EKSODOS 34:1 - Khasi CL Bible (BSI)

¹ U Trai u ong ha u Moses, “Shtah ar tylli ki mawlyngkniap kum kito kiba mynshuwa, bad ngan sa thoh ha ki ïa ki ktien kiba la don ha ki mawlyngkniap kiba nyngkong, ïa kiba me la pynpait.

KA BAIBL

¹ Te U Trai u la ong ha u Moses, “To men shtah ar tylli ki maw lyngkniap kum kita ki banyngkong: bad ngan sa thoh halor kine ki maw lyngkniap ïa kita ki ktien kiba la don ha kita ki maw lyngkniap ki banyngkong, ïa kiba me la pynpait.

EKSODOS 34:1 ပူးပေါင်းရင်းမြစ်များ

SALM 119:89

Ka ktien jong me, A Trai, kan neh junom; ka long kaba neh bymjukut ha bneng.

EKSODOS 24:12

U Trai u ong ha u Moses, “Wan kiew sha nga ha une u lum, bad katba me dang don hangne, ngan ai ha me ar tylli ki mawlyngkniap kiba don ïa ki hukum baroh kiba nga la thoh na ka bynta ban hikai ïa ki briew.”

EKSODOS 31:18

Haba U Blei u la dep kren ha u Moses ha u Lum Sinai, u ai ha u ïa ki ar tylli ki mawlyngkniap ha kiba U Blei da lade hi u la thoh ïa ki hukum.

EKSODOS 32:16

U Blei hi u la thaw ïa kita ki mawlyngkniap, bad u la thoh ruh ïa kita ki hukum ha kita ki maw.

EKSODOS 32:19

Haba u Moses u la poi hajan kata ka jaka sher dara na kaba u ïohi ïa uta u khun masi bad ïa ka jingïashad jong kita ki paidbah, u Moses u bitar lep. Hangta ha trai u lum, u lynthaw ïa kita ki mawlyngkniap kiba u rah haduh ba ki da pait.

EKSODOS 34:28

U Moses u la sah hangta bad U Trai sawphew sngi bad sawphew miet, khlem bam khlem dih. U thoh ruh ha kita ki mawlyngkniap ïa ki ktien jong kata ka jutang — ki Shiphew Hukum keiñ.

EKSODOS 34:4

Kumta u Moses u shtah ar tylli ki mawlyngkniap kum kita kiba mynshuwa. Dang step phyrngab u leit kiew ïa u Lum Sinai, u da rah ïa kita ki mawlyngkniap, kumba U Trai u la hukum ïa u.

JEREMAÏAH 36:32

Te nga la shim ïa kawei pat ka kot kli bad nga la ai ïa ka ha u sekretari jong nga u Barukh, bad u la thoh hangta ïa kiei kiei baroh kiba nga la ong. U la thoh ïa kiei kiei baroh kiba la don ha ka kot kli kaba nyngkong bad kijuh ki khubor kiba nga la ong ha u ban thoh.

DEUTERONOMI 4:13

U la ïathuh ha phi kaei kaba phi dei ban leh ha kaba bat ïa ka jutang kaba u la pynlong bad phi, kata, ïa ki Shiphew Hukum ba u la thoh ha ki ar tylli ki mawlyngkniap.