EKSODOS 36:2 - Khasi CL Bible (BSI)

² U Moses u la khot ïa u Besalel, ïa u Oholiab, bad ïa baroh ki rangbah kiba tbit ha kiba U Trai u la ai ïa ka jingnang bad kiba kloi mon sngewbha ban ïarap, bad u ong ïa ki ban sdang trei noh ïa kata ka kam.

KA BAIBL

² Te u Moses u la khot ïa u Besalil bad ïa u Aholiab, bad ïa u briew u bastad ka dohnud baroh, ha kiba U Trai u la lah buh ka jingstad, uwei uwei baroh keiñ uba ka dohnud jong u ka la kyntu eh ïa u ban wan trei ïa kata ka kam;

EKSODOS 36:2 ပူးပေါင်းရင်းမြစ်များ

1 KHRONIKL 28:21

Ïa ki lyngdoh bad ki Lebi la pynbynta kam ba kin leh ha ka Templ. Ki nongtrei kiba don jingtbit ha ki jait kam baroh ki thrang ban ïarap ïa me, bad baroh ki briew bad ki nongïalam jong ki, ki don hapoh ka hukum jong me.”

1 KHRONIKL 29:5

bad na ka bynta ki tiar ki tar baroh kiba ki nong-ohdur ki dei ban shna. Mynta mano pat ba mon ban ai kylluid mynsiem sha U Trai?”

EKSODOS 25:2

“Ong ha ki Israel ba kin wallam ha nga ïa ki jingainguh. Pdiang ïa kino kino ki jingainguh kat kiba uno uno u mon ban ai.

EKSODOS 25:40

Da kitkhia ba men thaw ïa ki kat kum ka dur ba nga la pyn-i ha me ha une u lum.

EKSODOS 28:3

Khot ïa ki nongsuhjaiñ batbit kiba nga la ai ha ki ka sap bad ong ïa ki ba kin suh ïa ki jaiñkup u Aaron khnang ba yn ïoh pynkyntang ïa u kum u lyngdoh ban shakri ïa nga.

EKSODOS 31:6

Nga la jied ruh ïa u Oholiab u khun jong u Ahisamakh, na ka jait Dan, ban ïatrei lem bad u. Nga la ai ruh ïa ka jinglah kaba bakhraw ha kiwei pat ki misteri kiba tbit, khnang ba ki lah ban shna ïa kiei kiei baroh kiba nga la hukum ba dei ban shna:

EKSODOS 35:10

“Baroh ki nongtrei kiba tbit napdeng jong phi ki dei ban ïawan shna ïa kita baroh ïa kiba U Trai u la hukum:

EKSODOS 35:2

Phi ïoh hynriew sngi ban trei jingtrei, hynrei ka sngi kaba hynñiew ka dei ban long kaba kyntang, ka sngi shongthait ba la pynkyntang sha nga U Trai. Uno uno uba trei ïa kano kano ka kam ha kata ka sngi un shah pynïap.

EKSODOS 36:1

“U Besalel, u Oholiab, bad kiwei pat ki nongtrei ïa kiba U Trai u la ai ka jingtbit bad ka jingshemphang, kiba tip ban trei ïa ka kam baroh kaba ïadei bad ka jingtrei ïa ka Ïingjaiñ kaba kyntang, ki dei ban shna ïa kaei kaei baroh kumba U Trai u la hukum.”

EKSODOS 36:3

Ki la ïohpdiang na u ïa kita ki jingai baroh ba ki Israel ki la wallam na ka bynta ban tei ïa kata ka Ïingjaiñ kaba kyntang. Hynrei ki Israel ki nang ïai wallam sha u Moses ïa ki jingainguh jong ki man ka step.

KI KAM 14:23

Ha kawei pa kawei ka balang ki la thung ïa ki nongsharai balang, bad da ki jingduwai bad ka jingshah jingit ki la aiti ïa ki sha U Trai, ha uba ki la buh ïa la ka jingshaniah.

KOLOSSAI 4:17

Bad ong ïa u Arkhippos, “Pynthikna ban pyndep ïa ka kam kaba la ai ha me ha ka jingshakri ïa U Trai.”

HEBRU 5:4

Ym don uno uno ruh uba shim ha lade ïa ka burom ka jinglong rangbah lyngdoh. Ka dei tang lyngba ka jingkhot U Blei, ba u briew u lah ban long u rangbah lyngdoh — kumba u Aaron u la long.