EKSODOS 4:5 - Khasi CL Bible (BSI)

⁵ U Trai u la ong, “Leh ïa kane ban pynshisha ha ki Israel ba U Trai, U Blei jong ki kpa tymmen jong ki, U Blei jong u Abraham, u Isaak bad u Jakob, u la mihpaw ha me.”

KA BAIBL

⁵ “ba kin ïoh ngeit ba U Trai uba U Blei ki kpa jong ki, U Blei u Abraham, bad U Blei u Isaak, bad U Blei u Jakob ruh, u la mihpaw ha me.”

EKSODOS 4:5 ပူးပေါင်းရင်းမြစ်များ

JENESIS 12:7

U Trai u la mihpaw ha u Abram bad u ong ha u, “Kane ka dei ka ri kaba ngan ai ha ki khun ki ksiew ong me.” Nangta u Abram u la tei hangta ïa ka duwan ha U Trai, uba lah mihpaw ha u.

JENESIS 17:1

Haba u Abram u la dap khyndaiphew khyndai snem ka rta, U Trai u la mihpaw ha u bad u ong, “Nga long U Blei Badonbor Baroh. Kohnguh ïa nga bad ïai leh ïa kaba dei.

JENESIS 18:1

U Trai u la mihpaw ha u Abraham harud ki dieng kyntang jong u Mamre. Katba u Abraham u dang shong ha ka jingkhang ka ïingjaiñ jong u ha ka por ba dang shit kyr-ang mynsngi, u la khmied bad u la ïohi lai ngut ki rangbah kiba ïeng hangta.

JENESIS 26:2

U Trai u la mihpaw ha u Isaak bad u ong, “Wat leit sha ri Ijipt; sah ha kane ka ri ha kaba nga la ong ha me ban sah.

JENESIS 28:13

Bad hangta la don U Trai uba ïeng hajan jong u. “Nga long U Trai, U Blei jong u Abraham bad u Isaak,” u ong. “Ngan ai ha me bad ha ki khun ki ksiew jong me ïa kane ka jaka ha kaba me thiah.

JENESIS 48:15

Nangta u kyrkhu ïa u Joseph u da ong, “To U Blei uba ki kpa jong nga, U Abraham bad u Isaak, ki la shakri, Un kyrkhu ïa kine ki khun! To U Blei uba la ïalam ïa nga haduh kane ka sngi, un kyrkhu ïa ki!

JENESIS 48:3

U Jakob u ong ha u Joseph, “U Blei Badonbor Baroh u la wan mihpaw ha nga ha Lus ha ka ri Kanaan, bad u la kyrkhu ïa nga.

1 SYIEM 18:36

Ha ka kynta jong ka jingainguh ha ka por nohphai sngi, u Elijah nongïathuhlypa u wan sha ka duwan bad u duwai, “Ko Trai, U Blei u Abraham, u Isaak bad u Jakob, pynshisha mynta ba me long U Blei ki Israel bad ba nga long u shakri jong me bad ba nga la leh ïa kane baroh kat kum ka hukum jong me.

2 KHRONIKL 20:20

Dang step eh, ha ka sngi kaba bud, u paidbah u mih ban leit sha ka ri khlaw hajan Tekoa. Katba ki dang sdang leit, u Jehoshaphat u kren ïa ki da kine ki ktien: “Ko ki briew ka Judah bad Jerusalem! Buh ïa ka jingngeit jong phi ha U Trai U Blei jong phi, bad phin long skhem. Ngeit ïa kaei kaba ki nongïathuhlypa ki ong ïa phi bad phin jop.”

EKSODOS 19:9

U Trai u ong ha u Moses, “Ngan wan ha me ha u lyoh uba rben, khnang ba u paidbah un ïohsngew ïa nga ba nga ïakren bad me, bad un sa ngeit ïa me naduh mynta.” U Moses u la ïathuh ha U Trai ïa ka jubab jong uta u paidbah,

EKSODOS 3:15

Ong ïa ki Israel ba ma nga, U Trai, U Blei jong ki kpa tymmen jong ki, U Blei jong u Abraham, u Isaak bad u Jakob, u la phah ïa me sha ki. Kane ka long ka kyrteng jong nga junom la junom; kumne ruh ki pateng bynriew ki ban dang wan ki dei ban khot ïa nga.

