EKSODOS 40:18 - Khasi CL Bible (BSI)

¹⁸ Ha kaba pynïeng ïa ka, u Moses u pynskhem ïa ki thliew tnaw jong ka, u pynïeng ïa ki jingker jong ka, u pyndait ïa ki diengkhap jong ka, bad u pynïeng ïa ki rishot jong ka.

KA BAIBL

¹⁸ Te u Moses u la pynïeng ïa kata Ka Tabernakl, bad u la pynskhem ïa ki thliew tnaw jong ka, bad u la pynïeng ïa ki lyntang jong ka, bad u la phrung ïa ki dieng khap jong ka, bad u la pynïeng ïa ki rishot jong ka;

EKSODOS 40:18 ပူးပေါင်းရင်းမြစ်များ

2 SAMUEL 7:6

Naduh ka por ba nga la pyllait ïa ki paid Israel na Ijipt haduh mynta, ngam pat ju shong ha ka templ; nga la leit kylleng kylleng da kaba shong ha ka ïingjaiñ.

EKSODOS 40:17

Kumta ha ka sngi kaba nyngkong jong u bnai uba nyngkong jong ka snem kaba ar hadien ba ki la mihnoh na Ijipt, la pynïeng ïa kata ka Ïingjaiñ ka Jingdon Ryngkat U Trai.

EKSODOS 40:19

U siang ïa ka jingsiang halor ka Ïingjaiñ bad u buh sa ïa ka jingtap halor jong ka, kumba U Trai u la hukum.

EKSODOS 40:2

“Ha ka sngi kaba nyngkong jong u bnai uba nyngkong pynïeng ïa ka Ïingjaiñ ka Jingdon Ryngkat U Trai.

ISAÏAH 33:24

Yn ym don uba shong ba sah ha ka ri jong ngi, u ban dang ud pang, bad ïa ki pop baroh yn map.

LEBITIKOS 26:11

Ngan shong hapdeng jong phi ha ka ïingjaiñ bakyntang jong nga, bad ngan ym phai noh na phi da lei lei.

MATHAÏOS 16:18

Bad kumta nga ong ha me, ko Petros: me long u mawsiang, bad halor kane ka nongrim mawsiang ngan tei ïa ka balang jong nga, bad wat ka jingïap hi kan ym lah ban jop ïa ka.

ÏOANNIS 1:14

U Ktien la kylla long u briew bad, uba dap da ka jingaiei bad ka jingshisha, u la im hapdeng jong ngi. Ngi la ïohi ïa ka burom jong u, ka burom kaba u la ïohpdiang kum U Khun marwei jong U Kpa.

GALATIA 4:4

Hynrei haba ka ïa kaba biang ka la poi, U Blei u la phah ïa la U Khun.

1 TIMOTHI 3:15

Hynrei lada la kum pyntud ïa nga, kane ka shithi kan ïathuh ïa me kumno ba ïa lade ngi dei ban long ha ka longïing jong U Blei, kaba long ka balang jong U Blei uba im, ka rijied bad nongkyrshan jong ka jingshisha.

1 PETROS 1:5

Ki long na ka bynta jong phi, kiba da ka jingngeit la ri kyndong da ka bor U Blei ïa ka jingpynim kaba la pynkhreh ban sa pynpaw ha kaba kut jong ka por.

JINGPYNPAW 21:3

Nga la ïohsngew ïa ka sur kaba jam kaba kren na ka khet: “Mynta ka ïing jong U Blei ka long bad u bynriew! Un shong bad ki, bad kin long ki briew jong u. U Blei da lade hi un long bad ki, bad un long U Blei jong ki.