EKSODOS 34:5 - Khasi CL Bible (BSI)

⁵ U Trai u wan hiar ha u lyoh bad u la ïeng bad u hangta, bad u la pynbna ïa ka kyrteng kaba khuid jong u, U Trai.

KA BAIBL

⁵ Bad U Trai u la wan hiar ha u lyoh, bad u la ïeng hajan jong u hangta, bad u la pynbna ïa ka kyrteng U Trai.

EKSODOS 34:5 ပူးပေါင်းရင်းမြစ်များ

SALM 102:21

Bad kumta ïa ka kyrteng jong u yn pynbna ha Seïon, bad yn ïaroh ïa u ha Jerusalem

EKSODOS 19:18

Ïa u Lum Sinai baroh uwei la tap da ka tdem, namar U Trai u la wan hiar ha u ha ka ding. Ka tdem ka kiew kum kaba mih na ka lawar ding, bad ki briew baroh ki la kyiuh shibun eh.

EKSODOS 19:9

U Trai u ong ha u Moses, “Ngan wan ha me ha u lyoh uba rben, khnang ba u paidbah un ïohsngew ïa nga ba nga ïakren bad me, bad un sa ngeit ïa me naduh mynta.” U Moses u la ïathuh ha U Trai ïa ka jubab jong uta u paidbah,

EKSODOS 23:21

Shahshkor bad kohnguh ïa u. Wat ïaleh pyrshah ïa u, naba nga la phah ïa u, bad un ym map ïa ka jingïaleh pyrshah kaba kum kata.

EKSODOS 33:19

U Trai u la jubab, “Ngan pynïaid ha khmat jong me ïa ka jingitynnat jong nga baroh, bad hangta haba me don, ngan pynbna ïa ka kyrteng kaba kyntang jong nga. Nga long U Trai bad ngan lehsbun bad leh-isynei ïa kito kiba nga jied.

EKSODOS 33:9

Ynda u Moses u la rung shapoh jong ka, u rishot lyoh u wan hiar bad u ïeng ha ka jingkhang jong ka Ïingjaiñ, bad U Trai u kren ha u Moses na uta u lyoh.

PROBERB 18:10

U Trai u long kum ka kut baskhem, sha kaba kiba hok ki lah ban leit bad sngewshngain.

ISAÏAH 1:10

Ko Jerusalem, ki nongsynshar bad ki briew jong pha ki long kum ki jong ka Sodom bad Gomorrah. To shahshkor ïa kaei kaba U Trai u ong ïa pha. Pynleit jingmut ïa kaei kaba U Blei jong ngi u hikai ïa pha.

JINGKHEIÑ 11:17

Ngan wan hiar bad ïakren bad me hangta, bad ngan shim khyndiat ka bor mynsiem ïa kaba nga la ai ha me bad ngan ai ïa ka ha ki. Te kin sa lah ban ïakit lem ïa ka jingkitkhlieh na ka bynta kine ki paidbah, bad men ym donkam shuh ban kit tang marwei hi.

JINGKHEIÑ 11:25

Nangta U Trai u wan hiar ha u lyoh bad u la kren ïa u. U la shim khyndiat ka bor mynsiem kaba u la ai ha u Moses bad u ai ïa ka ha kita ki hynñiewphew ngut ki nongïalam. Haba kata ka bor mynsiem ka la wan shong ha ki, ki sdang ban pyrta jam kum ki nongïathuhlypa, hynrei tang shipor.

JINGKHEIÑ 12:5

Ki la leit, bad U Trai u wan hiar ha u rishot lyoh, u la ïeng ha ka jingkhang jong ka Ïingjaiñ bad u pyrta “Aaron! Miriam!” Baroh ar ngut ki wan sha khmat,

JINGKHEIÑ 14:17

Kumta mynta, ko Trai, nga kyrpad ïa me, to pyn-i ha ngi ïa la ka bor bad leh kumba me la kular haba me ong,

DEUTERONOMI 32:3

Ngan ïaroh ïa ka kyrteng U Trai, bad ki briew jong u kin pynbna ïa ka jingkhraw jong u.

1 SAMUEL 3:18

Kumta u Samuel u ïathuh ha u nadong shadong; um shym buhrieh ei ei shuh na u. U Eli u ong, “U long U Trai; ieh un leh katba u sngewbit ïa u.”