EKSODOS 34:7 - Khasi CL Bible (BSI)

⁷ Nga bat ïa la ka kular na ka bynta ki bun hajar ki pateng bynriew bad nga map ïa ka jingbymman, bad ïa ka pop; hynrei, ngan pynshitom ïa ki khun ki ksiew haduh ka pateng bynriew kaba lai bad kaba saw namar ki pop jong ki kmie ki kpa jong ki.”

KA BAIBL

⁷ uba bat ka jingisynei ïa ki hajar, uba map ïa ka jingpalat, bad ïa ka jingryngkang, bad ïa ka pop: bad un ym pynksan da lei lei ïa u bymman; uba pynwan ïa ka jingpalat jong ki kpa ha ki khun, bad ha ki khun jong ki khun, haduh ka balai bad ka basaw pateng bynriew.”

EKSODOS 34:7 ပူးပေါင်းရင်းမြစ်များ

JENESIS 19:16

U Lot u leh tud pynban. Hynrei U Trai u la leh-isynei ïa u; kumta kita ki rangbah ki shim ïa u, ïa ka tnga jong u, bad ïa ki ar ngut ki khun kynthei jong u na ka kti bad ki la ïalam noh ïa ki shabar kata ka nongbah.

1 SYIEM 8:30

Shahshkor ïa ka jingkyrpad jong nga bad ki jingduwai jong ki briew jong me haba ki phai khmat sha kane ka jaka bad ki duwai. Na ka ïing jong me ha bneng to shahshkor ïa ngi bad to map ruh ïa ngi.

1 SYIEM 8:32

A Trai, to shahshkor na bneng bad bishar ïa ki shakri jong me. Pynshitom ïa uta u nongleh palat kumba ka dei hok ïa u ban ïoh, bad pynksan ïa uta uba lui lui.

2 KHRONIKL 30:9

Lada phi wan phai sha U Trai, te kito kiba la rah koidi ïa ki ba-ha-ïing ha-sem jong phi kin sngewsynei ïa ki, bad shah ïa ki ban wan phai pat sha ïing. U Trai U Blei jong phi u long uba sbun bad uba dap da ka jingisynei, bad lada phi wan phai sha u, un pdiang ïa phi.”

NEHEMAÏAH 1:5

Nga duwai ha U Blei, “A Trai U Blei jong ka bneng! Me long uba khraw, ngi ïeng ha ka jingsheptieng ïa me. Me batskhem ïa la ka jutang bad kito kiba ieit ïa me bad kiba leh ïa kaei kaba me hukum.

NEHEMAÏAH 9:32

“A Blei, U Blei jong ngi, katno me long uba khraw! Katno me long uba shyrkhei bad uba donbor! Me batskhem ïa ki kular ka jingïateh jutang. Naduh ka por ba ki syiem Assyria ki banbeiñ ïa ngi, wat haduh kane ka por, haduh katno ngi shahshitom! Ki syiem jong ngi, ki nongïalam jong ngi, ki lyngdoh jong ngi bad ki nongïathuhlypa, ki kpa tymmen jong ngi, bad baroh ki briew jong ngi ki shitom. To kynmaw haduh katno ngi la shahshitom!

Ka Kitab U Job 10:14

me ïai jngoh ban ïohi lada nga leh pop, khnang ba men kyntait ban map ïa nga.

SALM 103:3

U map ïa ki pop jong nga baroh bad u pynkhiah ïa ki jingpang jong nga baroh.

SALM 109:14

Ai ba U Trai un kynmaw ïa kaba sniew jong ki kpa tymmen jong u bad ba yn ym map shuh ïa ki pop ka kmie jong u.

SALM 130:4

Hynrei me map ei ïa ngi, khnang ba ngi dei ban tiengburom ïa me.

SALM 136:10

U la pynïap ïa ki khun shynrang nyngkong jong ki nong Ijipt; ka jingieit jong u ka neh bymjukut.

SALM 136:15

hynrei u la pynngam jyllop ïa u syiem ka Ijipt bad ïa ka kynhun shipai jong u; ka jingieit jong u ka neh bymjukut.

