EKSODOS 34:16 - Khasi CL Bible (BSI)

¹⁶ Ki khun shynrang jong phi kin lah ban ïashongkurim bad ki khun kynthei jong ki, ki ban ïalam ïa ki ban ym ïaineh shuh ha nga bad ban mane ïa ki blei thala jong ki.

KA BAIBL

¹⁶ bad men shim ruh na ki khun kynthei jong ki ha ki khun shynrang jong me, bad ki khun kynthei jong ki kin ïaleit klim bad ki blei jong ki, bad kin pynklim ruh ïa ki khun shynrang jong me bad ki blei jong ki.

EKSODOS 34:16 ပူးပေါင်းရင်းမြစ်များ

JENESIS 24:3

Nga kwah ïa me ban pynlong ka jingsmai ha ka kyrteng U Trai, U Blei jong ka bneng bad ka khyndew, ba men ym jied ka tnga ïa u khun jong nga na ki briew hangne ha ri Kanaan.

1 SYIEM 11:1

U Solomon u la ieit ïa kiba bun ki kynthei nongwei. Nalor ka khun u syiem ka ri Ijipt, u la shongkurim ruh ïa ki kynthei nong Hit bad ki kynthei nong Moab, Ammon, Edom bad Sidon.

1 SYIEM 21:25

(Ym shym la don mano mano uba aiti lut ïa lade ban leh ïa ka bymdei ha khmat U Trai kum u Ahab — baroh da ka jingpynbor ka tnga jong u ka Jesebel.

2 KHRONIKL 21:11

U la tei wat ïa ki jaka mane blei thala ha ki ri lum Judia bad u ïalam ïa ki briew ka Judah bad ka Jerusalem ban leh pop pyrshah ïa U Trai.

ESRA 9:12

Ki ong ïa ngi ba ngim dei ban ïashongkha khleh bad kito ki briew bad ba ngim dei ban ïarap ïa ki ban roi ban par lane ba kin ïoh jingjop, lada ngi kwah ban lehkmen ha ka ri bad ai kum ka jinghiarpateng ha ki khun ki ksiew jong ngi junom.

ESRA 9:2

Ki rangbah Jiw ki shongkurim ïa ki kynthei nongwei, bad kumta ki briew ba la kyntang jong U Blei ki kylla long kiba tngit. Ki nongïalam bad ki rangbah synshar ki long ki nongpynkheiñ hukum kiba kongsan.

NEHEMAÏAH 10:30

Ngin ym ïashongkha khleh bad ki nongwei kiba shong ha ka ri jong ngi.

NEHEMAÏAH 10:31

Lada ki nongwei ki wallam kew lane kano kano ban die ha ngi ha ka sngi Sabbaton lane ha kano kano ka sngi khuid, ngin ym thied na ki. Ngin ym trei lyngkha ha man ka snem kaba hynñiew, bad ngin pyndam noh ïa ki ram baroh.

NEHEMAÏAH 13:23

Ha kata ka por, nga shem ruh ba bun na ki rangbah Jiw ki la shongkurim ïa ki kynthei na Ashdod, Ammon, bad Moab.

NEHEMAÏAH 13:25

Nga la sneng ïa ki rangbah, nga la tim ïa ki, shoh ïa ki bad pajut ïa u shñiuh jong ki. Nangta nga la pynlong ïa ki ban smai ha ka kyrteng U Blei ba kim dei shuh ba ma ki ne ki khun jong ki kin shongkha khleh bad ki nongwei.

SALM 106:39

Ki la pynlong ïa lade ki bymkhuid da ki jingleh jong ki bad ki la long bymïaineh ha U Blei.

HOSIA 1:2

Haba U Trai u la kren nyngkong eh ïa ki Israel lyngba u Hosia, U la ong ïa u Hosia, “Khie leit bad shongkurim, ka tnga jong me kan long ka bymïaineh, bad ki khun jong me kin long kum ma ka hi. Ha kajuh ka rukom, ki briew jong nga ki la ieh ïa nga bad ki la long ki bymïaineh.”

LEBITIKOS 21:15

ïoh u pyntngit ïa la ki khun hapdeng ki briew jong u. Nga long U Trai, uba pynkyntang ïa u.”

JOSHUA 23:12

Lada phi long ki bymïaineh bad ïasnohkti bad kita ki jaitbynriew kiba dang sah hapdeng jong phi bad phi ïashongkha khleh bad ki,

JOSHUA 23:13

to tip skhem ba U Trai U Blei jong phi un ym beh shuh ïa kine ki jaitbynriew na khmat jong phi katba phi nang ïaid sha khmat. Pynban, kin long ka jingmynsaw ïa phi kum ka shangkhawiah lane ka thliew bad kaba pang shikatdei eh kum ka jingsympat ha ka ingdong jong phi lane ki shiah ha ki khmat jong phi. Bad kane kan neh tad haduh ba ym don shuh uwei ruh napdeng jong phi uba dang lait im ha kane ka ri kaba bha ïa kaba U Trai U Blei jong phi u la ai ha phi.

NONGBISHAR 14:3

Hynrei u kpa bad ka kmie jong u ki ong ïa u, “Balei phin da leit sha kito ki Philistia bymngeit ban ïoh ïa ka kurim? Hato phim lah ban shem ïa ka theisamla na la ka kur ka jait, hapdeng ki briew jong ngi baroh?” Hynrei u Samson u ong ha la u kpa, “Kane ka dei kaba nga kwah ba phin pynïoh na ka bynta jong nga. Nga itynnat ïa ka.”

NONGBISHAR 3:5

Bad kumta ki paid Israel ki la shongduh hapdeng ki Kanaan, ki Hit, ki Amor, ki Peris, ki Hib, bad ki Jebus.

NONGBISHAR 3:6

Ki la ïashongkha khleh bad ki, bad ki la mane ïa ki blei jong ki.

NONGBISHAR 8:27

U Gideon u shna ka bleithaw na ka ksiar bad u buh ïa ka ha la shnong, ha Ophrah. Baroh ki Israel ki la iehnoh ïa U Blei bad ki la leit shata ban mane ïa ka bleithaw. Ka la long ka jingriam ïa u Gideon bad ïa ka longïing jong u.