uba la mih sla, bad ki ar tylli ki mawlyngkniap ha kiba la thoh ïa ki hukum.

1 ÏOANNIS 2:2

Bad U Khrist hi u long ka lynti da kaba yn ïohmap ïa ki pop jong ngi, bad ym tang ïa ki pop jong ngi, hynrei ruh ïa ki pop jong ki briew baroh.