SALM 25:11

To bat ïa ka kular jong me, A Trai, bad map ïa ki pop jong nga, namar ba ki don shibun.

SALM 86:15

Hynrei ma me, ko Trai, me long U Blei uba isynei bad uba ieit, uba ïaishah borabor, uba ïai lehsbun bad uba ïaineh.

SALM 99:8

A Trai, U Blei jong ngi, me la jubab ïa la ki briew; me la pyn-i ïa ki ba me long U Blei uba map ei, wat la me pynshitom ïa ki namar ki pop jong ki.

EKSODOS 23:21

Shahshkor bad kohnguh ïa u. Wat ïaleh pyrshah ïa u, naba nga la phah ïa u, bad un ym map ïa ka jingïaleh pyrshah kaba kum kata.

EKSODOS 23:7

Wat ai ki jingkynnoh kiba lamler, bad wat pynïap ïa uba lui lui, namar ngan pynrem ïa uno uno uba leh kum kata ka kam bymman.

EKSODOS 33:19

U Trai u la jubab, “Ngan pynïaid ha khmat jong me ïa ka jingitynnat jong nga baroh, bad hangta haba me don, ngan pynbna ïa ka kyrteng kaba kyntang jong nga. Nga long U Trai bad ngan lehsbun bad leh-isynei ïa kito kiba nga jied.

EKSODOS 34:9

U la ong, “Ko Trai, lada me sngewbha shisha ïa nga, nga kyrpad ïa me ban wan ryngkat bad ngi. Kine ki briew ki long kiba mutlop, hynrei map ïa ka jingbymman bad ka pop jong ngi, bad pdiang ïa ngi kum ki briew ki jong me hi.”

ISAÏAH 45:21

Ale bad ai ïa ka kam jong phi ha ka ïingbishar; ai ba ki nongïasaid kin ïasyllok uwei ïa uwei pat. Mano ba la ïathuhlypa slem mynshuwa kaei ban jia? Hato ym dei ma nga, U Trai, U Blei uba pynim ïa la ki briew? Ym don uwei pat U Blei.

JEREMAÏAH 30:11

Ngan wan sha phi bad pyllait im ïa phi. Ngan pynjot ïa ki jaitbynriew baroh sha kiba nga la pynsakma ïa phi, hynrei ngan ym pynjot ïa phi. Ngan ym shah ïa phi ban leit khlem shah pynshitom; hynrei haba nga pynshitom ïa phi, ngan long u bym leh shiliang. Ma nga, U Trai, nga la kren.”

JEREMAÏAH 32:18

Me la pyn-i ïa ka jingieit baneh sha ki hajar, hynrei me pynshitom ruh ïa ki briew na ka bynta ki pop ki kmie ki kpa jong ki. Me long U Blei bakhraw bad badonbor; me long U Trai Badonbor Baroh.

JEREMAÏAH 9:24

Lada uno uno u kwah ban kob sarong, u dei ban kob sarong ba u ithuh bad ba u shemphang ïa nga, namar ka jingieit jong nga ka long kaba neh, bad nga leh ïa kaba hok bad kaba dei. Kine ki long kita kiei kiei kiba pynsngewbha ïa nga. Ma nga, U Trai, nga la kren.”

DANIEL 9:4

Nga la duwai ha U Trai U Blei jong nga bad nga la phla ïa ki pop jong ki briew jong nga. Nga la ong, “A Trai U Blei, me long uba khraw, bad ngi pyndonburom ïa me. Me long uba bat ïa la ka jutang bad me pyn-i ka jingieit baneh ïa kito kiba ieit ïa me bad leh ïa kaei kaba me hukum.

DANIEL 9:9

Me long uba dap da ka jingisynei bad uba map, wat la ngi la ïeng ïaleh pyrshah ïa me.

MIKAH 6:11

Kumno nga lah ban map ïa kito kiba pyndonkam da ki tarajur bad jingthew bashukor?

MIKAH 7:18

Ym don uwei pat u blei kum ma me, A Trai; me map ïa ki pop jong ki briew jong me kiba la lait im. Mem neh junom ha ka jingbitar, hynrei me sngewbha haba me pynpaw ïa ka jingieit baïaineh jong me.

