EKSODOS 34:15 - Khasi CL Bible (BSI)

¹⁵ Wat ïateh kano kano ka jutang bad ki briew jong kata ka ri, namar haba ki mane ïa ki blei thala jong ki, bad kñia ha ki, kin sa khot sngewbha ïa phi ban ïasoh bad ki, bad phin shah pynshoi ban bam ïa ka jingbam ba ki ai ïa ki blei jong ki.

KA BAIBL

¹⁵ ïoh ba men thaw ïa ka jutang bad ki trai-shnong jong kata ka ri, bad ki ïaleit klim bad ki blei jong ki, bad ki ïakñia ïa ki blei jong ki, bad khot lem ïa me ruh, bad ba me ruh men bam na ka jingkñia jong ki,

EKSODOS 34:15 ပူးပေါင်းရင်းမြစ်များ

1 KHRONIKL 5:25

Hynrei ki briew kim shym ïaineh ha U Blei jong ki kpa tymmen jong ki bad ki la iehnoh ïa u ban mane ïa ki blei jong ki jaitbynriew kiba U Blei u la beh krad na ka ri.

ESRA 6:9

Man ka sngi, khlem pep, phi dei ban ai ïa ki lyngdoh ha Jerusalem ïa kaei kaei kaba ki ong ïa phi ba ki donkam: ki masi lyngraw, ki langbrot, lane ki khunlangbrot ban kñia kum ki jingainguh sha U Blei jong ka Bneng, lane u kew, ka mluh, ka waiñ, lane ka umphniang Olib.

ESRA 9:12

Ki ong ïa ngi ba ngim dei ban ïashongkha khleh bad kito ki briew bad ba ngim dei ban ïarap ïa ki ban roi ban par lane ba kin ïoh jingjop, lada ngi kwah ban lehkmen ha ka ri bad ai kum ka jinghiarpateng ha ki khun ki ksiew jong ngi junom.

SALM 106:28

Nangta ha Peor, ki briew jong U Blei ki la ïasnohlang ha ka jingmane ïa u Baal, bad bam ïa ki jingkñia ba la ainguh ha ki blei bym don jingim.

SALM 73:27

Kito kiba iehnoh ïa me kin ïap da shisha; men pynjot thiaw ïa kito ki bymïaineh ha me.

EKSODOS 22:19

“Pynïap ïa uno uno u briew uba ïathiah shongkha bad ka mrad.

EKSODOS 22:20

“Rai pynïap ïa uba kñia ainguh ha uno uno u blei, lait tang ha nga U Trai.

EKSODOS 23:32

Wat ïateh kano kano ka jutang bad ki lane bad ki blei jong ki.

EKSODOS 32:8

Ki la da ïaid sakma noh na kata ka lynti ha kaba nga la hukum ïa ki ban ïaid; ki la thaw ïa lade u khun masi ba la saiñ da ka ksiar bad ki la ïamane ïa u, bad ki la ai jingkñia ha u. Ki ïa-ong ba une u long u blei jong ki, uba la ïalam noh ïa ki na ka ri Ijipt!

EKSODOS 34:10

Te U Trai u ong ha u Moses, “Mynta nga pynlong ka jutang bad ki paid Israel. Ha khmat jong ki ngan leh ïa kiei kiei kiba khraw, ïa kiba ym pat ju leh mynno mynno ha ka pyrthei hapdeng kano kano ka jaitbynriew. Baroh ki jaitbynriew kin ïohi ïa ki kam kiba khraw kiba ma nga, U Trai nga lah ban leh, namar ngan leh ïa kaei kaei kaba khraw na ka bynta jong phi.

EKSODOS 34:12

Wat ïateh jutang bad ki briew jong kata ka ri sha kaba phi leit, namar kata ka lah ban long ka jingriam ka ban pynïap ïa phi.

JEREMAÏAH 3:9

bad kam shym lehrain satia. Ka la pyntngit ïa ka ri, bad ka la leh awria da kaba mane ïa ki maw bad ki dieng.

HOSIA 4:12

Ki pan ïa ki jingpynpaw na u lyngkhot dieng! u diengduh u batai ïa ki kaei ba ki kwah ban tip! Ki la iehnoh ïa nga. Kum ka briew kaba la kylla nuti, ki la aiti ïa lade ha kiwei pat ki blei.

HOSIA 9:1

Ko ki paid Israel, sangeh noh kaba rakhe ïa ki Jingkhawai Niam kum ki riewthala. Phi la phai lyndet na la U Blei bad phi la long ki bymïaineh ha u. Ha baroh kawei ka ri phi la die ïa lade kum ki nuti ha u blei Baal bad phi la ieit ïa u kew uba phi pyrkhat ba u la siew na ka bynta jong phi!

LEBITIKOS 17:7

Ki Israel kim dei shuh ban lyndet ïa U Trai da kaba pynïap ïa ki mrad jong ki ha lum ha wah la kum ba kñia ainguh ïa ki sha ki ksuid. Ki paid Israel ki dei ban sumar ïa kane ka aiñ pateng la pateng.

