EKSODOS 35:25 - Khasi CL Bible (BSI)

²⁵ Baroh ki kynthei kiba nang ban thir ki wallam ïa u ksai linen uba ni, bad ïa u 'saiwul uba jngum, uba sawbthuh, bad uba rong saw.

KA BAIBL

²⁵ Ki kynthei baroh ruh ki bastad jingmut ki la thir da la ki kti, ki la wallam ruh ïa kaba ki la lah thir, na ka babyrïong, bad na ka basaw bthuh, bad na ka basaw syng-iang, bad ïa ka linen bani.

EKSODOS 35:25 ပူးပေါင်းရင်းမြစ်များ

2 SYIEM 23:7

U pynjot ïa ki jaka ha ka Templ, ha kiba ju shong ki nuti ka Templ. (Ka dei hangta ba ki kynthei ki ju thain ïa ki barandi kiba ju pyndonkam ha kaba mane ïa ka Asherah.)

1 KHRONIKL 28:21

Ïa ki lyngdoh bad ki Lebi la pynbynta kam ba kin leh ha ka Templ. Ki nongtrei kiba don jingtbit ha ki jait kam baroh ki thrang ban ïarap ïa me, bad baroh ki briew bad ki nongïalam jong ki, ki don hapoh ka hukum jong me.”

EKSODOS 28:3

Khot ïa ki nongsuhjaiñ batbit kiba nga la ai ha ki ka sap bad ong ïa ki ba kin suh ïa ki jaiñkup u Aaron khnang ba yn ïoh pynkyntang ïa u kum u lyngdoh ban shakri ïa nga.

EKSODOS 31:6

Nga la jied ruh ïa u Oholiab u khun jong u Ahisamakh, na ka jait Dan, ban ïatrei lem bad u. Nga la ai ruh ïa ka jinglah kaba bakhraw ha kiwei pat ki misteri kiba tbit, khnang ba ki lah ban shna ïa kiei kiei baroh kiba nga la hukum ba dei ban shna:

EKSODOS 35:24

Baroh kiba lah ban ai da ka rupa ne da ka rnong ki wallam kum ka jingainguh sha U Trai, bad baroh kiba don ïa ka dieng akasia ïa kaba lah ban pyndonkam, ki wallam ïa ka.

EKSODOS 35:26

Ki thir ruh ïa u shñiuh blang.

EKSODOS 36:1

“U Besalel, u Oholiab, bad kiwei pat ki nongtrei ïa kiba U Trai u la ai ka jingtbit bad ka jingshemphang, kiba tip ban trei ïa ka kam baroh kaba ïadei bad ka jingtrei ïa ka Ïingjaiñ kaba kyntang, ki dei ban shna ïa kaei kaei baroh kumba U Trai u la hukum.”

PROBERB 14:1

Ïa ki rympei ïing la pynlong da ka jingstad jong ki kynthei, hynrei la pynjot da ka jingleh bieit.

KI KAM 9:39

Kumta u Petros u la khreh bad u la leit bad ki. Haba u la poi, la ïalam ïa u sha ka kamra kaba haneng, ha kaba ki riewkynthei baroh ki la ïalum sawdong ïa u, ki da ïam bad pyn-i ïa ki sopti bad ki jaiñkup kiba ka Dorkas ka la suh mynba ka dang im.

Ka Shithi U Paul Sha Ki Nong Rom 16:12

Ki jingkhublei jong nga ïa ka Truphina bad ka Truphosa, kiba trei ha ka kam U Trai bad ïa ka paralok ba-ieit jong nga, ka Persis, kaba la trei shibun ka kam na ka bynta U Trai.

Ka Shithi U Paul Sha Ki Nong Rom 16:6

Ki jingkhublei ïa ka Mari, kaba la trei shitom na ka bynta jong phi.

GALATIA 3:28

Kumta, ym don jingïapher hapdeng ki Jiw bad ki Jentil, hapdeng ki mraw bad kiba laitluid, hapdeng ki shynrang bad ki kynthei; phi baroh phi ïalong kawei ha U Khrist Jisu.

PHILIPPI 4:3

Bad ïa phi ruh, ko paralok baïaineh jong nga, nga kwah ïa phi ban ïarap ïa kine ki kynthei; naba ki la trei shitom lem bad nga ban pynsaphriang ïa ka gospel, ryngkat bad u Klemen, bad baroh kiwei pat ki para nongïatrei lem jong nga, kiba ki kyrteng jong ki, ki don ha ka kitab jong kiba im jong U Blei.