NAHUM 1:6

Haba u bitar, uei uba lah ban lait im? Uei uba lah ban lait na ka jingbitar shla bashyrkhei jong u? U theh noh ïa ka jingbitar bameh ding jong u; ki mawsiang ki lko pum ha khmat jong u.

MATHAÏOS 12:31

Bad kumta nga ong ha phi ba ki briew ki lah ban ïohmap ïa kano kano ka pop bad ïa kano kano kaba sniew kaba ki ong; hynrei uno uno uba kren kiei kiei kiba sniew pyrshah ïa U Mynsiem Bakhuid un ym ïoh jingmap.

MATHAÏOS 6:12

To map ïa ngi ïa ki jingpalat kiba ngi la leh, kumba ngi map ïa ki jingpalat kiba kiwei ki la leh ïa ngi.

LOUKAS 7:42

Ym don uwei ruh na ki uba lah ban siew pat sha u, kumta u la pyndam noh ïa ki ram jong ki baroh ar ngut. Uno na kine, te, u ban ieit kham bun ïa u?”

LOUKAS 7:48

Nangta U Jisu u la ong ha kata ka briew, “Ïa ki pop jong pha la map.”

KI KAM 13:38

Ngi kwah ïa phi ban tip, ko ki para Israel jong nga, bad ka long lyngba U Jisu ba ïa ka khubor shaphang ka jingmap ïa ki pop la ïalap ha phi; bad ba ïa uwei uwei baroh uba ngeit ha u la pyllait na ki pop baroh na kiba ka Hukum u Moses kam lah ban pyllait ïa phi.

KI KAM 5:31

U Blei u la kyntiew ïa u sha ka liang kamon jong u kum u Nongïalam bad u Nongpynim, ban ai ha ki paid Israel ka kabu ban kylla-kaba-mut bad ban ïoh ka jingmap ïa ki pop jong ki.

EPHESOS 1:7

Naba da ka jingïap ba la kñia jong U Khrist la pyllaitluid ïa ngi, kata ka long, ïa ki pop jong ngi la map ei.

EPHESOS 4:32

Pynban, to lehsbun bad long jemnud iwei ïa wei pat, bad to ïamap iwei ïa iwei pat, kumba U Blei u la map ïa phi ha U Khrist.

DEUTERONOMI 32:35

U Trai un pynhiarkput bad pynshitom ïa ki; ka por kan poi haba kin kyllon; ka sngi ka jingjot jong ki ka la jan.

DEUTERONOMI 7:10

hynrei un ym pynslem ban pynshitom ïa kito kiba isih ïa u.

DEUTERONOMI 7:9

To kynmaw ba U Trai U Blei jong phi u long ma u hi U Blei, U Blei uba ïaineh. Un bat ïa la ka jutang bad pynpaw ïa la ka jingieit kaba ïaineh ha ki hajar pateng bynriew kiba ieit ïa u bad kiba kohnguh ïa ki hukum jong u,

HEBRU 12:29

namar ba U Blei jong ngi u long shisha ka ding kaba bam duh.

JOSHUA 24:19

U Joshua u ong ha u paidbah, “Hynrei phin ym lah ban shakri ïa U Trai. U long U Blei uba khuid bad un ym map ïa ki pop jong phi.

1 ÏOANNIS 1:9

Hynrei lada ngi phla ïa ki pop jong ngi ha U Blei, un bat ïa la ka kular bad un leh ïa kaei kaba dei: Un map ïa ngi ïa ki pop jong ngi bad un pynkhuid ïa ngi na ki kam bymman baroh.

JINGPYNPAW 20:15

Ïa uno uno uba ïa ka kyrteng jong u ym shym la thoh ha ka kitab kiba im la bret sha ka pung ka ding.

JINGPYNPAW 21:8

Hynrei ki khawpud, ki nongshetkylla, ki riewkhyllah, ki nongpynïap briew, kiba leh awria, kito kiba leh byrtong, kito kiba mane bleithaw, bad kiba lamler baroh — ka jaka na ka bynta jong ki ka long ka pung kaba klang da ka ding bad u kyndok, kaba long ka jingïap kaba ar.”