EKSODOS 4:21 - Khasi CL Bible (BSI)

²¹ U Trai u la ong biang ha u Moses, “Mynta ba me leit phai sha Ijipt, da kynmaw ban leh ha khmat u Pharaoh ïa ki kambah baroh kiba nga la ai ha me ïa ka bor ban leh. Hynrei ngan pynmutlop ïa u Pharaoh, bad un ym shah ïa u paidbah ban leit.

KA BAIBL

²¹ Bad U Trai u la ong ha u Moses, “Ynda me la leit phai pat sha ka ri Ijipt, to sumar ba men leh ha khmat u Pharaoh ïa kita ki kam phylla baroh ïa kiba nga la ai ha ka kti jong me: hynrei, ngan pyneh ïa ka dohnud jong u, te un ym pyllait noh ïa u paidbah.

EKSODOS 4:21 ပူးပေါင်းရင်းမြစ်များ

JENESIS 6:3

Nangta U Trai u ong, “Ngan ym shah ïa ki briew ban im junom, ki long kiba dei ban ïap. Nangne sha khmat kin im ym palat ïa ka shispah arphew snem.”

1 SYIEM 22:22

‘Kumno?’ U Trai u kylli. U mynsiem u jubab, ‘Ngan leit bad pynlong ïa baroh ki nongïathuhlypa u Ahab ban kren lamler. U Trai u ong, leit bad shukor ïa u. Phin sa jop.’ ”

SALM 105:25

U la pynlong ïa ki nong Ijipt ban isih ïa ki briew jong u bad leh shukor ïa ki shakri jong u.

SALM 78:43

bad u la leh ïa ki kam badonbor bad ki kambah ha ki pyntha jong ka Soan ha ka ri Ijipt.

EKSODOS 10:1

Nangta U Trai u ong ha u Moses, “Khie leit sha u Pharaoh. Nga la pynmutlop ïa u bad ki rangbah synshar jong u, khnang ba nga lah ban leh ïa kine ki kambah hapdeng jong ki,

EKSODOS 10:20

Hynrei U Trai u pynmutlop ïa u Pharaoh, bad kumta um shym pyllait ïa ki Israel ban leit.

EKSODOS 10:27

U Trai u la pynmutlop ïa u Pharaoh, bad um shym la shah ïa ki ban leit.

EKSODOS 11:10

U Moses bad u Aaron ki la leh ïa kine ki kambah baroh ha khmat u Pharaoh, hynrei U Trai u la pynmutlop ïa u, bad um shym la shah ïa ki Israel ban mihnoh na ka ri jong u.

EKSODOS 11:9

U Trai u la lah ong ha u Moses, “U Pharaoh un ïai kyntait ban shahshkor ïa phi khnang ba nga lah ban leh kham bun ki kambah jong nga ha Ijipt.”

EKSODOS 14:17

Ngan pynmutlop haduh katta katta ïa ki nong Ijipt ba kin beh nadien jong ki, bad ngan ïoh ka jingpyndonburom da ka jingjop jong nga ïa u Pharaoh, ïa ka kynhun shipai jong u, ïa ki kali ïapom jong u, bad ïa ki nongñiah jong u.

EKSODOS 14:4

Ngan pynmutlop ïa u, bad un sa wan thwet nadien jong phi; bad kumta ka jingjop jong nga ïa u Pharaoh bad ka kynhun shipai jong u kan long ka burom ïa nga. Te ki nong Ijipt kin sa tip ba nga long U Trai.” Ki Israel ki leh kumba la hukum ïa ki.

EKSODOS 14:8

U Trai u la pynmutlop ïa u Pharaoh, bad une u la beh kthong ïa ki Israel, kiba la mihnoh da ka jingjop.

EKSODOS 3:19

Nga tip ba u Pharaoh un ym shah ïa phi ban leit lymda la pynbor ïa u ban leh kumta.

EKSODOS 3:20

Hynrei ngan pyn-i ïa la ka bor bad ngan pynshitom ïa ka ri Ijipt da kaba leh hangta ïa kiei kiei kiba shyrkhei. Hadien kata un sa shah ba phin leit.

EKSODOS 7:13

U Pharaoh, pynban, u la ïai mutlop bad kumba U Trai u la ong, u Pharaoh um shym shahshkor ïa u Moses bad u Aaron.

