EKSODOS 38:1 - Khasi CL Bible (BSI)

¹ Na ka bynta ban thang ïa ki jingainguh, u thaw ïa ka duwan da ka dieng akasia. Ka long kaba sawdong, ka don 2.2 mitar ka lynter, 2.2 mitar ka jingïar bad 1.3 mitar ka jingjrong.

KA BAIBL

¹ Bad u la thaw ïa ka duwan ka jingainguh thang da u dieng Shittim: ka lynter jong ka, san pruh; bad ka pyngkiang jong ka, san pruh; kaba sawdong keiñ; bad ka jingjrong jong ka, lai pruh.

EKSODOS 38:1 ပူးပေါင်းရင်းမြစ်များ

2 KHRONIKL 1:5

Ka duwan rnong kaba la thaw da u Besalel, u khun jong u Uri bad u ksiew jong u Hur, ka don ruh ha Gibeon ha khmat jong ka Ïingjaiñ Ka Jingdon Ryngkat U Trai. U syiem Solomon bad ki briew baroh ki la mane ïa U Trai hangta.

2 KHRONIKL 4:1

U syiem Solomon u la phah shna ïa ka duwan rnong, kaba khyndai mitar sawdong, bad 4.5 mitar ka kynjang.

EKSODOS 25:5

ka snieh 'langsohmoh ba la wieh rong saw, ka snieh kaba bha, bad ka dieng akasia;

EKSODOS 30:17

U Trai u ong ha u Moses,

EKSODOS 31:9

ïa ka duwan ka jingainguh thang bad ki tiar ki tar jong ka baroh, ïa ka dabor bad ka jingpynshong jong ka,

EKSODOS 38:2

U thaw ïa ki reng ha khlieh ki saw tylli ki dong jong ka, ba kin ïadait lang kawei bad kata ka duwan. U suit ïa ka baroh da ka rnong.

EKSODOS 40:29

bad hangta ha khmat jong kata ka pyrda u buh ïa ka duwan ka jingainguh thang. U kñia ïa ka jingainguh thang bad ïa ka jingainguh bam halor jong ka, kumba U Trai u la hukum ïa u.

EKSODOS 40:6

Buh ïa ka duwan ka jingainguh thang ha khmat ka jingkhang jong ka Ïingjaiñ.

ÏOANNIS 6:37

Uno uno ïa uba U Kpa jong nga u ai ha nga un wan sha nga. Ngan ym kyntait ïa uno uno uba wan sha nga, namar nga la wan hiar na bneng ban leh ym ïa ka mon ka jong nga hynrei ïa ka mon jong uta uba la phah ïa nga.

Ka Shithi U Paul Sha Ki Nong Rom 12:1

Kumta te, ko ki parabangeit jong nga, namar ka jingisynei bakhraw jong U Blei ïa ngi, nga kyrpad ïa phi: To aiti ïa lade kum ka jingkñia ba-im sha U Blei, ba la pynkyntang ha ka jingshakri ïa u bad ka jingpynsngewbha ïa u. Kane ka long ka jingmane bashisha kaba phi dei ban ai.

HEBRU 13:10

Ki lyngdoh kiba shakri ha ki jaka mane blei jong ki Jiw kim don hok ban bam na kano kano ka jingkñia ïa kaba la buh halor ka duwan jong ngi.

HEBRU 13:8

U Jisu Khrist u long ujuh mynhynnin, mynta bad sha ki bymjukut.

HEBRU 3:1

Ko parabangeit jong nga ïa kiba U Blei u la khot! To pyrkhat ïa U Jisu, ïa uba U Blei u la phah ban long U Rangbah Lyngdoh jong ka jingngeit kaba ngi ïaphla.

HEBRU 9:14

Namar ba kane ka long kaba shisha, kaba katno tam lah ban pyndep da ka snam U Khrist! Lyngba U Mynsiem bymjukut u la aiti ïa lade kum ka jingkñia kaba janai ha U Blei. Ka snam jong u kan pynkhuid ïa ka jingïatiplem jong ngi na ki niam ki rukom ki bymmyntoi, khnang ba ngi lah ban shakri ïa U Blei uba im.

1 PETROS 2:5

To wan kum ki maw ba-im, bad to shah ïa lade ba yn pyndonkam ha kaba tei ïa ka Templ ba kynja mynsiem, ha kaba phin shakri kum ki lyngdoh bakhuid ban ai ïa ki jingkñia ba kynja mynsiem bad ba pdiang hun ha U Blei da U Jisu Khrist.

JINGPYNPAW 21:16

Ka nongbah ka la long kaba sawdong janai, ka ïar kat ka lynter jong ka. U angel u la thew ïa ka nongbah da u diengthew jong u: Ka la don ar hajar sawspah kilomitar ka lynter bad ka la ïar bad kynjang kat ka lynter jong ka.