EKSODOS 35:22 - Khasi CL Bible (BSI)

²² Baroh kiba kwah kumta, kynthei bad shynrang, ki ïawan rah ïa ki jingpyndait ba la oh-shrong, ki sohshkor, ki sati, ki kpieng, bad ki jingdeng ksiar kiba har rukom, bad ki pynkyntang ïa ki sha U Trai.

KA BAIBL

²² Ki la ïawan te, ki shynrang bad ki kynthei ruh, kat kiba la mon hi ha la ka dohnud, bad ki la wallam ïa ki khadu, bad ïa ki sohshkor, bad ïa ki 'sah'ti, bad ïa ki kynjri, ïa ki kynja baroh ki jingdeng ksiar; u briew baroh keiñ uba la ainguh, u la ainguh da ka ksiar ha U Trai.

EKSODOS 35:22 ပူးပေါင်းရင်းမြစ်များ

2 SYIEM 12:4

U Joash u phah khot ïa ki lyngdoh bad u hukum ïa ki ban kynshew ïa ki pisa ba siew ha kaba ïadei bad ki jingkñia ha ka Templ, kaba kynthup ïa ki jingsiew ba dei na ka bynta ki jingkñia ba ju leh bad ka pisa ba ai kum ki jingai sngewbha.

2 KHRONIKL 29:31

U Hesekaïah u ong ïa ki briew, “Mynta phi long kiba khuid kat kum ka jinglehniam, to wallam ïa ki jingkñia kum ki jingai jingainguh sha U Trai.” Ki la kohnguh bad katto katne na ki da ka mon sngewbha ki wallam ïa ki jingri ban kñia kum ka jingainguh thang.

EKSODOS 32:2

U Aaron u ong ha ki, “Law noh ïa ki sohshkor ksiar ba ki tnga jong phi, ki khun shynrang bad ki khun kynthei jong phi ki deng, bad wallam ïa ki sha nga.”

EKSODOS 32:3

Kumta ki paidbah baroh ki ïalaw noh ïa la ki sohshkor ksiar bad ki wallam ïa ki ha u Aaron.

EKSODOS 35:21

bad baroh kiba mon ban leh kumta, ki wanrah ïa ka jingainguh sha U Trai ïa kaba yn pyndonkam ha kaba shna ïa ka Ïingjaiñ ka Jingdon Ryngkat U Trai. Ki wallam kat ïa kaba donkam na ka bynta ka jingmane, bad na ka bynta ban thain ïa ki jaiñphong lyngdoh.

EKSODOS 35:23

Uwei pa uwei uba don ka jaiñ linen kaba ni; ne u 'saiwul uba jngum, uba sawbthuh ne uba rong saw; ne ka jaiñ ba la thain da u shñiuh blang; ne ka snieh u langbrot kaba la wieh rong saw; ne ka snieh kaba jlih, u wanrah ïa ki.

PROBERB 25:12

Ka jingmaham ba ai da u briew uba shemphang bha ha uno uno uba mon ban sngap ka long kaba kham kordor ban ïa ki sati ksiar ne ki jingdeng mawlynnai ba la saiñ na ka ksiar banylla.

ISAÏAH 3:19

bad ha ki ryndang-kti jong ki. Un shim noh ïa ka jaiñtapkhmat jong ki

ISAÏAH 60:13

“Ïa ki dieng jong u dieng Kseh, u dieng Kseh-Juniper, bad u dieng Kseh-Sypress, ki dieng kiba kynsai tam jong ka khlaw Lebanon yn wallam ban tei biang ïa pha, ko Jerusalem, ban pynitynnat ïa ka Templ jong nga, ban pyndonburom ïa ka nongbah jong nga.

ISAÏAH 60:9

Ki dei ki liengbah kiba wan na ki ri kiba jngai, ki wallam ïa ki paidlang U Blei sha la ïing. Ki wanrah ryngkat bad ki ïa ka rupa bad ka ksiar, ban pyndonburom ïa ka kyrteng U Trai U Blei Bakhuid ka Israel, uba pynlong ïa ki jaitbynriew baroh ban pyndonburom ïa ki briew jong u.

ESEKIEL 16:11

Nga buh ki mawlynnai ha pha — ki khadu bad ki kpieng.

JINGKHEIÑ 31:50

Kumta ngi wallam sha U Trai ïa ki jingdeng ksiar, ki syngkha, ki khadu, ki sati, ki sohshkor, bad ki kpieng kiba uwei pa uwei na ngi, ngi la shim. Ngi ai ïa ki sha U Trai kum ka jingburia ïa ka jingim jong ngi, ba kumta un ïada ïa ngi.”

MATHAÏOS 2:11

Ki la leit rung shapoh ka ïing, bad haba ki la ïohi ïa u khunlung lem bad ka kmie jong u ka Mari, ki la dem khohsiew bad ki la mane ïa u. Ki la sei ïa ki jingai sngewbha jong ki da ka ksiar, ka jingiwbih bad ka Mirr, bad ki la ai ïa ki ha u.