EKSODOS 35:21 - Khasi CL Bible (BSI)

²¹ bad baroh kiba mon ban leh kumta, ki wanrah ïa ka jingainguh sha U Trai ïa kaba yn pyndonkam ha kaba shna ïa ka Ïingjaiñ ka Jingdon Ryngkat U Trai. Ki wallam kat ïa kaba donkam na ka bynta ka jingmane, bad na ka bynta ban thain ïa ki jaiñphong lyngdoh.

KA BAIBL

²¹ Ki la ïawan te, uwei uwei baroh kat uba ka dohnud jong u ka la kyntu eh ïa u, bad uwei uwei baroh kat kiba la ïamon na la ka mynsiem, ki la ïawallam ruh ïa ka jingainguh ïa U Trai, na ka bynta kata ka kam Ka Tabernakl ka jingïaseng, bad na ka bynta ka jingshakri jong ka baroh, bad na ka bynta kita ki jaiñkup bakyntang.

EKSODOS 35:21 ပူးပေါင်းရင်းမြစ်များ

2 SAMUEL 7:27

A Trai Nongsynshar, U Blei ki Israel! nga sngew shlur ban duwai kane ka jingduwai ha me, namar me la pynpaw ïa kane baroh ha nga, u shakri jong me, bad ba me la ong ha nga ba men pynlong syiem ïa ki khun ki ksiew jong nga.

1 KHRONIKL 28:2

U Dabid u ïeng ha khmat jong ki, bad u ong, “Ko ki para ri jong nga, to shahshkor ïa nga. Nga la kwah ban tei ka ïingshong neh ïa ka Synduk ka Jutang, ka jingïuhkjat jong U Trai U Blei jong ngi. Nga la pynkhreh ban tei ïa ka Templ ban ai burom ïa u,

1 KHRONIKL 28:9

Bad ha u Solomon u ong, “Ko khun jong nga, nga kyntu ïa me ban ithuh ïa U Blei u kpa jong me, bad ban shakri ïa u da ka dohnud kaba skhem bad da ka jingmut kaba pyndem. U tip ïa baroh ki jingpyrkhat bad ki jingkwah jong ngi. Lada me leit sha u, un pdiang ïa me, hynrei lada me phai lyndet na u, u ruh un iehnoh ïa me junom.

1 KHRONIKL 29:14

“Pynban ki briew jong nga bad ma nga ngim lah shisha ban ai ei ei ïa me, namar kaei kaei baroh ka dei ka jingai sngewbha jong me, bad ngi la ai biang sha me ïa kaei kaba dei ka jong me hi.

1 KHRONIKL 29:3

Nalor kane baroh kaba nga la pynbiang, nga la ai ruh ïa ka rupa bad ka ksiar na ka jingdon jingem jong nga namar ka jingieit jong nga ïa ka Templ jong U Blei.

1 KHRONIKL 29:8

Kito kiba don ki mawkordor ki la ai ïa ki sha ka jingkynshew jong ka Templ, kaba la khmih da u Jehiel jong ka kur Lebi jong u Gershon.

1 KHRONIKL 29:9

Ki paidbah ki la ai da ka mon sngewbha sha U Trai, bad ki kmen ba ki la ai shibun. U Syiem Dabid ruh u la sngewkmen shikatdei eh.

ESRA 2:68

Haba kiba shah ringmraw ki la poi ha ka Templ U Trai ha Jerusalem, katto katne na ki nongïalam jong ki kur ki la ai ki jingainguh mon sngewbha ban ïarap ïa ka jingtei biang ïa ka Templ ha ka jaka ba-mynshuwa.

ESRA 7:27

U Esra u ong, “Ïaroh ïa U Trai, U Blei jong ki kpa tymmen jong ngi! U la pynlong ïa u patsha da ka mon sngewbha ban burom ha kane ka rukom ïa ka Templ jong U Trai ha Jerusalem.

SALM 110:3

Ha ka sngi ba me ïaleh ïa ki nongshun jong me, ki briew jong me kin long ki nongïaleh da ka mon sngewbha. Kum ki umjer jong ka step phyrngab ki samla shynrang jong me kin wan sha me ha ki lum bakyntang.

EKSODOS 25:2

“Ong ha ki Israel ba kin wallam ha nga ïa ki jingainguh. Pdiang ïa kino kino ki jingainguh kat kiba uno uno u mon ban ai.

EKSODOS 35:20

Ki paid Israel baroh ki ïaleit noh,

EKSODOS 35:22

Baroh kiba kwah kumta, kynthei bad shynrang, ki ïawan rah ïa ki jingpyndait ba la oh-shrong, ki sohshkor, ki sati, ki kpieng, bad ki jingdeng ksiar kiba har rukom, bad ki pynkyntang ïa ki sha U Trai.

EKSODOS 35:26

Ki thir ruh ïa u shñiuh blang.

EKSODOS 35:29

Ki paid Israel baroh, shynrang bad kynthei, kiba sngewkynduh ki wallam mon sngewbha ïa ka jingainguh jong ki sha U Trai na ka bynta kata ka kam kaba u la hukum ïa u Moses ban leh.

EKSODOS 35:5

Wallam ka jingainguh sha U Trai. Kat uba kwah ban leh ïa kata un wanrah ïa kata ka jingainguh da ka ksiar, ka rupa, bad ka rnong;

EKSODOS 36:2

U Moses u la khot ïa u Besalel, ïa u Oholiab, bad ïa baroh ki rangbah kiba tbit ha kiba U Trai u la ai ïa ka jingnang bad kiba kloi mon sngewbha ban ïarap, bad u ong ïa ki ban sdang trei noh ïa kata ka kam.

PROBERB 4:23

Da phikir kumno phi pyrkhat; naba ki jingpyrkhat jong phi ki saiñdur ïa ka jingim jong phi.

JEREMAÏAH 30:21

U nongsynshar jong ki un wan na ka jaitbynriew jong ki hi, u khun syiem jong ki napdeng ki briew jong ki hi. Un wan sha nga haba nga khot sngewbha ïa u, namar uei uba nud ban wan khlem shah khot sngewbha? Kin long ki briew jong nga, bad ngan long U Blei jong ki. Ma nga, U Trai, nga la kren.”

MATHAÏOS 12:34

Phi ki bseiñ — kumno phi lah ban ong ïa kiei kiei kiba bha haba phi long kiba sniew? Namar ka shyntur ka kren ïa kaei kaba la shlei ha ka dohnud.

2 KORINTH 8:12

Lada phi thrang ban ai, U Blei un pdiang ïa ka jingai jong phi ha ka nongrim jong kaei kaba phi dei ban ai, ym halor kaei kaba phim don.

2 KORINTH 9:7

Uwei pa uwei u dei ban ai, namarkata, kumba phi la kut jingmut, ym da kaba bynñiaw ne da kaba sngew kum ka kamram; naba U Blei u ieit ïa uta uba ai da kaba kmen.

NONGBISHAR 5:12

Ïalam, Deborah, ïalam! Ïalam! Rwai ka jingrwai! Ïalam! Tur sha khmat, ko Barak, u khun jong u Abinoam, Ïalam noh ïa ki mraw jong me!

NONGBISHAR 5:3

To sngap, phi ki syiem! Pynshahshkor, phi ki nongsynshar! Ngan rwai bad tem jingtem ha U Trai, U Blei ki Israel.

NONGBISHAR 5:9

Ka dohnud jong nga ka long bad ki nongai hukum jong ki Israel, Lem bad u paidbah uba tyrwa mon sngewbha da kaba kmen. Ïaroh ïa U Trai!