JINGKHEIÑ 15:39

Ki ksai jyrthiaw kin long kum ki jingpynkynmaw, bad man ka por ba phi ïohi ïa ki, phin kynmaw ïa ki hukum jong nga baroh bad kohnguh ïa ki; te kumta phin ym phai noh na nga bad bud ïa ki jingkwah mon bad ki jingkwah brai jong phi.

JINGKHEIÑ 25:1

Mynba ki Israel ki la shong dara ha ka Them Akasia, ki rangbah ki la sdang ban ïathiah shongkha bad ki kynthei Moab kiba don hangta.

JINGKHEIÑ 25:2

Kine ki kynthei ki la khot sngewbha ïa ki sha ki jingkhawai jingkñia ha kaba la mane ïa u blei ki Moab. Ki Israel ki la bam ïa ki jingbam bad mane ïa u blei Baal jong ki Peor.

KI KAM 15:20

Pynban, ngi dei ban thoh ka shithi da kaba ong ïa ki ban ym bam ïa kano kano ka jingbam ka bymkhuid kat kum ka jinglehniam namar ba la kñia ïa ka ha ki bleithaw; ban kyndiah na ka jingawria; bad ban ym bam ïa kano kano ka mrad kaba la khyrwait, lane bam ïa kano kano ka snam.

1 KORINTH 10:27

Lada u bymngeit u khot bam sngewbha ïa phi bad phi mon ban leit, bam ïa kaei kaba la buh ha khmat jong phi, khlem kylli jingkylli ei ei namar ka jingïatiplem jong phi.

1 KORINTH 8:10

Tharai u briew uba ka jingïatiplem ka tlot ha kane ka bynta u ïohi ïa phi uba don kata kaba khot “ka jingtip”, ba phi shong bam ha ka templ jong ka bleithaw; hato kane kam pynshlur ïa uta ban bam ïa ka jingbam ba la kñia sha ki bleithaw?

1 KORINTH 8:4

Kumta te, shaphang kaba bam ïa ka jingbam kaba la kñia sha ki bleithaw: Ngi tip ba ka bleithaw ka ïeng na ka bynta kano kano ka bym don ei ei shisha; ngi tip ba don tang uwei U Blei.

1 KORINTH 8:7

Hynrei ym baroh uba tip ïa kane ka jingshisha. Don ki briew kiba la ju myllen bad ki bleithaw ba haduh kane ka sngi haba ki bam kum ïa kata ka jingbam ki dang pyrkhat hi ïa ka kum ka jingbam kaba dei jong ka bleithaw; ka jingïatiplem jong ki ka long kaba tlot, bad ki sngew ba la pynjakhlia ïa ki da kata ka jingbam.

DEUTERONOMI 31:16

U Trai u ong ha u Moses, “Shen men sa ïap noh, bad ynda me ïap u paidbah un sa phai noh na nga bad pynkheiñ ïa ka jutang kaba nga la pynlong bad ki. Kin kyntait ïa nga bad mane ïa ki blei thala jong kata ka ri sha kaba kin sa leit rung.

DEUTERONOMI 31:18

Te ngan kyntait ban ïarap ïa ki namar ba ki la leh bymman bad mane ïa kiwei pat ki blei.

DEUTERONOMI 32:37

Te U Trai un ong ha la ki briew, ‘Shaei kito ki blei khrawbor ha kiba phi shaniah?

DEUTERONOMI 32:38

Phi la bsa ïa ki da ka khleiñ na ki jingkñia jong phi, bad phi la ai waiñ de ïa ki ban dih. Ai ba kin wan mynta bad ïarap ïa phi, ai ba kin wan kloi ban pyllait im ïa phi.

DEUTERONOMI 7:2

Ynda U Trai U Blei jong phi u aiti ïa kine ki briew ha phi bad phi jop ïa ki, phi dei ban pynïap lut ïa ki baroh. Wat ïateh jutang bad ki bad wat leh-isynei ïa ki.

DEUTERONOMI 7:3

Wat ïashongkha khleh bad ki, bad khang ïa ki khun ki kti jong phi ban ïashongkha khleh bad ki,

JOSHUA 23:12

Lada phi long ki bymïaineh bad ïasnohkti bad kita ki jaitbynriew kiba dang sah hapdeng jong phi bad phi ïashongkha khleh bad ki,

JINGPYNPAW 2:20

Hynrei kane ka long kaei kaba nga don pyrshah ïa pha: Pha ïaishah ïa kato ka briew, ka Jesebel, kaba khot ïa lade ka nonglamktien jong U Blei. Da ka jinghikai jong ka, ka ïalam bakla ïa ki shakri jong nga sha kaba leh ïa ka kam awria bad ban bam ïa ka jingbam ba la ai ha ki bleithaw.

NONGBISHAR 2:17

Hynrei ki Israel kim shym shahshkor ïa la ki nongïalam. Ki Israel kim shym la ïaineh ha U Trai bad ki la mane ïa kiwei pat ki blei. Ki kpa jong ki, ki la kohnguh ïa ki hukum jong U Trai, hynrei kane ka pateng bathymmai shen ka la sangeh ban leh kumta.

NONGBISHAR 3:6

Ki la ïashongkha khleh bad ki, bad ki la mane ïa ki blei jong ki.