EKSODOS 33:22 - Khasi CL Bible (BSI)

²² Haba ka jingshai batyngshaiñ jong ka jingdon jong nga ka ïaid najan nangta, ngan buh ïa me ha khmat ka krem jong uta u mawsiang bad ngan tap ïa me da la ka kti haduh ba ngan da ïaid lait nangta.

KA BAIBL

²² te kan jia, katba ka burom jong nga ka ïaid lait, ba ngan buh ïa me hapoh ka krem jong uta u mawsiang, bad ngan tap ïa me da ka kti jong nga, katba nga dang ïaid lait;

EKSODOS 33:22 ပူးပေါင်းရင်းမြစ်များ

1 SYIEM 19:9

Hangta u la rung shapoh krem bad sahmiet hangta. Kynsan kynsan U Trai u kren ha u, “Elijah me leh aïu hangne?”

SALM 18:2

U Trai u long u nongïada jong nga; u long ka kut baskhem jong nga. U Blei jong nga u long ka jingïada jong nga, bad ha u nga sngewshngain. U da ïa nga kum ka stieh; u kyrshan ïa nga bad u ri pynim ïa nga.

SALM 91:1

Uno uno uba leit sha U Trai ban ïoh jingïada, uno uno uba ïaisah hapoh ka jingkah jong U Badonbor Baroh,

SALM 91:4

Un tap ïa me da ki thapniang jong u; men long shngain hapoh ka jingsumar jong u; ka jinglong baïaineh jong u kan ïada bad kyrshan ïa me.

JINGRWAI SOLOMON 2:3

Kum u diengsoh apple hapdeng ki dieng ha khlaw, kumta u long uba ieit thep mynsiem jong nga haba nujor bad kiwei pat ki shynrang. Nga ieit ban shong hapoh ka jingkahtngen jong u, bad u soh jong u, u thiang ha ka jingmad jong nga.

ISAÏAH 2:21

Haba U Trai u wan ban pynkhynñiuh ïa ka pyrthei, ki briew kin rieh ha ki thliew bad ki krem ha ki mawsiang lum ban pyrshang ban lait na ka jingbitar jong u bad ban rieh na ka bor bad ka burom jong u.

ISAÏAH 32:2

Uwei pa uwei na ki un long kum ka jingkah na ka lyer bad ka jaka ban rieh na ki 'erïong. Kin long kum ki wahduid kiba tuid ha ka ri shyiap, kum ka jingkah syrngiew u mawsiang bah ha ka ri shrah.

ISAÏAH 49:2

U la pynlong ïa ki ktien jong nga kiba nep kum ka waitlam. Da la ka kti u ïada ïa nga. U la pynlong ïa nga kum u khnam, uba nep bad ba la biang ban pyndonkam.

ISAÏAH 51:16

Nga la pynpyiar ïa ki bneng bad pynïeng ïa ki nongrim ka pyrthei; nga ong ïa ka Jerusalem, ‘Phi long ki briew jong nga! Nga la ai ha phi ïa ka jinghikai jong nga, bad nga ïada ïa phi da ka ksang'ti jong nga.’”

2 KORINTH 5:19

Ka khubor jong ngi ka long ba U Blei u la pynlong paralok ïa u bynriew baroh lyngba U Khrist. U Blei um shym la buh jingkheiñ ïa ki pop jong ki, bad u la ai ha ngi ka khubor kaba ïathuh kumno u pynlong ïa ki, ki paralok jong u.

DEUTERONOMI 33:12

Shaphang ka jait Benjamin u ong, “Kane ka dei ka jait ba U Trai u ieit bad ïada; U ïada ïa ki baroh shi sngi, Bad u shong hapdeng jong ki.”