EKSODOS 34:29 - Khasi CL Bible (BSI)

²⁹ Mynba u Moses u wan hiar na u Lum Sinai, u da rah ïa kita ki ar tylli ki mawlyngkniap ha kiba la thoh ïa ki Shiphew Hukum, ka khmat jong u ka tyngshaiñ namar ba u la ïakren bad U Trai; hynrei um tip satia ïa kata.

KA BAIBL

²⁹ Te mynba u Moses u la wan hiar na u lum Sinai bad kita ki ar tylli ki maw lyngkniap ka jingphla ha ka kti u Moses, mynba u la wan hiar na uta u lum, u Moses um tip ba ka snieh khmat jong u ka la tyngshaiñ ber katba u la kren bad U.

EKSODOS 34:29 ပူးပေါင်းရင်းမြစ်များ

EKSODOS 16:15

Haba ki Israel ki ïohi ïa ka, kim tip ka dei kaei, bad kumta ki ïakylli para ma ki, “Kaei mo kane?” Te u Moses u ong ha ki, “Une u dei u kpu ba U Trai u la ai ha phi ban bam.

EKSODOS 31:18

Haba U Blei u la dep kren ha u Moses ha u Lum Sinai, u ai ha u ïa ki ar tylli ki mawlyngkniap ha kiba U Blei da lade hi u la thoh ïa ki hukum.

EKSODOS 32:15

U Moses u la leit hiar na uta u lum, u da rah ïa kita ki ar tylli ki mawlyngkniap ha kiba la thoh ïa ki hukum ha baroh arliang.

EKSODOS 34:35

bad ki ïohi ba ka khmat jong u ka tyngshaiñ. Kumta u buh biang ïa kata ka jaiñtapkhmat haduh ba un da leit ïakren pat bad U Trai.

EKLESIASTIS 8:1

Tang u briew uba stad u tip aïu kiei kiei ki kit jingmut shisha. Ka jingstad ka pynlong ïa u ban phuh samrkhie bad ka pynjah ïa ka jingnoh sngewsih ka durkhmat jong u.

MATHAÏOS 17:2

Katba ki dang ïakhmih, ka jingkylla dur ka la wan ha U Jisu: Ka durkhmat jong u ka da tyngshaiñ kum ka sngi, bad ki jaiñ jong u ki la lieh phyrnai eh.

MARKOS 14:40

Nangta u la wan pat sha ki synran bad u la shem ba ki ïohthiah; kim shym la lah ban khyllie ïa la ki khmat. Bad kim shym la tip ïa kaei ban ong ïa u.

MARKOS 9:6

Ma u bad kiwei pat ki la sheptieng katta katta haduh ba um tip ïa kaei ban ong.

LOUKAS 2:49

U la jubab ïa ki, “Balei ba phi dei ban wad ïa nga? Hato phim tip ba nga dei ban don ha ka ïing jong U Kpa jong nga?”

LOUKAS 9:29

Katba u dang duwai, ka durkhmat jong u ka la kylla dur, bad ki jaiñ jong u ki la kylla lieh phyrnai.

ÏOANNIS 5:13

Hynrei uta u briew uba la ïohkhiah um shym tip ba U Jisu u la long uei, naba la don u paidbah ha kata ka jaka, bad U Jisu u la lah mihnoh jar jar.

KI KAM 12:9

U Petros u la bud ïa u shabar jong ka byndi, khlem da tip, la kaei kaba u angel u la leh ka long kaba shisha; u la pyrkhat ba u la ïohi ka jingïohipaw.

KI KAM 23:5

U Paul u la jubab, “Ko para nong Israel jong nga, ngam shym tip ba u dei u Rangbah Lyngdoh. Ka Jingthoh Bakhuid ka ong, ‘Mem dei ban kren sniew ïa u nongsynshar ïa ki briew jong me.’ ”

KI KAM 6:15

Kita baroh kiba shong ha ka Dorbar ki la khmih shlip ha u Stephan bad ki la ïohi ba ka durkhmat jong u ka la long kum ka durkhmat jong u angel.

2 KORINTH 3:13

Ngim long kum u Moses, uba la hap ban buh da ka jingkah ha ka durkhmat jong u khnang ba ki paid Israel kin ym ïohi ba kata ka jingtyngshaiñ ka lip bad jah noh.

DEUTERONOMI 10:5

Nangta, kumba U Trai u la hukum, nga buh ïa ki ha kata ka synduk ba nga la thaw — bad ki dang don hangta naduh kata ka por.”

JOSHUA 2:4

“Katto katne ngut ki rangbah ki la wan sha ïing jong nga,” ka la jubab; “hynrei ngam tip ki dei kiba nangno. Ki la mihnoh ha ka por sep sngi shuwa ban khang ïa ka khyrdop shnong. Ngam tip shano ki leit, hynrei lada phin leit beh kloi kloi ïa ki, phi lah ban lap ïa ki.” (Mynta ka Rahab ka la ïalam ïa ki ar ngut ki nongsyntiat sha tnum ïing bad pynrieh ïa ki hapoh ki jyntang 'saihon ba ka la buh hangta.)

JOSHUA 8:14

Haba u syiem jong ka Ai u ïohi ïa ki rangbah jong u Joshua, u pynstet ban leit ïaleh. Ma u bad ki rangbah jong u baroh ki la mih sha ka phang ka Them Jordan ban ïaleh ïa ki Israel ha kajuh ka jaka kum mynshuwa, khlem da tip ba un shah tur ïaleh na shadien.

JINGPYNPAW 1:16

U bat ïa ki hynñiew tylli ki khlur ha ka kti kamon jong u, bad ka waitlam arliang syrti ka mih na ka shyntur jong u. Ka durkhmat jong u ka la long phyrnai kum ka sngi kaba shai ha ka por shiteng sngi.

JINGPYNPAW 10:1

Nangta nga la ïohi sa uwei pat u angel bakhrawbor ba u wan hiar na bneng. La sop ïa u ha u lyoh bad la don u simpyllieng sawdong ka khlieh jong u; ka durkhmat jong u ka long kum ka sngi, bad ki kjat jong u kum ki rishot ding.

NONGBISHAR 16:20

Nangta ka pyrta, “Samson! Ki Philistia ki la wan!” U khie joit bad u pyrkhat, “Ngan pynsynjor bad pyllait war, kumba mynshuwa.” Um shym tip ba U Trai u la iehnoh ïa u.