EKSODOS 7:3

Hynrei ngan pynmutlop ïa u Pharaoh, bad un ym shahshkor ïa me, kam pher katno kiei kiei kiba shyrkhei ba nga leh ha ka ri Ijipt. Nangta ngan wallam ka jingpynshitom kaba tyngeh ha ka Ijipt bad ngan ïalam ïa ki jait jong ki briew jong nga na ka ri Ijipt.

EKSODOS 8:11

Ma phi, ki rangbah pynïaidkam jong phi, bad ki briew jong phi, phin sa lait na kine ki jakoid, bad kin ym don shuh hangno hangno lait sa tang ha ka wah Nile.”

EKSODOS 8:15

Hynrei haba u Pharaoh u ïohi ba kita ki jakoid ki la ïap, u la kylla mutlop biang, bad kumba U Trai u la lah ong, u Pharaoh um shym la shahshkor ïa u Moses bad u Aaron.

EKSODOS 8:32

Hynrei wat ha kane ka kynti ruh, u Pharaoh u la kylla long mutlop, bad um shym shah ïa u paidbah ban leit.

EKSODOS 9:12

Hynrei U Trai u la pynmutlop ïa u Pharaoh bad, kumba u la lah ong, u Pharaoh um shym shahshkor ïa u Moses bad u Aaron.

EKSODOS 9:35

bad kumba U Trai u la lah kren lyngba u Moses, u Pharaoh um shym pyllait ïa ki Israel ban leit.

ISAÏAH 6:10

Nangta u ong ïa nga, “Pynbthi ïa ki jingmut jingpyrkhat jong kine ki briew, pynkyllut ïa ki shkor jong ki, bad pynmatlah ïa ki khmat jong ki, ba kumta kin ym lah ban ïohi lane ïohsngew lane sngewthuh. Lada ki leh kumta, ki lah ban phai sha nga bad ïoh jingkhiah.”

ISAÏAH 63:17

Balei me shah ba ngin sakma na ki lynti jong me? Balei ba me pynlong mutlop ïa ngi ba ngin phai lyndet na me? To wan phai noh, na ka bynta kito kiba shakri ïa me, na ka bynta u paidlang uba la ju long u jong me.

ÏOANNIS 12:40

“U Blei u la pynmatlah ïa ki khmat jong ki bad u la khang khyrdep ïa ki jingmut jong ki, ba ki khmat jong ki kin ym ïohi, bad ba ki jingmut jong ki kin ym shemphang, bad kin ym phai sha nga, ong U Blei, ïa nga ba ngan pynkhiah ïa ki.”

Ka Shithi U Paul Sha Ki Nong Rom 1:28

Namar ba kita ki briew ki la kyntait ban bat ha ka jingmut ïa ka jingtip bashisha shaphang U Blei, u la ai noh ïa ki sha ki jingmut bajakhlia, ba kumta ki leh ïa kiei kiei kiba kim dei ban leh.

Ka Shithi U Paul Sha Ki Nong Rom 9:18

Kumta te, U Blei u isynei ïa uno uno uba u kwah, bad u pyneh dohnud ïa uno uno uba u kwah.

2 KORINTH 2:16

Ïa kito kiba jah noh, ka dei ka jingiwtung kaba pynïap; hynrei ha kito kiba la pynim, ka long ka jingiwbih kaba wallam jingim. Uei keiñ, uba lah ban leh ïa kaba kum kata ka kam?

DEUTERONOMI 2:36

U Trai U Blei jong ngi u la shah ba ngin ïohknieh ïa ki shnong baroh naduh Aroer kaba harud ka Them Arnon, bad ïa ka nongbah hapdeng kata ka them, haduh Gilead. Ym don kawei ruh ka shnong ïa kaba ngim shym jop.

JOSHUA 11:20

U Trai u la pynlong ïa ki ban kut jingmut ban ïaleh ïa ki Israel, ba kumta kin shah pynrem sha ka jingpynjot thiaw bad ba baroh kin shah pynïap khlem ka jingisynei. Kane ka long kaba U Trai u la hukum ïa u Moses.

1 PETROS 2:8

Bad kawei pat ka Jingthoh Bakhuid ka ong, “Une u long u maw u ban pynlong ïa ki briew ban jynthut, u mawsiang u ban pynlong ïa ki ba kin kyllon.” Ki la jynthut namar ba kim shym la kohnguh ïa ka ktien, katta ka la long ka mon U Blei ïa ki.