EKSODOS 37:29 - Khasi CL Bible (BSI)

²⁹ U shna ruh ïa ka umphniang pynsleh kaba kyntang bad ïa ka jingiwbih suhsieng, ïa kaba la khleh lang kumba khleh jingiwbih.

KA BAIBL

²⁹ U la thaw ruh ïa ka umphniang bapynsleh ka bakyntang, bad ïa kata ka jingiwbih thang basngur da ki musla ki baiwbih, kum ka rukom u apothekari.

EKSODOS 37:29 ပူးပေါင်းရင်းမြစ်များ

SALM 141:2

To pdiang ïa ka jingduwai jong nga kum ka jingiwbih, ki kti ba la rah jong nga kum ka jingkñia janmiet.

SALM 23:5

Me pynkhreh ka jingkhawai bah na ka bynta jong nga, ha kaba baroh ki nongshun jong nga kin ïohi ïa nga; me pdiang sngewbha ïa nga kum u nongshahkhot sngewbha badonburom bad pyndap miar ïa ka khuri jong nga.

SALM 92:10

Me la pynlong ïa nga uba khlaiñ kum u masi prut; me la kyrkhu ïa nga da ka jingsuk.

EKSODOS 30:22

U Trai u ong ha u Moses,

EKSODOS 37:28

U shna ïa kita ki jingbah da ka dieng akasia bad u suit ïa ki da ka ksiar.

EKLESIASTIS 10:1

Ki skain kiba ïap ki lah ban pyniwtung ïa baroh ka jingiwbih hapoh ka dabi, bad tang khyndiat ka jingmutlop ka lah ban pynduh ïa ka jingstad kaba khraw tam.

ISAÏAH 11:2

U Mynsiem jong U Trai un ai ha u ka jingstad bad ka jingtip bad ka jingtbit ban synshar ïa ki briew jong u. Un tip ïa ka mon jong U Trai bad un pyndonburom ïa u,

ISAÏAH 61:1

U Trai Nongsynshar u la pyndap ïa nga da U Mynsiem jong u. U la jied ïa nga bad phah ïa nga ban wallam ïa ka khubor babha sha kiba duk, ban pynkhiah ïa kiba la pait dohnud, ban pynbna ka jingpyllait ïa ki mraw bad ka jinglaitluid ïa kito kiba ha ka byndi.

ISAÏAH 61:3

ban ai ha kito kiba ïam sngewsih ha Seïon ïa ka jingkmen bad jingsngewbha ha ka jaka ka jingsngewsih, ka jingrwai jong ka jingïaroh ha ka jaka ki ummat kthang. Kin long kum ki dieng ba U Trai da lade hi u la thung. Baroh kin leh ïa kaei kaba dei. Bad ïa U Blei yn ai ka jingïaroh ïa kaei ba u la leh.

ÏOANNIS 3:34

Uta ïa uba U Blei u la phah, u kren ïa ki ktien jong U Blei, namar ba U Blei u ai ha u ïa ka jingdap jong U Mynsiem jong u.

HEBRU 5:7

Ha ka jingim jong u ha kane ka pyrthei, U Jisu u la duwai bad khot kyrpad da kaba pyrta jam bad ïam ha khmat U Blei, uba lah ban pyllait ïa u na ka jingïap. Namar ba u long uba sngewrit bad aiti lut, U Blei u la shahshkor ïa u.

HEBRU 7:25

Bad kumta u long uba lah, mynta bad borabor, ban pynim ïa kita kiba wan sha U Blei da u, namar u im junom ban ïasaid bad U Blei na ka bynta jong ki.

1 ÏOANNIS 2:20

Hynrei ma phi, phi la lah don ïa U Mynsiem Bakhuid ba la theh ha phi da U Khrist, bad kumta phi baroh phi tip ïa ka jingshisha.

1 ÏOANNIS 2:27

Hynrei na ka bynta jong phi, U Khrist u la theh noh ïa la U Mynsiem ha phi. Katba U Mynsiem jong u, u dang ïaisah ha phi, phim donkam ïano ïano ban hikai ïa phi. Naba U Mynsiem jong u, un hikai ïa phi shaphang kiei kiei baroh, bad kaei kaba u hikai ka long kaba shisha, ym kaba lamler. Namarkata, to kohnguh ïa ki jinghikai U Mynsiem bad ïaisah ha U Khrist.