EKSODOS 34:17 - Khasi CL Bible (BSI)

¹⁷ “Wat thaw bad mane ïa kano kano ka durblei ba la saiñ da kano kano ka jait nar.

KA BAIBL

¹⁷ “Wat thaw ïa me ïa ki dur bleithaw ba la saiñ.

EKSODOS 34:17 ပူးပေါင်းရင်းမြစ်များ

1 SYIEM 14:9

Me la leh ïa ki pop kiba khraw palat liam ban ïa kito kiba la synshar ha shuwa jong me. Me la kyntait ïa nga bad me la pynbitar lep ïa nga da kaba me thaw ïa ki bleithaw bad ki dur ba la shu saiñ ban mane.

2 KHRONIKL 28:2

U la thaw ki durblei nar jong u Baal,

EKSODOS 20:23

Wat thaw na ka bynta ïa lade ki blei kiba da ka rupa ne da ka ksiar ban mane ïa ki nalor jong nga.

EKSODOS 20:4

“Wat thaw durblei na ka bynta ïa lade, ïa kaei kaei kaba don ha bneng shajrong, ne ha ka khyndew sha tbian, ne ha ka um hapoh ka khyndew.

EKSODOS 23:14

“Rakhe ïa ki lai tylli ki Jingkhawai Niam ha ka shisnem ban pyndonburom ïa nga.

EKSODOS 32:8

Ki la da ïaid sakma noh na kata ka lynti ha kaba nga la hukum ïa ki ban ïaid; ki la thaw ïa lade u khun masi ba la saiñ da ka ksiar bad ki la ïamane ïa u, bad ki la ai jingkñia ha u. Ki ïa-ong ba une u long u blei jong ki, uba la ïalam noh ïa ki na ka ri Ijipt!

JEREMAÏAH 10:14

Ha ka jingïohi ïa kane, ki rangbah ki sngew mutlop bad kim sngewthuh ei ei; kito kiba shna bleithaw ki shah pynthame, namar ki blei kiba ki shna ki long kiba bakla bad kim don jingim.

LEBITIKOS 19:4

“Wat lyndet ïa nga bad mane ïa ki bleithaw; wat thaw ïa ki blei ba shu saiñ na ka sisa bad ban mane ïa ki. Nga long U Trai U Blei jong phi.

KI KAM 17:29

Namar ba ngi long ki khun U Blei, ngim dei ban tharai ba ka jinglong jong u ka long kaei kaei kaba kum ka dur da ka ksiar lane rupa lane maw, ba la pynwandur da ka jingstad bad ka buit briew.

KI KAM 19:26

Mynta, phi lah ban ïohi bad ïohsngew da lade aïu une u Paul u leh. U ong ba ki blei kiba la shna da ki kti jong ki briew kim long da shisha ki blei, bad u la jop ha kaba pynkohnguh ïa kiba bun ki briew, hangne ha Ephesos bad hajan baroh kawei jong ka probins jong ka Asia.

DEUTERONOMI 27:15

“ ‘Ka jingtim U Blei kan hap ha uta u briew uba thaw durblei da u maw, da u dieng, lane da u nar bad uba mane ïa ka ha kaba rieh; U Trai u isih ïa ka jingmane bleithaw.’ “Bad u paidbah baroh un jubab lang, ‘Amen!’

DEUTERONOMI 5:8

“ ‘Wat thaw durblei ïa lade, lane ïa kaei kaei kaba don ha bneng shajrong, lane ha ka khyndew sha tbian, lane ha ka um hapoh ka khyndew.

NONGBISHAR 17:3

U pynphai pat ïa ka pisa sha la ka kmie, bad ka ong, “Ban khang ïa ka jingtim ban hap ha u khun jong nga, nga hi da lade nga aiti da kaba kyntang ïa kane ka rupa sha U Trai. Yn pyndonkam ïa ka ban shna ka durblei da ka dieng ba la suit da ka rupa. Te mynta ngan ai pat ïa ki sbai rupa sha phi”