EKSODOS 33:9 - Khasi CL Bible (BSI)

⁹ Ynda u Moses u la rung shapoh jong ka, u rishot lyoh u wan hiar bad u ïeng ha ka jingkhang jong ka Ïingjaiñ, bad U Trai u kren ha u Moses na uta u lyoh.

KA BAIBL

⁹ Te haba u Moses u la leit bsut ha kata Ka Tabernakl, uta u rishot lyoh u la hiar bad u la ïeng hajan ka jingkhang kata Ka Tabernakl: bad U Trai u la kren ha u Moses.

EKSODOS 33:9 ပူးပေါင်းရင်းမြစ်များ

JENESIS 17:22

Ynda U Blei u la dep ïakren bad u Abraham, u iehnoh ïa u.

JENESIS 18:33

Hadien ba u la dep ïakren bad u Abraham, U Trai u la leit noh, bad u Abraham u leit phai sha la ïing.

SALM 99:7

U la kren ha ki na u rishot lyoh; ki kohnguh ïa ki aiñ bad ki hukum ba u la ai ha ki.

EKSODOS 25:22

Ngan sa ïakynduh ïa me hangta, bad najrong jong ka jingtap kaba hapdeng kita ki kherub ar tylli, ngan ai ha me ïa ki hukum jong nga baroh na ka bynta ki Israel.

EKSODOS 31:18

Haba U Blei u la dep kren ha u Moses ha u Lum Sinai, u ai ha u ïa ki ar tylli ki mawlyngkniap ha kiba U Blei da lade hi u la thoh ïa ki hukum.

EKSODOS 33:10

Ki paidbah ki tang shu ïohi ïa uta u rishot lyoh ba u ïeng ha ka jingkhang jong ka Ïingjaiñ, ki dem khrup.

EKSODOS 33:11

U Trai u ïakren markhmat bad u Moses, kumba u briew u ïakren bad la u paralok. Nangta u Moses u leit phai sha ka jaka sher dara. Hynrei u samla, u Joshua u khun jong u Nun, uba long u nongïarap jong u, u shongsah ha ka Ïingjaiñ.

EKSODOS 33:8

Man ka por ba u Moses u leit shata, ki paidbah ki ïeng ha ki jingkhang jong ki ïingjaiñ jong ki bad ki ïa-peit ïa u Moses haduh ba un da rung shapoh.

EKSODOS 34:3

Ym bit ïano ïano ban wan ryngkat bad me, bad wat ai ba yn ïohi ïano ïano ha kano kano ka bynta jong u lum. Wat shah ïa ki langbrot ne ïa ki masi ba kin ïabam phlang ha trai u lum.”

EKSODOS 34:5

U Trai u wan hiar ha u lyoh bad u la ïeng bad u hangta, bad u la pynbna ïa ka kyrteng kaba khuid jong u, U Trai.

EKSODOS 34:9

U la ong, “Ko Trai, lada me sngewbha shisha ïa nga, nga kyrpad ïa me ban wan ryngkat bad ngi. Kine ki briew ki long kiba mutlop, hynrei map ïa ka jingbymman bad ka pop jong ngi, bad pdiang ïa ngi kum ki briew ki jong me hi.”

ESEKIEL 3:22

Te nga la sngew ïa ka jingdon ryngkat badonbor jong U Trai bad nga la ïohsngew ba u ong ha nga, “Ïeng joit bad leit sha ka them. Ngan sa ïakren bad me hangta.”

JINGKHEIÑ 11:17

Ngan wan hiar bad ïakren bad me hangta, bad ngan shim khyndiat ka bor mynsiem ïa kaba nga la ai ha me bad ngan ai ïa ka ha ki. Te kin sa lah ban ïakit lem ïa ka jingkitkhlieh na ka bynta kine ki paidbah, bad men ym donkam shuh ban kit tang marwei hi.

JINGKHEIÑ 7:89

Haba u Moses u leit rung shapoh ka Ïingjaiñ ban ïakren bad U Trai, u la ïohsngew ba U Trai u kren ïa u najrong ka jingtap ha ka Synduk ka Jutang, napdeng ki ar tylli ki kherub.

DEUTERONOMI 31:14

Nangta U Trai u ong ha u Moses, “Me te, men ym im slem shuh. Khot ïa u Joshua bad wan ïalam ïa u sha ka Ïingjaiñ khnang ba ngan ai hukum ïa u.”

DEUTERONOMI 31:15

U Moses bad u Joshua ki la leit sha ka Ïingjaiñ bad U Trai u wanpaw ha ki hangta ha u rishot lyoh uba ïeng ha ka jingkhang ka Ïingjaiñ.