EKSODOS 38:9 - Khasi CL Bible (BSI)

⁹ U shna ïa ka phyllaw ïa ka Ïingjaiñ ka Jingdon Ryngkat U Trai da ki pyrda kiba da ka jaiñ linen bani. Ha ka liang kaba shaphang shathie, kine ki pyrda ki long sawphew saw mitar ka lynter,

KA BAIBL

⁹ Bad u la thaw ïa ka phyllaw ruh: ha ka liang kaba shaphang shathie, ki pyrda kata ka phyllaw ki la long da ka linen bani ba la thir, shispah pruh:

EKSODOS 38:9 ပူးပေါင်းရင်းမြစ်များ

1 SYIEM 6:36

Ïa ka kamra bashapoh la tei ha khmat ka Templ, la ker ïa ka da ki kynroh kiba don shi syrtap u dieng Kedar basawdong ha man la ki lai syrtap jong u maw.

SALM 100:4

To rung sha ki khyrdop ka Templ da ka jingainguh; leit sha ki phyllaw jong ka da ka jingïaroh. To ainguh ïa u bad to ïaroh ïa u!

SALM 84:10

Shi sngi ban pynlut ha ka Templ jong me ka kham bha ban ïa shihajar shawei pat. Nga kham lah ban ïeng ha ka khyrdop ha ka ïing U Blei jong nga ban ïa kaba shong ha ki ïing jong ki bymman.

SALM 84:2

A katno nga kwah hir hir ban don hangta! nga thrang dik dik ban don ha ka Templ U Trai. Da ka dohnud jong nga bad ka doh jong nga nga rwai da kaba kmen ha U Blei uba im.

SALM 89:7

Ïa me la sheptieng ha ka jingïalang jong kiba khuid, bad baroh na ki, ki ïeng ha ka jingtiengburom ïa me.

SALM 92:13

Ki long kum ki dieng ba la thung ha ka ïing jong U Trai, kiba roi ha ka Templ jong U Blei jong ngi,

EKSODOS 26:1

“Thaw ïa kaba shapoh jong ka Ïingjaiñ bakyntang, ka Ïingjaiñ jong ka Jingdon Ryngkat jong nga na ki shiphew tylli ki lyngkhot jaiñ kiba da ka linen kaba ni, ba la thain da u 'saiwul uba jngum, uba sawbthuh, bad uba rong saw. Suh pynpur itynnat ha ki ïa ka dur ki kherub.

EKSODOS 38:10

ba la kyrshan pynskhem ïa ki da ki arphew tylli ki rishot rnong ba la thep ha ki arphew tylli ki thliew tnaw rnong; ki bnoh jong kita ki rishot bad ki shrong jong ki, ki long da ka rupa.

EKSODOS 40:33

U Moses u pynïeng sa ïa ka phyllaw kaba baroh sawdong ka Ïingjaiñ bad kata ka duwan, bad u wah ïa ka pyrda ha khyrdop jong ka phyllaw. Kumta keiñ u Moses u pyndep ïa kata ka kam baroh.

EKSODOS 40:8

Pynïeng ïa ka phyllaw kaba baroh sawdong bad wah ïa ka pyrda ha ka khyrdop jong ka.

JINGKHEIÑ 3:26

ïa ki pyrda jong ka phyllaw kaba long baroh sawdong ïa ka Ïingjaiñ bad ïa ka duwan, bad ïa ka pyrda ïa ka jingkhang jong ka phyllaw. Kin kitkhlieh ïa ki kam baroh kiba ïadei bad kine ki tiar ki tar.

JINGKHEIÑ 4:26

ki pyrda bad ki tyllai jong ka phyllaw kaba don sawdong ka Ïingjaiñ bad ka duwan, ki pyrda jong ka jingkhang ka phyllaw, bad ki tiar ki tar baroh ïa kiba la pyndonkam ha kaba pynïeng pyndait ïa ki. Kin pyndep ïa baroh ki kam kiba donkam na ka bynta kine kiei kiei.”