EKSODOS 35:31 - Khasi CL Bible (BSI)

³¹ U Trai u la pyndap ïa u da ka bor jong u, bad u la ai ruh ha u ïa ka jingtbit, ka jingnang, bad ka jingshemphang ban trei ïa ki jait kam ohdur kiba har rukom,

KA BAIBL

³¹ bad u la pyndap ïa u da U Mynsiem U Blei, ha ka jingstad, ha ka jingshemphang, bad ha ka jingsngewthuh, bad ha ka kynja jingtrei baroh;

EKSODOS 35:31 ပူးပေါင်းရင်းမြစ်များ

1 SYIEM 7:14

U kpa jong u, uba la ïap noh, u dei na Tyros, bad u la long ruh uba tbit ha ka jingshna tiar rnong; ka kmie jong u ka dei na ka jait Naphtali. U Huram u long u nongshna tiar uba stad bad uba la nang bha. U la pdiang ïa ka jingkhot sngewbha u Syiem Solomon ban long u nongpynïaid ïa baroh ka jingtrei rnong.

2 KHRONIKL 2:14

Ka kmie jong u ka dei ka dkhot na ka jait Dan, bad u kpa jong u, u dei u traishnong jong ka Tyros. U tip kumno ban thaw ïa kiei kiei na ka ksiar, ka rupa, ka rnong, ka nar, u maw bad ka dieng. U lah ruh ban trei bad ki jaiñ kiba jngum, sawbthuh, bad kiba rong saw, bad ka linen. U lah ban trei ïa bun jait ki jingohdur bad u lah ban bud ïa kano kano ka jingsaiñ dur kumba la ai jingmut ïa u. Shah ïa u ban trei bad ki nongtrei jong phi kiba tbit bad kito kiba la trei na ka bynta u syiem Dabid, u kpa jong phi.

EKSODOS 28:3

Khot ïa ki nongsuhjaiñ batbit kiba nga la ai ha ki ka sap bad ong ïa ki ba kin suh ïa ki jaiñkup u Aaron khnang ba yn ïoh pynkyntang ïa u kum u lyngdoh ban shakri ïa nga.

EKSODOS 31:3

bad nga la pyndap ïa u da ka bor jong nga. Nga la ai ha u ka jingshemphang, ka jingtbit bad ka jingnang ban trei ïa ki jait kam baroh —

EKSODOS 35:30

U Moses u ong ha ki Israel, “U Trai u la jied ïa u Besalel, u khun jong u Uri bad u khun ksiew jong u Hur, na ka jait Judah.

EKSODOS 35:32

ban pyrkhat ïa ki dur kiba itynnat bad ban saiñ ïa ki ha ka ksiar, ha ka rupa, bad ha ka rnong;

EKSODOS 35:35

U la ai ha ki ïa ka jingtbit ban trei ïa ki jait kam baroh ba la ju trei da ki nong-ohdur, ki nongthawdur, bad ki nongsuh nongthain ïa ka linen kaba ni; ïa u 'saiwul uba jngum, uba sawbthuh, bad uba rong saw; bad ïa kiwei pat ki jait jaiñ. Ki nang ban trei ïa ki jait kam baroh, bad ki long ruh ki nongpruid dur kiba tbit.

ISAÏAH 28:26

U tip kumno ban trei ïa ka kam jong u namar U Blei u hikai ïa u.

KOLOSSAI 2:3

U long u shabi uba plie ïa baroh ki jingkynshew ba la buhrieh jong ka jingstad bad ka jingtip U Blei.

JAKOB 1:17

Ka jingai kaba bha baroh bad kaba janai baroh ka wan na bneng; ka wan hiar na U Blei, u Nongpynlong ïa ki jingshai ba kynja bneng, u bym ju kylla lane pynlong jingdum da ka jingpynphai.