EKSODOS 35:5 - Khasi CL Bible (BSI)

⁵ Wallam ka jingainguh sha U Trai. Kat uba kwah ban leh ïa kata un wanrah ïa kata ka jingainguh da ka ksiar, ka rupa, bad ka rnong;

KA BAIBL

⁵ To phin shim napdeng jong phi ïa ka jingainguh ha U Trai: jar uba la sngewkloi ha la ka dohnud, to ai un wallam ïa ka, ban long ka jingainguh ha U Trai; ïa ka ksiar, bad ïa ka rupa, bad ïa ka tama;

EKSODOS 35:5 ပူးပေါင်းရင်းမြစ်များ

2 SYIEM 12:4

U Joash u phah khot ïa ki lyngdoh bad u hukum ïa ki ban kynshew ïa ki pisa ba siew ha kaba ïadei bad ki jingkñia ha ka Templ, kaba kynthup ïa ki jingsiew ba dei na ka bynta ki jingkñia ba ju leh bad ka pisa ba ai kum ki jingai sngewbha.

2 KHRONIKL 29:31

U Hesekaïah u ong ïa ki briew, “Mynta phi long kiba khuid kat kum ka jinglehniam, to wallam ïa ki jingkñia kum ki jingai jingainguh sha U Trai.” Ki la kohnguh bad katto katne na ki da ka mon sngewbha ki wallam ïa ki jingri ban kñia kum ka jingainguh thang.

SALM 110:3

Ha ka sngi ba me ïaleh ïa ki nongshun jong me, ki briew jong me kin long ki nongïaleh da ka mon sngewbha. Kum ki umjer jong ka step phyrngab ki samla shynrang jong me kin wan sha me ha ki lum bakyntang.

EKSODOS 25:1

U Trai u la ong ha u Moses,

EKSODOS 35:21

bad baroh kiba mon ban leh kumta, ki wanrah ïa ka jingainguh sha U Trai ïa kaba yn pyndonkam ha kaba shna ïa ka Ïingjaiñ ka Jingdon Ryngkat U Trai. Ki wallam kat ïa kaba donkam na ka bynta ka jingmane, bad na ka bynta ban thain ïa ki jaiñphong lyngdoh.

EKSODOS 35:29

Ki paid Israel baroh, shynrang bad kynthei, kiba sngewkynduh ki wallam mon sngewbha ïa ka jingainguh jong ki sha U Trai na ka bynta kata ka kam kaba u la hukum ïa u Moses ban leh.

EKSODOS 35:4

U Moses u ong ha ki paid Israel baroh, “Kane ka long kaei kaba U Trai u la hukum:

EKSODOS 35:6

ka jaiñ linen kaba ni, u 'saiwul uba jngum, uba sawbthuh, bad uba rong saw; ka jaiñ ba la thain da u shñiuh blang;

2 KORINTH 9:7

Uwei pa uwei u dei ban ai, namarkata, kumba phi la kut jingmut, ym da kaba bynñiaw ne da kaba sngew kum ka kamram; naba U Blei u ieit ïa uta uba ai da kaba kmen.

NONGBISHAR 5:9

Ka dohnud jong nga ka long bad ki nongai hukum jong ki Israel, Lem bad u paidbah uba tyrwa mon sngewbha da kaba kmen. Ïaroh ïa U Trai!