EKSODOS 34:27 - Khasi CL Bible (BSI)

²⁷ U Trai u ong ha u Moses, “Thoh ïa kine ki ktien, namar dei ha ka nongrim jong kine ki ktien ba nga pynlong ka jutang bad me bad ki Israel.”

KA BAIBL

²⁷ Bad U Trai u la ong ha u Moses, “To men thoh ïa kine ki ktien: namar katba kum kine ki ktien, nga la pynlong ïa ka jutang bad me bad u Israel ruh.”

EKSODOS 34:27 ပူးပေါင်းရင်းမြစ်များ

EKSODOS 17:14

Nangta U Trai u ong ha u Moses, “Buh ha ka jingthoh shaphang kane ka jingjop ban pynsah jingkynmaw. Ïathuh ruh ha u Joshua ba ngan pynjot thiaw ïa ki Amalek.”

EKSODOS 24:4

U Moses u thoh ïa ki hukum baroh jong U Trai. Dang step phyrngab ha ka sngi kaba bud, u tei ïa ka duwan ha trai jong u lum, bad u pynïeng ruh khat-ar tylli ki maw, uwei u maw na ka bynta kawei kawei ka jait Israel.

EKSODOS 24:7

Nangta pat u shim ïa ka kitab ka jutang ha kaba la thoh ïa ki hukum U Trai bad u pule jam ïa ka ha uta u paidbah; ki ruh ki ïa-ong, “Ïa kita baroh kiba U Trai u la hukum, ngin leh, bad ngin kohnguh.”

EKSODOS 34:10

Te U Trai u ong ha u Moses, “Mynta nga pynlong ka jutang bad ki paid Israel. Ha khmat jong ki ngan leh ïa kiei kiei kiba khraw, ïa kiba ym pat ju leh mynno mynno ha ka pyrthei hapdeng kano kano ka jaitbynriew. Baroh ki jaitbynriew kin ïohi ïa ki kam kiba khraw kiba ma nga, U Trai nga lah ban leh, namar ngan leh ïa kaei kaei kaba khraw na ka bynta jong phi.

DEUTERONOMI 31:9

Kumta u Moses u thoh ïa ka Hukum U Blei bad u ai ïa ka ha ki lyngdoh Lebi kiba khmih ïa ka Synduk ka Jutang U Trai, bad ha ki nongïalam jong ki Israel.

DEUTERONOMI 4:13

U la ïathuh ha phi kaei kaba phi dei ban leh ha kaba bat ïa ka jutang kaba u la pynlong bad phi, kata, ïa ki Shiphew Hukum ba u la thoh ha ki ar tylli ki mawlyngkniap.