EKSODOS 33:2 - Khasi CL Bible (BSI)

² Ngan phah ïa u angel jong nga ban ïalam ïa phi, bad ngan beh noh ïa ki Kanaan, ki Amor, ki Hit, ki Peris, ki Hib, bad ki Jebus.

KA BAIBL

² Bad ngan phah ïa u angel jong nga ha shuwa jong me; bad ngan beh noh ma nga ïa ki Kanaan, ïa ki Amor, bad ïa ki Hit, bad ïa ki Peris, ïa ki Hib, bad ïa ki Jebus:

EKSODOS 33:2 ပူးပေါင်းရင်းမြစ်များ

JENESIS 15:21

ki Amor, ki Kanaan, ki Girgash, bad ki Jebus.”

JENESIS 24:7

U Trai, U Blei jong ka bneng, u la ïalam noh ïa nga na ka ïing u kpa jong nga bad na ka ri ki kur ki jait jong nga, bad u la kular skhem ha nga ba un ai ïa kane ka ri ha ki khun ki ksiew jong nga. Un phah ïa u angel jong u ha shuwa jong me, ba me lah ban pynïoh hangta ka tnga ïa u khun jong nga.

1 KHRONIKL 1:14

U Kanaan u dei ruh u kpa tymmen jong ki Jebus, ki Amor, ki Girgash,

EKSODOS 23:20

“Ngan phah ïa u angel ha shuwa jong phi ban ïada ïa phi haba phi leit jingleit bad ban ïalam ïa phi sha kata ka jaka kaba nga la pynkhreh.

EKSODOS 3:17

Nga la kular ba ngan ïalam noh ïa ki na Ijipt ha kaba ki shah lehbeiñ, sha kata ka ri kaba tuid da ka dud bad ka ngap — ka ri jong ki Kanaan, ki Hit, ki Amor, ki Peris, ki Hib bad ki Jebus.

EKSODOS 3:8

bad kumta nga la wan ban pyllait ïa ki na ki nong Ijipt bad ban ïalam noh ïa ki na ka ri Ijipt sha kata ka ri kaba ïar bad kaba seisoh, kaba tuid da ka dud bad ka ngap, ha kaba ki Kanaan, ki Hit, ki Amor, ki Peris, ki Hib bad ki Jebus ki shong mynta.

EKSODOS 32:34

Mynta khie leit, ïalam ïa u paidbah sha kata ka jaka kaba nga la ïathuh ïa me. Kynmaw ba u angel jong nga un ïalam ïa phi, hynrei ka por kan poi ha kaba ngan pynshitom ïa kine ki briew namar ka pop jong ki.”

EKSODOS 33:12

U Moses u la ong ha U Trai, “Ka long kaba shisha ba me la ong ïa nga ban ïalam ïa kine ki briew sha kata ka ri; hynrei mem pat shym ïathuh ha nga ïano men phah ryngkat bad nga. Me la ong ba me tip bha shaphang jong nga, bad me sngewbha eh ruh ïa nga.

EKSODOS 34:11

Kohnguh ïa ki hukum kiba nga ai ha phi mynta ka sngi. Ngan beh noh ïa ki Amor, ki Kanaan, ki Hit, ki Peris, ki Hib, bad ki Jebus, katba phi nang tur sha khmat.

EKSODOS 34:24

Hadien ba nga la beh noh ïa kita ki jaitbynriew na khmat jong phi, bad pynïar ruh ïa ki pud jong phi, yn ym don mano mano u ban pyrshang ban jop ïa ka ri jong phi haba phi rakhe ïa kita ki lai tylli ki Jingkhawai Niam.

SEKHARAÏAH 12:8

Ha kata ka por U Trai un ïada ïa kito kiba shong basah ha Jerusalem, bad wat kiba tlot tam napdeng jong ki kin long kiba khlaiñ kumba long u Dabid. Ki khun ki ksiew jong u Dabid kin ïalam ïa ki kum u angel jong U Trai, kum U Blei hi da lade.

DEUTERONOMI 7:22

Suki pa suki un beh krad ïa kine ki jaitbynriew katba phi nang tur sha khmat. Phin ym lah ban pynduh lut ïa ki shisyndon, namar, lada phi leh kumta, ki mradkhlaw kin jyllei palat bad kin long ka jingma pynban ïa phi.

JOSHUA 24:11

Phi la jam ïa ka Jordan bad wan poi sha ka Jerikho. Ki rangbah ka Jerikho ki la ïaleh pyrshah ïa phi, kumba la leh ki Amor, ki Peris, ki Kanaan, ki Hit, ki Girgash, ki Hib bad ki Jebus. Hynrei nga la ai ha phi ka jingjop halor jong ki baroh.

JOSHUA 3:10

Katba phi nang tur sha khmat, un beh noh da shisha ïa ki Kanaan, ki Hit, ki Hib, ki Peris, ki Girgash, ki Amor, bad ki Jebus.

NONGBISHAR 6:9

Nga la pyllait ïa phi na ki Ijipt bad na ki briew kiba ïaleh pyrshah ïa phi hangne ha kane ka ri. Nga la beh noh ïa ki katba phi nang tur sha khmat, bad nga la ai ha phi ïa ka ri jong ki.