EKSODOS 4:1 - Khasi CL Bible (BSI)

¹ Te U Moses u jubab ïa U Trai, “Hynrei tharai ki Israel kin ym ngeit ïa nga, bad kin ym shahshkor ïa kaei kaba nga ong. Ngan leh kumno lada ki ong ba mem shym la paw ha nga?”

KA BAIBL

¹ Te u Moses u la ïathuh pat bad u la ong, “Hynrei, ha khmih, kin ym ïangeit ïa nga, lymne sngap ïa ka ktien jong nga: naba kin ong, ‘U Trai um shym la mihpaw ha me.’ ”

EKSODOS 4:1 ပူးပေါင်းရင်းမြစ်များ

1 SYIEM 13:3

Bad u nongïathuhlypa u ïai kren ban ong, “Kane ka duwan kan pra phum bad ïa u dpei yn pynsaphred. Te phin tip ba U Trai u la kren lyngba jong nga.”

EKSODOS 2:14

Uta u briew u jubab, “Mano ba thung ïa phi kum u syiem bad nongbishar jong ngi? Hato phi mut ban pynïap ïa nga kumba phi la pynïap ïa uto u nong Ijipt?” Kumta u Moses u la sheptieng, bad u pyrkhat, “Pleng, ki briew ki la tip ïa kaei ba nga la leh.”

EKSODOS 3:15

Ong ïa ki Israel ba ma nga, U Trai, U Blei jong ki kpa tymmen jong ki, U Blei jong u Abraham, u Isaak bad u Jakob, u la phah ïa me sha ki. Kane ka long ka kyrteng jong nga junom la junom; kumne ruh ki pateng bynriew ki ban dang wan ki dei ban khot ïa nga.

EKSODOS 3:16

Khie leit lumlang ïa ki tymmen ki san jong ki Israel bad ïathuh ha ki ba nga U Trai, U Blei jong ki kpa tymmen jong ki, U Blei jong u Abraham, U Isaak, bad u Jakob, nga la mihpaw ha me. Ïathuh ruh ha ki ba nga la wan jngoh ïa ki, bad nga la ïohi aïu ki nong Ijipt ki la leh ïa ki.

EKSODOS 3:18

“Ki briew jong nga kin shahshkor ïa kaei kaba me ong ha ki. Nangta me dei ban leit bad ki nongïalam jong ki Israel sha u Pharaoh bad ong ha u, ‘U Trai, U Blei jong ki Hebru, u la pynpaw ïa lade ha ngi. Mynta shah ïa ngi ban leit lai sngi lynti sha ka ri shyiap ban ai jingkñia ha U Trai, U Blei jong ngi.’

EKSODOS 4:10

Hynrei u Moses u ong, “Em, ko Trai, wat phah ïa nga. Ngam ju long u nongkren ba-pnah, bad ngam shym long kum uwei na kita naduh ba me la sdang ban kren ïa nga. Nga long u bym pnah ban kren, uba suki bad uba thlun.”

EKSODOS 4:30

U Aaron u ïathuh ha ki ïa kiei kiei baroh kiba U Trai u la kren ha u Moses, bad nangta u Moses u leh ïa ki kambah baroh ha khmat ki paidbah.

EKSODOS 4:31

Ki paidbah ki la ngeit, bad haba ki ïohsngew ba U Trai u la wan sha ki bad ba u la ïohi kumno ki la shah lehbeiñ tyngeh, ki la nguh la dem bad ki la ïamane ruh.

EKSODOS 6:12

Hynrei u Moses u phai ktien, “Wat ki Israel ruh kim shym sngap ïa nga, u Pharaoh lei shano un sngap? Nga dei u briew uba duna ka ktien ka thylliej.”

EKSODOS 6:30

Hynrei u Moses u la jubab, “Me tip ba nga long uba duna ha ka ktien ka thylliej; kumno keiñ u Pharaoh un shahshkor ïa nga?”

JEREMAÏAH 1:6

Nga jubab, “Ko Trai Nongsynshar, ngam tip kumno ban kren; nga dang khynnah eh.”

ESEKIEL 3:14

Ka bor jong U Trai ka la wan ha nga da ka borbah, bad katba U Mynsiem jong u, u rah noh ïa nga, nga la sngewkthang bad sngewbitar.

KI KAM 7:25

(U la pyrkhat ba ki briew jong u kin shemphang ba U Blei un sa pyndonkam ïa u ban pyllaitluid ïa ki, hynrei kim shym shemphang.)

NONGBISHAR 6:17

U Gideon u jubab, “Lada me sngewbha ïa nga, ai ha nga katto katne ka jingpynshisha ba me dei da shisha U Trai.