EKSODOS 33:4 - Khasi CL Bible (BSI)

⁴ Haba ki paidbah ki la ïohsngew ïa kane, ki la sdang ban ïambriew bad kim shym deng jingdeng shuh.

KA BAIBL

⁴ Te haba uta u paidlang u la ïohsngew ïa kine ki khubor basniew, ki la leh sngewsih: bad ym don shuh mano mano ruh ba deng ïa la ki jingdeng.

EKSODOS 33:4 ပူးပေါင်းရင်းမြစ်များ

2 SAMUEL 19:24

Nangta u Mephibosheth, u ksiew jong u Saul, u wan hiar ban ïakynduh ïa u syiem. Um shym la sait ïa la ki kjat, lane khi ïa la u 'ñiuhtmoh, lane sait ïa la ki jaiñ, naduh ka por ba u syiem u la iehnoh ïa ka Jerusalem haduh ba un da wan phai pat ha ka jingjop.

1 SYIEM 21:27

Haba u Elijah u la dep kren, u Ahab u la kad ïa la ki jaiñ, u la law ïa ki bad u phong da ki jaiñ khain. Um treh bam, u thiah ha ka jaiñ khain, bad u leit phai da kaba khuslai bad rit mynsiem.

2 SYIEM 19:1

U syiem Hesekaïah tang mar ïohsngew ïa kaba la ïathuh, u kad ïa la ki jaiñ ha ka jingsngewsih, u phong da ka jaiñ khain, bad u leit sha ka Templ jong U Trai.

ESRA 9:3

Haba nga la ïohsngew ïa kane, nga kad ïa la ki jaiñ ha ka jingsngewsih, nga phut ïa la u shñiuh bad u 'ñiuhtmoh bad nga shong ba la bankhia da ka jingsngewsih.

Ka Kitab U Job 1:20

Te u Job u ïeng joit bad u kad ïa la ki jaiñ ha ka jingsngewsih. U khi ïa la ka khlieh bad u bret ïa lade da pyllup ha ka khyndew.

Ka Kitab U Job 2:12

Katba ki dang don kham sha jngai ki la ïohi ïa u Job, hynrei kim shym ithuh ba dei ma u. Haba ki la ithuh, ki la sdang ban ïam bad lynñiar kthang, ki kad ïa la ki jaiñphong ha ka jingsngewsih bad ki kynting pui pui sha suiñ bad ha la ki khlieh.

EKSODOS 33:6

Kumta hadien ba ki la mihnoh na u Lum Sinai, ki Israel kim deng jingdeng shuh.

ISAÏAH 32:11

Phi la ju im suk, phim don ki jingkhuslai; hynrei mynta, to khynñiuh da ka jingsheptieng! To loit ïa la ki jaiñ bad teh da ki jaiñjot sawdong ïa la ka syngkai.

ESEKIEL 24:17

Wat ai ba yn pynsngew ïa ki jingïam jong pha. Wat leit kumto khlem tapkhlieh lane khlem jingsopkjat kum ka dak jong ka jingïam pangnud. Wat tap ïa la ka khmat lane bam ïa ka jingbam kaba ki nongïam pangnud ki bam.”

ESEKIEL 24:23

Phan ym leit khlem tapkhlieh lane khlem sopkjat lane sngewsih ne ïam. Phan pynsep-ei namar ki pop jong pha, bad phan ïa-ud iwei ha iwei.

ESEKIEL 26:16

Baroh ki syiem jong ki hima ba don hajan ka duriaw kin wan hiar na ki khet jong ki. Kin law noh ïa ki jaiñkup bad ki jaiñ ba-itynnat jong ki bad kin shong kyiuh ha ka khyndew. Kin sngewtriem haduh katta katta ha ka kupar jong pha kat haduh ba kim lah ban sangeh na jingkyiuh.

HOSIA 7:14

Kim shym la duwai ha nga naduh la ka dohnud, hynrei pynban ki bret ïa lade ha madan bad ïam pangnud kumba leh kiba mane blei thala. Haba ki duwai ban ïoh ïa u kew bad ka waiñ, ki ot pynmong ïa lade kum kiba mane blei thala. A haduh katno ki long kiba ïaleh pyrshah!

LEBITIKOS 10:6

Nangta u Moses u ong ha u Aaron bad ha u Eleasar bad u Ithamar, ki khun shynrang jong u, “Wat ieh ra-ngiep ïa la u shñiuh lane kad ïa la ki jaiñ ban pyn-i ba phi ïam sngewsih, lada phi leh kumta phin ïap, bad U Trai un bitar ïa u paidlang baroh. Hynrei ïa baroh ki para jait Israel jong phi la shah ba kin ïa-ïam briew na ka bynta kane ka jingïap ba la wallam da ka ding kaba U Trai u la phah.

JONAH 3:6

Haba u syiem ka Ninebeh u la ïohsngew shaphang kata, u ïeng joit na la ka khet, u law noh ïa la ka jaiñkup, u phong da ka jaiñ khain, bad u shong ha u dpei.

SEKHARAÏAH 7:3

bad ban kylli ïa ki lyngdoh bad ki nongïathuhlypa ïa kane ka jingkylli: “Hato ngin nang bteng ban ïambriew namar ka jingpynjot ïa ka Templ, da kaba shahjingit ha u bnai uba san kumba ngi la ju leh la bun bun snem mynta?”

SEKHARAÏAH 7:5

U la ong, “Ïathuh ïa ki briew jong ka ri bad ïa ki lyngdoh ba haba ki shahjingit bad ïambriew ha u bnai basan bad bahynñiew ha kine ki hynñiewphew snem, kam shym dei ha ka jingñiewburom ïa nga.

JINGKHEIÑ 14:1

Baroh shi miet ki paidbah ki la kyang ha ka jingnoh mynsiem.

JINGKHEIÑ 14:39

Haba u Moses u la ïathuh ha ki Israel ïa kaba U Trai u la kren, ki ïamkthang.

1 SAMUEL 6:19

U Trai u la pynïap hynñiewphew ngut ki rangbah kiba na Beth Shemesh namar ba ki khmih shapoh ka Synduk ka Jutang. Bad u paidbah u ïam pangnud namar ba U Trai u la pynjia kat kata ka jingpynïap hapdeng jong ki.