EKSODOS 4:11 - Khasi CL Bible (BSI)

¹¹ U Trai u la ong ha u, “Uei uba ai ha u briew ïa ka shyntur? Uei uba pynlong ïa u uba kyllut ne u bymnang kren? Uei uba ai ha u ïa ka jingïohi ne pynlong ïa u, uba matlah? Dei ma nga, U Trai.

KA BAIBL

¹¹ Te U Trai u la kylli ïa u, “Uei ba la thaw ïa ka shyntur u briew? Lane uei ba la thaw ïa u bymnangkren, lane u bakyllut, lane u bapeit, lane u bamatlah? Ym long ma nga U Trai?

EKSODOS 4:11 ပူးပေါင်းရင်းမြစ်များ

JENESIS 11:7

Ïa, ngin ïaleit hiar bad pynkhleh ïa ka ktien jong ki, ba kumta kin ym ïasngewthuh shuh iwei ïa iwei pat.”

JENESIS 18:14

Hato don kaei kaei kaba eh ïa U Trai? Kumba nga la ong, ngan sa wan biang hadien khyndai bnai, bad ka Sarah kan sa ïoh khun shynrang.”

SALM 146:8

bad u pynpeit pat ïa kiba matlah. U khyllie ïa kito kiba la kyllon noh; u ieit ïa ki briew kiba hok jong u.

SALM 51:15

Ïarap ïa nga ban kren, A Trai, bad ngan ïaroh ïa me.

SALM 94:9

U Blei u la thaw ïa ki shkor jong ngi — hato un ym ïohsngew? U la thaw ïa ki khmat jong ngi — hato un ym ïohi?

PROBERB 20:12

U Trai u la ai ïa ngi ki khmat ban peit da ki bad ïa ki shkor ban sngap da ki.

ISAÏAH 42:7

Phin pynpeit ïa ki khmat jong kiba matlah bad pyllaitluid ïa kito kiba shong ha ki ïingbyndi ba-dum.

ISAÏAH 6:7

U la ktah ïa ki rmiang shyntur jong nga da u rnga barhem bad ong, “Une u la ktah ïa ki rmiang shyntur jong me, bad mynta ka jingkitpop jong me ka la jah noh, bad ïa ki pop jong me la map.”

JEREMAÏAH 1:6

Nga jubab, “Ko Trai Nongsynshar, ngam tip kumno ban kren; nga dang khynnah eh.”

JEREMAÏAH 1:9

Nangta U Trai u la kner ïa la ka kti bad u la ktah ïa ki rmiang shyntur jong nga, bad u la ong ha nga, “To shahshkor, nga ai ha me ki kyntien kiba me dei ban kren.

ESEKIEL 33:22

Ha ka janmiet shuwa ba un wan, nga la sngew ïa ka jingdon ryngkat U Trai kaba jur. Haba uta u briew u la poi ha ka step kaba bud, U Trai u ai ha nga pat ïa ka bor ban kren.

AMOS 3:6

Hato ka turoi thma ka ju sawa ha ka nongbah khlem da pynlong ïa ki briew ban sheptieng? Hato ka jingjynjar ka ju ngat ha ka nongbah lymda U Trai u phah ïa ka?

MATHAÏOS 11:5

kiba matlah ki lah ban ïohi, kiba dkoh ki lah ban ïaid, ïa kito kiba pang 'ñiangthohlieh la pynkhuid, kiba kyllut ki ïohsngew, ïa kiba ïap la pynim pat, bad ïa ka Khubor Babha la ïalap ha kiba duk.

LOUKAS 1:20

Hynrei mem shym ngeit ïa ka khubor jong nga, ka ban urlong shisha ha ka por kaba dei. Namar ba mem shym la ngeit, men ym lah ban kren, men ïailong uba jar jar tad ynda ka sngi ha kaba ka jingkular jong nga ha me ka urlong shisha.”

LOUKAS 1:64

Ha kata ka khyllipmat u Sekharaïah u la lah pat ban kren, bad u la sdang ban ïaroh ïa U Blei.

ÏOANNIS 10:21

Hynrei kiwei pat ki la ïa-ong, “U briew uba shongksuid um lah ban kren kumne! Kumno u ksuid u lah ban ai jingïoh imat pat ïa ki briew kiba matlah?”