EKSODOS 37:16 - Khasi CL Bible (BSI)

¹⁶ U shna ïa ki khiew da ka ksiar nylla ban buh ha kata ka miej: ki pliang, ki khiew, ki khuri bad ki dabor rit ban pyndonkam ha ka jingainguh da ka waiñ.

KA BAIBL

¹⁶ U la thaw ruh da ka ksiar banylla ïa kita ki pliang kiba halor kata ka miej, ïa ki khuri jong ka, bad ïa ki siang jong ka, bad ïa ki khiew jong ka ruh, bad ïa ki jingtap ban tap da ki.

EKSODOS 37:16 ပူးပေါင်းရင်းမြစ်များ

1 SYIEM 7:50

ki khuri, ki jingpynlip sharak, ki pliang, ki pliang jingiwbih, bad ki khiew ba pyndonkam ban rah ïa ki rnga barhem; bad ki kopja ïa ki jingkhang ïa jingkhang jong ka Jaka Kaba Kyntang bad ïa ki jingkhang bashabar jong ka Templ. Ïa baroh kine ki tiar ki tar la thaw da ka ksiar.

2 SYIEM 12:13

Pynban ym shym la pyndonkam ïa ka pisa, ban siew ha kaba shna ïa ki khuri rupa, ki khiew, ki turoi, ne ki tiar pynmeh ïa ki sharak, ne kiwei de ki tiar ba la shna na ka rupa ne na ka ksiar.

EKSODOS 25:29

Thaw ïa ki pliang, ki khiew bad ki khuri ban pyndonkam ha ka jingainguh dih. Ïa kine baroh dei ban thaw da ka ksiar nylla.

EKSODOS 37:15

U shna ïa kita ki jingbah da ka dieng akasia bad u suit ïa ki da ka ksiar.

EKSODOS 37:17

U shna ïa u diengpynïeng sharak uba da ka ksiar nylla. U shna ïa ka trai bad ïa ka ktang jong u diengpynïeng sharak da ka ksiar ba la shu shoh. Ki syntiew ba la oh-shrong jong u, kiba kynthup ïa ki shata bad ki sla jong ki, ki ïasoh lang kawei bad u.

2 TIMOTHI 2:20

Ha ka ïing kaba heh don ki khiew kiba bun jait: Don na ki ïa kiba la thaw da ka rupa bad ka ksiar, kiwei pat da ka dieng bad ka dewbyrtha; don na ki na ka bynta ka jingpyndonkam kyrpang, kiwei pat ban pyndonkam man ka por.