EKSODOS 38:21 - Khasi CL Bible (BSI)

²¹ Kane ka long ka jingbuh jingkheiñ ïa ki mar kiba la pyndonkam na ka bynta ka Ïingjaiñ ka Jingdon ryngkat U Trai ha kaba la buh ïa ki ar tylli ki mawlyngkniap ba la thoh ïa ki Shiphew Hukum. U Moses u hukum ban ai ïa kane ka jingkheiñ, bad la pynkhreh ïa ka da ki Lebi ha ka jingïalam u Ithamar, u khun jong u Aaron u lyngdoh.

KA BAIBL

²¹ Kane ka long ka jingkheiñ ka jong Ka Tabernakl, Ka Tabernakl ka jingphla keiñ, ïa kiba la kheiñ da ka hukum u Moses, ïa ka kam jong ki Lebi, da ka kti u Ithamar, u khun u Aaron u lyngdoh.

EKSODOS 38:21 ပူးပေါင်းရင်းမြစ်များ

1 KHRONIKL 6:3

U Amram u don ar ngut ki khun shynrang, u Aaron bad u Moses, bad kawei ka khun, ka Miriam. U Aaron u don saw ngut ki khun shynrang: u Nadab, u Abihu, u Eleasar, bad u Ithamar.

2 KHRONIKL 24:6

kumta u phah khot ïa u Jehoïada, u nongïalam jong ki, bad u dawa, “Balei ba phim peit ïa kane ba ki Lebi ki lum na Judah bad Jerusalem ïa ka khajna kaba u Moses, u shakri jong U Trai, u la pan na ki briew ban siew ïa ka ban kyrshan ïa ka Ïingjaiñ Ka Jingdon Ryngkat U Trai?”

Ka Kitab U Job 11:4

Me kam ba kaei kaba me ong ka long kaba shisha; me kam ba me long uba sngur ha ki khmat U Blei.

Ka Kitab U Job 22:23

Ho-oid, phi dei ban phai sha U Blei da ka jingsngewrit bad iehnoh ïa baroh kaba sniew kaba don ha ka ïing jong phi.

Ka Kitab U Job 26:1

Katno phi la long ka jingïarap babha ïa nga — u briew uba duk, uba tlot kum ma nga!

SALM 15:1

A Trai, mano ba lah ban rung shapoh ka Templ jong me? Mano ba lah ban mane ha Seïon, u lum bakyntang jong me?

EKSODOS 25:16

Nangta thep hapoh ka synduk ïa ki ar tylli ki mawlyngkniap kiba ngan ai ha me, ha kiba la thoh ïa ki hukum jong nga.

EKSODOS 26:33

Wah ïa kata ka pyrda na ki jingpyndait kiba don hapoh tnum Ïingjaiñ, bad ïa ka Synduk ka Jutang kaba don ar tylli ki mawlyngkniap buh ïa ka sha lyndet ka pyrda. Kata ka pyrda kan pynïakhlad ïa ka Jaka Kyntang na ka Jaka Kaba Kyntang Tam.

EKSODOS 38:20

Baroh ki snar jong ka Ïingjaiñ bad jong ka phyllaw ki long da ka rnong.

EKSODOS 38:22

U Besalel, u khun jong u Uri bad u ksiew jong u Hur, na ka jait Judah, u la shna ïa kita baroh kat kiba U Trai u la hukum.

EKSODOS 40:3

Buh hangta ïa ka Synduk ka Jutang ha kaba don ki Shiphew Hukum, bad kah ïa ka da ka pyrda.

EKSODOS 6:23

U Aaron u shongkurim ïa ka Elisheba, ka khun jong u Amminadab bad ka para jong u Nahshon. Ka la kha ïa u Nadab, u Abihu, u Eleasar, bad u Ithamar.

JINGKHEIÑ 1:50

Hynrei, buh ïa ki Lebi ba kin peit bad sumar ïa ka Ïingjaiñ ka Jingdon Ryngkat jong nga bad ïa ki jingbuh jingsat jong ka baroh. Ki kin rah ïa ka, bad ïa ki tiar ki tar jong ka, kin shakri ha ka, bad kin pynïeng ïa la ki dara sawdong jong ka.

