EKSODOS 4:15 - Khasi CL Bible (BSI)

¹⁵ Me lah ban ïakren bad u, bad ïathuh ha u ïa kaei kaba un ong. Ngan ïarap ïa phi baroh ar ngut ban kren, bad ngan ïathuh ha phi aïu phin leh.

KA BAIBL

¹⁵ Bad to men kren ha u, men buh ruh ïa kine ki ktien ha ka shyntur jong u: ma nga te ngan long lem bad ka shyntur jong u ruh, bad ngan hikai ïa phi ïa kaei ba phin leh.

EKSODOS 4:15 ပူးပေါင်းရင်းမြစ်များ

2 SAMUEL 14:3

Nangta leit sha u syiem bad ong ha u ïa kaei kaba nga bthah ïa phi ban ong.” Nangta u Joab u la ïathuh ha ka ïa kaei ban ong.

SALM 25:12

Kito kiba ai burom ïa U Trai kin ïoh jinghikai na u ïa ka lynti kaba ki dei ban bud.

SALM 51:15

Ïarap ïa nga ban kren, A Trai, bad ngan ïaroh ïa me.

EKSODOS 3:12

U Blei u jubab, “Ngan long lem bad me, bad haba me ïalam noh ïa ki briew jong nga na Ijipt, phin ïamane ïa nga ha une u lum. Kata kan long ka jingpynshisha ba nga la phah ïa me.”

EKSODOS 4:12

Mynta, khie leit! Ngan ïarap ïa me ban kren, bad ngan ïathuh ïa me aïu men ong.”

EKSODOS 4:28

Nangta u Moses u ïathuh ha u Aaron ïa kiei kiei baroh kiba U Trai u la ong mynba u phah ïa u ban leit phai sha Ijipt; u ïathuh ruh ha u shaphang ki kambah kiba U Trai u la hukum ïa u ban leh.

EKSODOS 4:30

U Aaron u ïathuh ha ki ïa kiei kiei baroh kiba U Trai u la kren ha u Moses, bad nangta u Moses u leh ïa ki kambah baroh ha khmat ki paidbah.

ISAÏAH 51:16

Nga la pynpyiar ïa ki bneng bad pynïeng ïa ki nongrim ka pyrthei; nga ong ïa ka Jerusalem, ‘Phi long ki briew jong nga! Nga la ai ha phi ïa ka jinghikai jong nga, bad nga ïada ïa phi da ka ksang'ti jong nga.’”

ISAÏAH 59:21

Bad ngan pynlong ka Jutang bad phi: Nga la ai ha phi ïa ka bor jong nga bad ki jinghikai jong nga kin long bad phi junom, bad naduh mynta phi dei ban kohnguh ïa nga bad hikai ïa ki khun jong phi bad ïa ki pateng jong phi ban kohnguh ïa nga ha ki por baroh ki ban wan.”

JEREMAÏAH 1:9

Nangta U Trai u la kner ïa la ka kti bad u la ktah ïa ki rmiang shyntur jong nga, bad u la ong ha nga, “To shahshkor, nga ai ha me ki kyntien kiba me dei ban kren.

JEREMAÏAH 36:32

Te nga la shim ïa kawei pat ka kot kli bad nga la ai ïa ka ha u sekretari jong nga u Barukh, bad u la thoh hangta ïa kiei kiei baroh kiba nga la ong. U la thoh ïa kiei kiei baroh kiba la don ha ka kot kli kaba nyngkong bad kijuh ki khubor kiba nga la ong ha u ban thoh.

JINGKHEIÑ 16:28

U Moses u ong ha uta u paidbah, “Da kane phin tip ba dei U Trai uba la phah ïa nga ban leh ïa kine kiei kiei baroh, bad ba ym dei da ka mon jong nga ba nga la leh ïa ki.

JINGKHEIÑ 22:38

U Balaam u jubab, “Nga la wan em! Hynrei mynta nga donbor aïu? Nga lah ban kren tang ïa kaba U Blei u ong ha nga ban kren.”

JINGKHEIÑ 23:12

U jubab, “Nga lah ban kren tang ïa kaei kaba U Trai u ong ïa nga ban kren.”

JINGKHEIÑ 23:16

U Trai u ïakynduh ïa u Balaam, u la ïathuh ha u kumno ban kren, bad u la phah ïa u pat sha u Balak ban ai ïa ka khubor jong u.

JINGKHEIÑ 23:5

U Trai u ïathuh ha u Balaam kumno ban kren bad u la phah pat ïa u sha u Balak, ban ai ha u ïa ka khubor.

MATHAÏOS 28:20

bad hikai ïa ki ban kohnguh ha kiei kiei baroh kiba nga la hukum ïa phi. Bad ngan ïai don ryngkat lem bad phi, haduh kaba kut ka Ïa.”

LOUKAS 21:15

namar ngan ai ha phi ki kyntien bad ka jingstad kiba ym don na ki nongshun jong phi kiba lah ban kyntait lane ïa-pyrshah ïa kaei kaba phi ong.

1 KORINTH 11:23

Naba nga la ïohpdiang na U Trai ïa ka jinghikai kaba nga la ai pateng ha phi: Ba U Trai Jisu, ha kata ka miet ha kaba la shetkylla ïa u, u la shim ïa u kpu, u la ainguh ïa U Blei, u la kdiah ïa u, bad u la ong, “Une u long ka met jong nga, na ka bynta jong phi. To leh ïa kane ban kynmaw ïa nga.”

1 KORINTH 15:1

Bad mynta nga kwah ban pynkynmaw ïa phi, ko parabangeit jong nga, ïa ka Khubor Babha kaba nga la ïalap ha phi, ïa kaba phi la pdiang, bad ha kaba ka jingngeit jong phi ka ïeng skhem.

DEUTERONOMI 18:18

Ngan phah ha ki ïa u nongïathuhlypa uba kum ma me napdeng ki para jait jong ki hi; ngan sa ïathuh ha u aïu un ong, bad un kren ha ki briew kat ïa kaba nga hukum.

DEUTERONOMI 5:31

Hynrei me pat, Moses, men sah hangne bad nga, bad ngan ai ha me ïa ki aiñ bad ki hukum jong nga baroh. Hikai ïa ki ha u paidbah ba kin sumar bad leh ïa ki ha kata ka ri ïa kaba ngan ai ha ki.’

1 SAMUEL 16:3

Khot sngewbha ïa u Jesse sha kata ka jingkñia, bad ngan sa ïathuh ha me ïa kaei ba men leh. Men sa pynsleh kum u syiem ïa u briew uba ngan ïathuh ha me.”