EKSODOS 34:2 - Khasi CL Bible (BSI)

² Khreh la shai dang step, bad wan kiew ïa u Lum Sinai ban ïashem bad nga hangta ha kliar lum.

KA BAIBL

² To khreh te hamar kaba mynstep, bad to wan kiew dang step sha u lum Sinai, bad to wan ha nga hangta ha kliar uta u lum.

EKSODOS 34:2 ပူးပေါင်းရင်းမြစ်များ

EKSODOS 19:11

Ki dei ban sait ïa la ki jaiñkup bad ban long kiba la khreh la shi sngi. Ha kata ka sngi ngan wan hiar ha u Lum Sinai; ha kaba ki briew baroh kin ïohi ïa nga.

EKSODOS 19:18

Ïa u Lum Sinai baroh uwei la tap da ka tdem, namar U Trai u la wan hiar ha u ha ka ding. Ka tdem ka kiew kum kaba mih na ka lawar ding, bad ki briew baroh ki la kyiuh shibun eh.

EKSODOS 19:20

U Trai u wan hiar halor u Lum Sinai, bad u la khot ïa u Moses sha kliar jong u lum.

EKSODOS 19:24

Te U Trai u ong ha u Moses, “Khie leit hiar, bad wan ïalam pat bad me ïa u Aaron. Hynrei ki lyngdoh bad ki briew kim bit ban jam ïa u pud ban wan sha nga, ïoh nga pynshitom ïa ki.”

EKSODOS 24:12

U Trai u ong ha u Moses, “Wan kiew sha nga ha une u lum, bad katba me dang don hangne, ngan ai ha me ar tylli ki mawlyngkniap kiba don ïa ki hukum baroh kiba nga la thoh na ka bynta ban hikai ïa ki briew.”

DEUTERONOMI 9:25

“Kumta nga la dem khrup ha khmat U Trai ha kita ki sawphew sngi bad sawphew miet, namar ba u la ong ba un pynjot ïa phi.