JINGKHEIÑ 1:53

Hynrei ki Lebi kin pynïeng dara sawdong ka Ïingjaiñ ban ap sumar ïa ka, khnang ba yn ym don mano mano ban wan sha jan bad pynkhie ïa ka jingbitar jong nga ban shoh ïa ka kynhun ki Israel.”

JINGKHEIÑ 10:11

Ha ka sngi kaba arphew jong u bnai uba ar ha ka snem kaba ar hadien ba ki paidbah ki la mihnoh na Ijipt, u lyoh uba halor ka Ïingjaiñ ka Jingdon Ryngkat U Trai u la kiew shajrong,

JINGKHEIÑ 18:2

Wan ïalam ïa la ki ba-ha-ïing ha-sem, kiba na ka jait Lebi, ban ïatreilang bad ïarap ïa me katba me bad ki khun shynrang jong me phi dang ïashakri ha ka Ïingjaiñ.

JINGKHEIÑ 24:5

Ki ïingjaiñ jong ki Israel ki long kiba itynnat, Kum ki dieng Tlai kiba ïeng laiñ.

JINGKHEIÑ 9:15

Ha ka sngi ba la pynïeng ïa ka Ïingjaiñ ka Jingdon Ryngkat U Trai, u lyoh u la wan bad tap ïa ka. Mynmiet, uta u lyoh u paw kum ka ding.

MATHAÏOS 17:4

Kumta u Petros u la kren bad u la ong ha U Jisu, “Ko Trai, katno ka long kaba bha ba ngi ïadon hangne! Lada me mon, ngan shna lai tylli ki ïingjaiñ hangne, kawei na ka bynta jong me, kawei na ka bynta u Moses, bad kawei na ka bynta u Elijah.”

KI KAM 7:44

“Ki kpa tymmen jong ngi ki la don bad ki ïa ka Ïingjaiñ ka Jingdon Ryngkat U Blei, ha ka ri shyiap. La thaw ïa ka kat kumba U Blei u la ong ha u Moses ban thaw ïa ka, kat kum ka dur ïa kaba la pyn-i ha u Moses.

2 KORINTH 5:1

Naba ngi tip ba haba kane ka ïingjaiñ kaba ngi shong — ka met jong ngi hangne ha pyrthei — ka la jot noh, U Blei un buh ha bneng ïa ka ïing na ka bynta jong ngi ba ngin shong, ka ïing kaba ma u hi u la thaw, ka ban neh junom la junom.

HEBRU 8:2

U shakri kum U Rangbah Lyngdoh ha ka Jaka kaba Kyntang Tam, kata ka long, ha ka ïingjaiñ kaba shisha ïa kaba U Trai u la pynïeng, ym da u briew.

HEBRU 9:11

Hynrei U Khrist u la lah wan lypa kum U Rangbah Lyngdoh jong kiei kiei kiba bha kiba la don lypa hangne. Ka Ïingjaiñ ha kaba u shakri ka long kaba kham khraw bad kaba kham janai; kam dei ka ïingjaiñ kaba la shna da u briew, kata ka long, kam dei ka bynta jong kane ka pyrthei ïa kaba la thaw.

2 PETROS 1:13

Nga pyrkhat ïa kane ba ka long kaba dei ïa nga ban pynkhih ïa ka jingkynmaw jong phi ïa kine kiei kiei katba nga dang im.

JINGPYNPAW 11:19

Ïa ka Templ U Blei ha bneng la plie, bad ïa ka Synduk ka Jutang la ïohi hangta. Nangta la don ki jingthaba leilieh, ki jingkyrhuh bad ki jingsawa u pyrthat, ka jingkhynñiuh jumai bad ka jinghap phria kaba jur.

JINGPYNPAW 15:5

Hadien kane nga la ïohi ïa ka templ ha bneng ba ka plie, lem bad ka Ïingjaiñ ka Jingdon Ryngkat U Blei hapoh jong ka.

JINGPYNPAW 21:3

Nga la ïohsngew ïa ka sur kaba jam kaba kren na ka khet: “Mynta ka ïing jong U Blei ka long bad u bynriew! Un shong bad ki, bad kin long ki briew jong u. U Blei da lade hi un long bad ki, bad un long U Blei jong ki.