EKSODOS 33:3 - Khasi CL Bible (BSI)

³ Phin ïaleit sha ka ri kaba tuid da ka dud bad ka ngap. Hynrei ngan ym leit ryngkat bad phi, namar phi long ki briew kiba mutlop, ïoh ba ngan pynjot thiaw ïa phi ha lynti.”

KA BAIBL

³ sha ka ri kaba tuid da ka dud bad ka ngap; namar nga, ngan ym leit kiew ryngkat hapdeng jong me; naba me u paidlang ba-eh ryndang; ba ïoh ngan pynduh noh khoit ïa me ha kata ka lynti.”

EKSODOS 33:3 ပူးပေါင်းရင်းမြစ်များ

2 SYIEM 17:14

Hynrei kim shym la kohnguh; ki long kiba mutlop kum ki kpa tymmen jong ki, ki bym shym la shaniah ha U Trai U Blei jong ki.

SALM 78:8

Kin ym long kum ki kpa tymmen jong ki; ki briew kiba ïeng ïaleh pyrshah bad ki bymkohnguh, kiba ka jingshaniah jong ki ha U Blei kam ju long kaba skhem, bad ki bym shym la ïaineh ha u.

EKSODOS 13:5

U Trai u la kular skhem ha ki kpa tymmen jong phi ba un ai ha phi ïa ka ri jong ki Kanaan, ki Hit, ki Amor, ki Hib, bad ki Jebus. Ynda u la wallam ïa phi sha kata ka ri kaba tuid da ka dud bad ka ngap, phi dei ban rakhe ïa kane ka Jingkhawai Niam man ka snem ha u bnai uba nyngkong.

EKSODOS 23:21

Shahshkor bad kohnguh ïa u. Wat ïaleh pyrshah ïa u, naba nga la phah ïa u, bad un ym map ïa ka jingïaleh pyrshah kaba kum kata.

EKSODOS 3:17

Nga la kular ba ngan ïalam noh ïa ki na Ijipt ha kaba ki shah lehbeiñ, sha kata ka ri kaba tuid da ka dud bad ka ngap — ka ri jong ki Kanaan, ki Hit, ki Amor, ki Peris, ki Hib bad ki Jebus.

EKSODOS 3:8

bad kumta nga la wan ban pyllait ïa ki na ki nong Ijipt bad ban ïalam noh ïa ki na ka ri Ijipt sha kata ka ri kaba ïar bad kaba seisoh, kaba tuid da ka dud bad ka ngap, ha kaba ki Kanaan, ki Hit, ki Amor, ki Peris, ki Hib bad ki Jebus ki shong mynta.

EKSODOS 32:14

Kumta U Trai u la kylla noh ïa la ka jingmut bad um shym wallam ha ki briew jong u ïa ka jingpynjot kaba u la byrngem.

EKSODOS 33:5

Naba U Trai u la hukum ïa u Moses ban ong ha ki, “Phi long u paidlang uba mutlop. Lada ngan leit ryngkat bad phi wat tang shikhyllipmat ruh, ngan jin da la pynjot thiaw ïa phi. Law noh mynta ïa kito ki jingdeng jong phi, bad ngan sa rai ngan leh kumno ïa phi.”

EKSODOS 34:9

U la ong, “Ko Trai, lada me sngewbha shisha ïa nga, nga kyrpad ïa me ban wan ryngkat bad ngi. Kine ki briew ki long kiba mutlop, hynrei map ïa ka jingbymman bad ka pop jong ngi, bad pdiang ïa ngi kum ki briew ki jong me hi.”

ISAÏAH 48:4

Nga la tip ba phin pynshisha ba phi long kiba mutlop, kiba pyneh kum ka nar bad ka rnong bym lah ban pynkdor.

JEREMAÏAH 11:5

Nangta ngan bat ïa ka kular kaba nga la pynlong ha ki kpa tymmen jong ki ba ngan ai ha ki ka ri kaba tuid da ka dud bad ka ngap kaba ki don mynta.” Nga la ong, “Ho-oid, ko Trai.”

ESEKIEL 20:6

Ka la long ha kato ka por ba nga la kular ban shim noh ïa ki na Ijipt bad ïalam ïa ki sha ka ri kaba nga la jied na ka bynta jong ki, ka ri kaba tuid da ka dud bad ka ngap, ka ri kaba kynsai tam na baroh.

LEBITIKOS 20:24

Hynrei nga la kular ha phi ïa kata ka ri kaba tuid da ka dud bad ka ngap kum ka jingïohkynti jong phi, bad ngan ai ïa ka ha phi. Nga long U Trai U Blei jong phi, bad nga la pynkyrpang ïa phi na kiwei pat ki jaitbynriew.

JONAH 3:10

U Blei u la ïohi ïa kaei kaba ki la leh; u la ïohi ba ki la iehnoh ïa ka jingleh bymman jong ki. Kumta u la kylla jingmut bad um shym la pynshitom ïa ki kumba u la ong ban leh.

JONAH 3:4

U Jonah u sdang ban ïaid lyngba ïa ka nongbah, bad hadien ba u la ïaid baroh shi sngi, u la pynbna, “Hapoh sawphew sngi ïa ka Ninebeh yn sa pynjot!”

JINGKHEIÑ 13:27

Ki la ong ha u Moses, “Ngi la swar ïa ka ri bad ngi shem ba ka long kaba tuid da ka dud bad ka ngap; hangne khyndiat u soh jong ka.

JINGKHEIÑ 14:12

Ngan phah ka jingïapthem bad pynjot thiaw ïa ki, hynrei ïa me ngan pynlong u kpa ka jaitbynriew kaba kham khraw bad kham khlaiñ ban ïa ki!”

JINGKHEIÑ 14:8

Lada U Trai u la sngewbha ïa ngi, un ïalam ïa ngi shata bad ai ha ngi ïa kata ka ri kaba tuid da ka dud bad ka ngap.

JINGKHEIÑ 16:13

Hato kam pat biang tang ba phi la ïalam noh ïa ngi na ka ri Ijipt kaba seisoh ban pynïap ïa ngi hangne ha ri khlaw? Phi kwah sa ban da long kynrad halor jong ngi?

JINGKHEIÑ 16:21

“Ïeng sharud na kine ki briew bad ngan pynjot thiaw ïa ki kumne kumne.”

JINGKHEIÑ 16:45

“Ïeng sharud na kine ki briew, bad ngan pynjot thiaw ïa ki hangto hi.” Baroh ar ngut ki la dem khrup ha khyndew,

KI KAM 7:51

“A katno phi long kiba eh ryndang!” u Stephan u bteng ban kren. “A katno ki dohnud jong phi ki long kum kiba mane blei thala, katno phi leh kyllut ïa ka khubor jong U Blei! Phi long kum ki kpa tymmen jong phi: Phi ruh phi la ïai ïaleh pyrshah ïa U Mynsiem Bakhuid!

DEUTERONOMI 4:24

namar U Trai U Blei jong phi u long kum ka ding kaba bam duh; um lah shah ba ki Israel kin mane ïa kiwei pat ki blei.

1 SAMUEL 2:30

Ma nga, U Trai U Blei ki Israel, nga la kular mynshuwa ba ka ïing jong me bad ka kur ka jait jong me kin shakri ïa nga junom kum ki lyngdoh. Hynrei mynta ngam shah shuh ba kan long kumta. Pynban, ngan pyndonburom ïa kito kiba pyndonburom ïa nga, bad ngan ibeiñ ïa kito kiba ibeiñ ïa nga.