EKSODOS 35:29 - Khasi CL Bible (BSI)

²⁹ Ki paid Israel baroh, shynrang bad kynthei, kiba sngewkynduh ki wallam mon sngewbha ïa ka jingainguh jong ki sha U Trai na ka bynta kata ka kam kaba u la hukum ïa u Moses ban leh.

KA BAIBL

²⁹ Ki khun Israel ki la ïawallam ïa ka jingainguh da la ka mon sngewbha hi ha U Trai; ki shynrang bad ki kynthei baroh, kiba la sngewmon hi, ki la ïawallam na ka bynta kita ki kam baroh, ïa kiba U Trai u la lah hukum ban leh da ka kti u Moses.

EKSODOS 35:29 ပူးပေါင်းရင်းမြစ်များ

1 KHRONIKL 29:14

“Pynban ki briew jong nga bad ma nga ngim lah shisha ban ai ei ei ïa me, namar kaei kaei baroh ka dei ka jingai sngewbha jong me, bad ngi la ai biang sha me ïa kaei kaba dei ka jong me hi.

1 KHRONIKL 29:17

Nga tip ba me tynjuh ïa ka dohnud jong uwei pa uwei bad me sngewbha bad ki briew kiba im hok. Ha ka hok bad ka jinglong sngur nga la ai da ka mon sngewbha ïa kane baroh sha me, bad nga la ïohi katno ki briew jong me kiba la ïalumlang hangne ki kmen ban wanrah ki jingainguh sha me.

1 KHRONIKL 29:3

Nalor kane baroh kaba nga la pynbiang, nga la ai ruh ïa ka rupa bad ka ksiar na ka jingdon jingem jong nga namar ka jingieit jong nga ïa ka Templ jong U Blei.

1 KHRONIKL 29:6

Te ki rangbah kur, ki rangbah synshar jong ki jait, ki nongai hukum jong ka kynhun shipai, bad ki nongpynïaid ïa ka jingdon jingem jong u syiem da la ka mon sngewbha ki ai

2 KHRONIKL 35:8

Ki rangbah synshar jong u ruh ki ai sngewbha ïa ki paidbah, ki lyngdoh, bad ki Lebi ba kin pyndonkam. Bad ki rangbah synshar ba dei peit ïa ka Templ — u Hilkaïah, u Rangbah Lyngdoh, u Sekharaïah, bad u Jehiel — ki ai ïa ki lyngdoh ar hajar hynriewspah tylli ki langbrot bad ki khunblang bad laispah tylli ki masi lyngraw na ka bynta ki jingkñia ha ka por ka Jingkhawai Niam.

ESRA 3:5

bad nalor kata, ki ai ki jingainguh thang tylli bad kito ki jingainguh ban ai ha ka Jingkhawai Niam Bnai Thymmai bad ha baroh kiwei ki jingïaseng ba ju long ha kaba la mane ïa U Trai, kumjuh ruh ki jingainguh ba ai sha U Trai da ka mon sngewbha.

ESRA 8:28

Nga ong ha ki, “Phi long kiba kyntang ha U Trai U Blei jong ki kpa tymmen jong phi, bad kumjuh ruh ki long ka rupa bad ki khiew ki pliang ksiar ba la wanrah ha u kum ki jingainguh mon sngewbha.

EKSODOS 35:4

U Moses u ong ha ki paid Israel baroh, “Kane ka long kaei kaba U Trai u la hukum:

EKSODOS 35:5

Wallam ka jingainguh sha U Trai. Kat uba kwah ban leh ïa kata un wanrah ïa kata ka jingainguh da ka ksiar, ka rupa, bad ka rnong;

EKSODOS 36:3

Ki la ïohpdiang na u ïa kita ki jingai baroh ba ki Israel ki la wallam na ka bynta ban tei ïa kata ka Ïingjaiñ kaba kyntang. Hynrei ki Israel ki nang ïai wallam sha u Moses ïa ki jingainguh jong ki man ka step.

ISAÏAH 8:20

Me dei ban jubab ïa ki, “To shahshkor ïa kaei kaba U Trai u hikai ïa phi! Wat shahshkor ïa ki nongkren byrtong — kaei kaba ki ong ïa phi kan ym weng ïa ka jingjynjar.”

MATHAÏOS 28:20

bad hikai ïa ki ban kohnguh ha kiei kiei baroh kiba nga la hukum ïa phi. Bad ngan ïai don ryngkat lem bad phi, haduh kaba kut ka Ïa.”

1 KORINTH 3:5

Haba kumta, uei u Apollos? Bad uei u Paul? Ngi dei tang ki shakri jong U Blei, kiba la ïalam ïa phi ban ngeit. Uwei pa uwei na ngi u trei ïa ka kam kaba U Trai u la ai ïa u ban leh:

1 KORINTH 9:17

Lada nga la trei ïa la ka kam da ka mon sngewbha, te nga la lah ban khmih lynti ban ïoh ïa ka bainong; hynrei nga leh ïa ka tang kum ka kamram, namar U Blei u la aiti ha nga ïa kane ka kam.

2 KORINTH 9:7

Uwei pa uwei u dei ban ai, namarkata, kumba phi la kut jingmut, ym da kaba bynñiaw ne da kaba sngew kum ka kamram; naba U Blei u ieit ïa uta uba ai da kaba kmen.

GALATIA 6:16

Na ka bynta kita kiba bud ïa kane ka rukom ha ka jingim jong ki, to ai ba ka jingsuk bad ka jingisynei kan long lem bad ki — ïa ki lem bad baroh ki briew jong U Blei!

DEUTERONOMI 11:32

kynmaw ban kohnguh ïa ki hukum baroh ba nga ai ha phi mynta ka sngi.

DEUTERONOMI 12:32

“Leh ïa kata baroh kaba nga la hukum ïa phi; wat pyntam ha ka ne pynduna ei ei na ka.

DEUTERONOMI 4:2

Wat pyntam ei ei nalor kaba nga hukum ïa phi, lane pynduna ei ei na ka. Kohnguh ïa ki hukum U Trai U Blei jong phi ïa kiba nga la ai ha phi.

2 PETROS 1:19

Kumta ngi la nang sngewskhem shuh shuh ha ka khubor ba la pynbna da ki nongïathuhlypa. Kan bha ba phi shahshkor ïa ka, namar ka long kum ka sharak kaba shai ha ka jaka ba-dum haduh ba kata ka Sngi ka wan bad ka jingshai jong u 'lurstep ka tyngshaiñ ha ki dohnud jong phi.

NONGBISHAR 5:2

Ïaroh ïa U Trai! Ki Israel ki la kut jingmut ban ïaleh; U paidbah da kaba kmen u tyrwa mon sngewbha.

NONGBISHAR 5:9

Ka dohnud jong nga ka long bad ki nongai hukum jong ki Israel, Lem bad u paidbah uba tyrwa mon sngewbha da kaba kmen. Ïaroh ïa U Trai!