EKSODOS 39:32 - Khasi CL Bible (BSI)

³² Kumta keiñ la pyndep ïa ka jingtrei baroh ha ka Ïingjaiñ ka Jingdon Ryngkat U Trai. Ki Israel ki la thaw ïa kata baroh kumba U Trai u la hukum ïa u Moses.

KA BAIBL

³² Kumta la pyndep ïa ka kam baroh Ka Tabernakl, kata ka ïingjaiñ jong ka jingïaseng keiñ: ki khun Israel ki la leh ruh katba kum ïa kata baroh ba U Trai u la hukum ïa u Moses, kumta keiñ ki la leh.

EKSODOS 39:32 ပူးပေါင်းရင်းမြစ်များ

1 SYIEM 6:38

La pyndep ïa ka nadong shadong ha u bnai Bul, u bnai uba phra, ha ka snem kaba khatwei jong ka jingsynshar u Solomon, thik kat kum ka dur ba la ai ïa ka. Ka shim por hynñiew snem ïa u Solomon ban tei ïa ka.

1 SYIEM 7:40

U Huram u shna ruh ïa ki khiew, ki siang, bad ki pliang. U pyndep ïa ka kam jong u baroh ha ka ïing U Trai na ka bynta u Solomon. Kane ka long kaei ba u la thaw: Ar tylli ki rishot; Ar tylli ki khlieh kiba kum ka dur pliang ha kliar kita ki rishot; Ka dur ki kynjri ba la thain ha kawei kawei ka khlieh; Sawspah tylli ki dur soh Pomkranet da ka rnong, ha ki ar laiñ kiba shispah tylli ha kawei kawei ka laiñ sawdong ïa ka dur halor kawei kawei ka khlieh; Shiphew tylli ki kali Shiphew tylli ki dabor Ka pipa; Khat-ar tylli ki masi dab kiba kyrshan ïa kata ka pipa; Ki khiew, ki siang, bad ki pliang. Baroh kine ki tiar ki tar na ka bynta ka Templ, ïa kiba u Huram u la shna na ka bynta u syiem Solomon, ki long da ka rnong kaba la pynphyrnai.

1 KHRONIKL 28:19

U Syiem Dabid u ong, “Ïa kane baroh la kynthup ha ka dur pynkhreh kaba la thoh kat kum ki jingbthah kiba U Trai da lade hi u la ai ha nga ban pyntrei.”

EKSODOS 12:28

Nangta ki la leit bad leh kumta kumba U Trai u la hukum ïa u Moses bad u Aaron.

EKSODOS 25:40

Da kitkhia ba men thaw ïa ki kat kum ka dur ba nga la pyn-i ha me ha une u lum.

EKSODOS 31:7

ïa ka Ïingjaiñ ka Jingdon Ryngkat jong nga, ïa ka Synduk ka Jutang bad ïa ka jingtap jong ka, ïa ki jingpynriam baroh jong ka Ïingjaiñ,

EKSODOS 39:31

Ki teh ïa ka ha khmat ka jaiñspong da u ksai uba jngum, kumba U Trai u la hukum ïa u Moses.

EKSODOS 39:33

Ki wallam sha u Moses ïa kata ka Ïingjaiñ bad ïa ki jingbuh jingsat jong ka baroh, ïa ki bnoh jong ka, ïa ki jingker jong ka, ïa ki diengkhap jong ka, ïa ki rishot jong ka, bad ïa ki thliew tnaw jong ka;

EKSODOS 40:1

U Trai u ong ha u Moses,

EKSODOS 40:3

Buh hangta ïa ka Synduk ka Jutang ha kaba don ki Shiphew Hukum, bad kah ïa ka da ka pyrda.

EKSODOS 40:32

man kaba ki rung shapoh ka Ïingjaiñ ne ki leit sha jan kata ka duwan, kumba U Trai u la hukum.

JINGKHEIÑ 3:31

Kine kin kitkhlieh ïa ka Synduk ka Jutang, ïa ka miej, ïa u diengpynïeng sharak, ïa ki duwan, ïa ki khiew ki pliang ba ki lyngdoh ki pyndonkam ha ka Jaka Kyntang, bad ïa ka pyrda ha ka jingkhang sha ka Jaka kaba Kyntang Tam. Kin kitkhlieh ïa ki kam baroh kiba ïadei bad kine tiar ki tar.

MATHAÏOS 28:20

bad hikai ïa ki ban kohnguh ha kiei kiei baroh kiba nga la hukum ïa phi. Bad ngan ïai don ryngkat lem bad phi, haduh kaba kut ka Ïa.”

DEUTERONOMI 12:32

“Leh ïa kata baroh kaba nga la hukum ïa phi; wat pyntam ha ka ne pynduna ei ei na ka.

HEBRU 3:2

U long uba shaniah ha U Blei, uba la jied ïa u ban leh ïa kane ka kam, kumba u Moses u la long uba lah ban shaniah ha ka kam jong u ha ka ïing U Blei.

HEBRU 8:5

Ka kam kaba ki leh kum ki lyngdoh ka long shisha tang kum ka dur bad ka syrngiew ïa kaei kaba don ha bneng. Ka la long kajuh kumba ka la long bad u Moses. Haba u la dei ban thaw ïa kata ka Ïingjaiñ ka Jutang, U Blei u la ong ha u, “Pynthikna ban thaw ïa kiei kiei baroh kat kum kata ka nongmuna ïa kaba la pyn-i ha me halor uta u lum.”

1 SAMUEL 15:22

Te u Samuel u ong, “Kaei kaba U Trai u kham sngewbha: ka jingkohnguh ne ki jingainguh bad ki jingkñia? Ka kham bha ban kohnguh ïa u ban ïa kaba kñia ha u ïa ka langbrot kaba kynsai tam.