EKSODOS 34:20 - Khasi CL Bible (BSI)

²⁰ uba la kha nyngkong da kaba phin ai pat da u khunlangbrot ha ka jaka jong u. Lada phim thied biang ïa u, pynkheiñ ïa ka ryndang jong u. Thied biang ïa uwei pa uwei u khun nyngkong jong phi. “Uno uno ruh, um dei ban wan ha khmat jong nga khlem ka jingainguh.

KA BAIBL

²⁰ Hynrei, ïa u banyngkong jong ka kadda men siewspah da u khun langbrot: te lada men ym siewspah ïa u, te men kdiah ïa ka ryndang jong u. To men siewspah ruh ïa kiba la kha nyngkong baroh na ki khun shynrang jong me. Wat ai ïano ïano ruh ban paw suda ha khmat jong nga.

EKSODOS 34:20 ပူးပေါင်းရင်းမြစ်များ

2 SAMUEL 24:24

Hynrei u syiem u jubab, “Em, ngan da siewdor ïa ka. Ngan ym ai ha U Trai U Blei jong nga ïa ki jingkñia kiba nga khlem da siewdor ei ei.” Bad u la thied ïa ka jaka shoh kew bad ïa ki masi dab ha ka dor sanphew tylli ki sbai rupa.

EKSODOS 13:10

Rakhe ïa kane ka Jingkhawai Niam ha ka por ba la buh man ka snem.

EKSODOS 13:12

Ynda u ai ïa ka ha phi, phi dei ban ai sha U Trai ïa u khun nyngkong baroh. Man uba la kha nyngkong na ki mrad u long u jong U Trai.

EKSODOS 13:13

Ïa u khun kada ba la kha nyngkong baroh phin bujli da u khunlangbrot. Lada phim kwah ban bujli ïa uta u khun kada, phi dei ban pynkheiñ ïa ka ryndang jong u. Phi dei ruh ban pyllait ïa u khun nyngkong jong phi baroh.

EKSODOS 13:15

Haba u Pharaoh u mutlop bad u kyntait ban shah ïa ngi ban leit, U Trai u la pynïap ïa uwei pa uwei u khun nyngkong ha Ijipt, uba na u briew bad na u mrad ruh. Dei namar kata ba ngi kñia ainguh ha U Trai ïa uwei pa uwei uba la kha nyngkong na ki mrad, hynrei ngi pyllait pat ïa la ki khun shynrang baroh kiba la kha nyngkong.

EKSODOS 22:29

“Ai ha nga ïa ki jingainguh na u kew jong phi, na ka waiñ jong phi, bad na ka umphniang Olib jong phi, ha ka por kaba biang. “Ai ha nga ïa kiba la kha nyngkong na ki khun shynrang jong phi.

EKSODOS 23:15

Ha u bnai Abib, u bnai ha uba phi la mihnoh na ka ri Ijipt, rakhe ïa Ka Jingkhawai Niam U Kpu Bakhlem Thiat ha ka rukom kaba nga la hukum ïa phi. Ha ki hynñiew sngi jong kane ka Jingkhawai Niam, wat bam ïa uno uno u kpu ba la khleh thiat. Wat ju wan mane ïa nga khlem da wallam kano kano ka jingainguh.

JINGKHEIÑ 18:15

“Uno uno ïa uba la kha nyngkong, la u dei u briew ne u jingri, ba ki Israel ki wanrah sha nga u long u jong me. Hynrei me dei ban pdiang ïa ka jingsiew ban thied pat ïa uwei pa uwei u khun ba la kha nyngkong, bad uwei pa uwei u jingri ba la kha nyngkong, ïa uba la ñiew ba u long u bymkhuid.

DEUTERONOMI 16:16

“Lai sien shisnem, ki shynrang jong phi baroh ki dei ban wanpaw ha khmat U Trai U Blei jong phi ha kata ka jaka mane Blei: ha ka Niam Ka Jinglait, ha ka Jingkhawai Niam Ka Jingot, bad ha ka Jingkhawai Niam Ki Ïingtrep. Kim dei ban wan thylli ha khmat U Trai;