EKSODOS 33:6 - Khasi CL Bible (BSI)

⁶ Kumta hadien ba ki la mihnoh na u Lum Sinai, ki Israel kim deng jingdeng shuh.

KA BAIBL

⁶ Te ki khun Israel ki la ïalaw noh na lade ïa la ki jingdeng naduh u lum Horeb.

EKSODOS 33:6 ပူးပေါင်းရင်းမြစ်များ

EKSODOS 3:1

Ha kawei ka sngi katba u Moses u dang ap ïa ka kynhun langbrot jong u Jethro, u kthaw kurim jong u, u lyngdoh ka Midian, u ïalam ïa kata ka kynhun lyngba ka ri shyiap, bad u wan poi ha Sinai, u lum uba khuid.

EKSODOS 32:3

Kumta ki paidbah baroh ki ïalaw noh ïa la ki sohshkor ksiar bad ki wallam ïa ki ha u Aaron.

EKSODOS 33:4

Haba ki paidbah ki la ïohsngew ïa kane, ki la sdang ban ïambriew bad kim shym deng jingdeng shuh.

EKSODOS 33:5

Naba U Trai u la hukum ïa u Moses ban ong ha ki, “Phi long u paidlang uba mutlop. Lada ngan leit ryngkat bad phi wat tang shikhyllipmat ruh, ngan jin da la pynjot thiaw ïa phi. Law noh mynta ïa kito ki jingdeng jong phi, bad ngan sa rai ngan leh kumno ïa phi.”

EKSODOS 33:7

Man ka por ba ki Israel ki sher dara, u Moses u shim ïa ka Ïingjaiñ bakyntang bad u pynïeng ïa ka kham ha pajih na kata ka jaka sher dara. La khot ïa ka, ka Ïingjaiñ ka Jingdon Ryngkat U Trai, bad uno uno uba kwah ban ïasyllok bad U Trai u ju leit sha ka.

JEREMAÏAH 2:19

Ka jingsniew jong me hi kan pynshitom ïa me, bad ka jingphai noh jong me na nga kan pynrem ïa me. Men ïoh tip haduh katno kaba kthang bad kaba bakla ka long ban iehnoh ïa nga, U Trai U Blei jong me, bad mem shym long shuh uba ïaineh ha nga. Ma nga, U Trai Nongsynshar Badonbor Baroh, nga la kren.”

JONAH 3:5

Ki briew jong ka Ninebeh ki la ngeit ïa ka khubor U Blei. Kumta ki la ïa-rai ba baroh ki dei ban shahjingit, bad ba baroh ki briew, naduh uba rit tam haduh uba khraw tam, ban phong jaiñ khain ban pynpaw ba ki la kylla-kaba-mut.