EKSODOS 3:16

Khie leit lumlang ïa ki tymmen ki san jong ki Israel bad ïathuh ha ki ba nga U Trai, U Blei jong ki kpa tymmen jong ki, U Blei jong u Abraham, U Isaak, bad u Jakob, nga la mihpaw ha me. Ïathuh ruh ha ki ba nga la wan jngoh ïa ki, bad nga la ïohi aïu ki nong Ijipt ki la leh ïa ki.

EKSODOS 3:18

“Ki briew jong nga kin shahshkor ïa kaei kaba me ong ha ki. Nangta me dei ban leit bad ki nongïalam jong ki Israel sha u Pharaoh bad ong ha u, ‘U Trai, U Blei jong ki Hebru, u la pynpaw ïa lade ha ngi. Mynta shah ïa ngi ban leit lai sngi lynti sha ka ri shyiap ban ai jingkñia ha U Trai, U Blei jong ngi.’

EKSODOS 3:4

Haba U Trai u ïohi ba u Moses u wan kham hajan, u khot ïa u napdeng kata ka 'lawlynnong, bad u ong, “Moses! Moses!” U ruh u jubab, “Oi! Nga don hangne.”

EKSODOS 3:6

Nga long U Blei jong ki kpa tymmen jong me, U Blei jong u Abraham, u Isaak bad u Jakob de.” Kumta u Moses u tap ïa la ka khmat, namar um nud ban peit sha U Blei.

EKSODOS 4:1

Te U Moses u jubab ïa U Trai, “Hynrei tharai ki Israel kin ym ngeit ïa nga, bad kin ym shahshkor ïa kaei kaba nga ong. Ngan leh kumno lada ki ong ba mem shym la paw ha nga?”

EKSODOS 4:31

Ki paidbah ki la ngeit, bad haba ki ïohsngew ba U Trai u la wan sha ki bad ba u la ïohi kumno ki la shah lehbeiñ tyngeh, ki la nguh la dem bad ki la ïamane ruh.

EKSODOS 4:4

Nangta U Trai u ong ïa u Moses, “Dem bad shim ïa u na u tdong.” Kumta u Moses u dem bad u kem ïa u, bad u kylla diengduh pat.

ISAÏAH 7:9

Ka Israel kam long kaba kham khlaiñ ban ïa ka Samaria, ka nongbah jong ka, bad ka Samaria kam long kaba kham khlaiñ ban ïa u Syiem Pekah. “Lada ka jingngeit jong phi kam long kaba ïaineh, phin ym ïaineh.”

JEREMAÏAH 31:3

Ko ki paid Israel, nga la ieit ïa phi borabor, kumta nga ïai pyn-i ïa phi ïa ka jingieit baneh jong nga.

ÏOANNIS 11:42

Nga tip ba me shahshkor ïa nga borabor, hynrei nga ong ïa kane na ka bynta u paidbah hangne, ba kumta kin ngeit ba me la phah ïa nga.”

ÏOANNIS 20:27

Te u la ong ha u Thomas, “Buh ïa ka shynriah'ti jong me hangne, bad peit ïa ki kti jong nga; nangta kner ïa la ka kti bad buh ïa ka ha ka krung jong nga. Wat artatien shuh bad to ngeit!”

ÏOANNIS 20:31

Hynrei ïa kine la thoh khnang ba phin ïoh ngeit ba U Jisu u long U Messaïah, U Khun U Blei, bad da kaba ngeit ha u phin ïoh ïa ka jingim.

ÏOANNIS 5:36

Hynrei nga don ka jingphla na ka bynta jong nga kaba kham khraw ban ïa ka jingphla kaba u Ïoannis u la ai: Kaei kaba nga leh, kata ka long, ki kam kiba U Kpa jong nga u la ai ïa nga ban leh, kine ki kren na ka bynta jong nga bad ki pyn-i ba U Kpa u la phah ïa nga.

KI KAM 7:2

U Stephan u la jubab, “Ko ki hynmen ki para bad ko ki kpa, shahshkor ïa nga! Ha shuwa ba u kpa tymmen jong ngi u Abraham un leit noh ban shong ha Haran, U Blei ka burom u la mihpaw ha u ha Mesopotamia bad u la ong ha u,

HEBRU 11:16

Pynban, ka ri kaba ki kwah hir hir ka long ka ri kaba kham bha, ka ri ba kynja bneng. Bad kumta U Blei um sngewlehrain ïa ki, ba yn khot ïa u, U Blei jong ki, namar u la pynkhreh ka nongbah na ka bynta jong ki.