EKSODOS 34:24 - Khasi CL Bible (BSI)

²⁴ Hadien ba nga la beh noh ïa kita ki jaitbynriew na khmat jong phi, bad pynïar ruh ïa ki pud jong phi, yn ym don mano mano u ban pyrshang ban jop ïa ka ri jong phi haba phi rakhe ïa kita ki lai tylli ki Jingkhawai Niam.

KA BAIBL

²⁴ Namar ngan beh noh ïa kita ki jaid bynriew na khmat jong me, bad ngan pynïar ruh ïa ki pud jong me: lymne yn ym don mano mano ruh ban ikwah ïa ka ri jong me, haba men leit kiew ban paw ha khmat U Trai U Blei jong me, lai sien shi snem.

EKSODOS 34:24 ပူးပေါင်းရင်းမြစ်များ

JENESIS 15:18

Hangta hangta hi, U Trai u pynlong ka jutang bad u Abram. U ong, “Nga kular ban ai ha ki khun ki ksiew jong me ïa kane ka ri, naduh ka khappud Ijipt haduh ka Wah Ïuphratis,

JENESIS 35:5

Haba u Jakob bad ki khun shynrang jong u ki sdang ban mih, ka jingsheptieng kaba khraw ka la wan hap ha ki briew kiba don ha ki shnong ba-marjan, bad kim shym la beh satia ïa ki.

1 SYIEM 5:1

U Hiram, u syiem Tyros u la ju long u paralok jong u Dabid, bad haba u la ïohsngew ba u Solomon u la long syiem hadien jong u Dabid, u kpa jong u, u la phah ki nongkit 'tiensyiem sha u.

1 KHRONIKL 4:10

Hynrei u Jabes u la duwai ha U Blei ki Israel, “To kyrkhu ïa nga, A Blei, bad ai ha nga bun ka khyndew. To long bad nga bad sumar ïa nga na kano kano kaba sniew kaba lah ban pynshitom ïa nga.” Bad U Blei u la ai ha u ïa kaei kaba u la kyrpad.

2 KHRONIKL 17:10

U Trai u pynlong ïa ki hima kiba don sawdong ban sheptieng ban leit ïaleh thma pyrshah ïa u syiem Jehoshaphat.

Ka Kitab U Job 1:10

Me la ïada ïa u borabor bad ïa ka longïing jong u bad kiei kiei baroh kiba u don. Me la kyrkhu ïa baroh kiba u leh, bad me la ai ha u shibun ki masi ban pyndap ha baroh ka ri.

SALM 120:1

Haba nga don ha ka jingjynjar, nga la khot kyrpad ïa U Trai; bad u la jubab ïa nga.

SALM 78:55

U la beh noh ïa ki nongshong shnong katba ki briew jong u ki dang jam shaphrang; u la pynbynta ïa ka ri jong ki hapdeng ki jait jong ka Israel bad u la ai ïa ki ïing jong ki ha ki briew jong u.

SALM 80:8

Me la wallam ïa u dieng sohwaiñ na Ijipt; me la beh noh ïa kiwei pat ki jaitbynriew bad me la thung ïa u ha ka ri jong ki.

EKSODOS 33:2

Ngan phah ïa u angel jong nga ban ïalam ïa phi, bad ngan beh noh ïa ki Kanaan, ki Amor, ki Hit, ki Peris, ki Hib, bad ki Jebus.

EKSODOS 34:11

Kohnguh ïa ki hukum kiba nga ai ha phi mynta ka sngi. Ngan beh noh ïa ki Amor, ki Kanaan, ki Hit, ki Peris, ki Hib, bad ki Jebus, katba phi nang tur sha khmat.

PROBERB 16:7

Haba phi pynsngewbha ïa U Trai, phi lah ban pynkylla paralok ïa ki nongshun jong phi.

LEBITIKOS 18:24

Wat pynbyrsieh ïa lade da kano kano na kine ki kam, namar dei da kine ba ki briew ki bymngeit Blei ki la pyntngit ïa lade, kito ki jaitbynriew kiba im ha kata ka ri ha shuwa jong phi bad ïa kiba ngan beh noh, ba phin ïoh leit rung hangta.

KI KAM 18:10

Ym don mano mano ba lah ban pynmynsaw ïa me, naba kiba bun ha kane ka nongbah ki long ki briew jong nga.”

DEUTERONOMI 12:20

“Ynda U Trai U Blei jong phi u pynïar ïa ka ri jong phi, kumba u la kular, lada phi kwah bam doh phi lah ban bam katba phi mon.

DEUTERONOMI 16:16

“Lai sien shisnem, ki shynrang jong phi baroh ki dei ban wanpaw ha khmat U Trai U Blei jong phi ha kata ka jaka mane Blei: ha ka Niam Ka Jinglait, ha ka Jingkhawai Niam Ka Jingot, bad ha ka Jingkhawai Niam Ki Ïingtrep. Kim dei ban wan thylli ha khmat U Trai;

DEUTERONOMI 19:8

“Bad lada U Trai U Blei jong phi u pynïar ïa ka ri jong phi, kumba u la ïathuh ha ki kpa tymmen jong phi, bad u ai ha phi ïa kata ka ri baroh ïa kaba u la kular,

DEUTERONOMI 7:1

“U Trai U Blei jong phi un wan ïalam ïa phi sha kata ka ri kaba phin ïohkynti, bad un beh noh nangta ïa ki jaitbynriew kiba bun. Katba phi nang ïaid sha khmat, un beh noh ïa ki hynñiew ki jaitbynriew kiba kham bun paid bad kham khrawbor ban ïa phi. Kita ki dei ki Hit, ki Girgash, ki Amor, ki Kanaan, ki Peris, ki Hib, bad ki Jebus.