EKSODOS 33:19 - Khasi CL Bible (BSI)

¹⁹ U Trai u la jubab, “Ngan pynïaid ha khmat jong me ïa ka jingitynnat jong nga baroh, bad hangta haba me don, ngan pynbna ïa ka kyrteng kaba kyntang jong nga. Nga long U Trai bad ngan lehsbun bad leh-isynei ïa kito kiba nga jied.

KA BAIBL

¹⁹ Te u la ong, “Ïa ka jingbha jong nga baroh ngan pynïaid ha shuwa jong me, bad ngan pynbna ïa ka kyrteng jong U Trai ha shuwa jong me; bad ngan ai ei ha uba ngan ai ei, bad ngan isynei ïa uba ngan isynei.”

EKSODOS 33:19 ပူးပေါင်းရင်းမြစ်များ

NEHEMAÏAH 9:25

Ki briew jong me ki la jop ïa ki nongbah ba la ker kynroh, ki ri baseisoh, ki ïing ba-dap da ka spah, ki pukri ba la dep tih lypa, ki dieng Olib, ki diengsoh, ki bri sohwaiñ. Ki bam ïa baroh kaba ki kwah bad ki man sngaid; ki lehkmen ha baroh kiei kiei kiba bha kiba me la ai ïa ki.

SALM 25:13

Kin ïai manbha, bad ki khun jong ki kin ïohkynti ïa ka ri.

SALM 65:4

Suk kito kiba me la jied, kito kiba me la wallam ban shong ha ka jaka kyntang jong me. Yn pynkdang ïa ngi da kiei kiei kiba bha jong ka ïing jong me, ki jingkyrkhu jong ka Templ bakyntang jong me.

ISAÏAH 12:4

Ka sngi ka wan ha kaba ki briew kin rwai, “To ainguh ïa U Trai! To khot kyrpad ïa u ban ïarap ïa phi! Ïathuh ha ki jaitbynriew baroh ïa kaei kaba u la leh! Ïathuh ïa ki haduh katno u long uba khraw!

ISAÏAH 7:14

Te kumta, U Trai un ai hi ka dak ha phi: Ka theisotti kaba punkhun kan kha u khun bad kan khot kyrteng ïa u, ‘U Immanuel.’

ISAÏAH 9:6

Ïa i khunlung la kha ha ngi! Ïa u khun la ai ha ngi! Bad un long u nongsynshar jong ngi. Yn khot ïa u, “U Nongsyllok Baphylla,” “U Blei Bakhrawbor,” “U Kpa Bymjukut,” “U Syiem ka Jingsuk.”

JEREMAÏAH 31:12

Kin wan bad rwai da ka jingkmen ha u lum Seïon bad kin kmen ha ki jingai sngewbha jong nga — ki jingai sngewbha da u kew bad ka waiñ bad ka umphniang Olib, ki jingai sngewbha da ki langbrot bad ki masi. Kin long kum ka kper bad la ai um bha; kin don baroh kat kaba ki donkam.

JEREMAÏAH 31:14

Ngan pyndap ïa ki lyngdoh da ki jingbam kiba bang eh bad pynhun ïa baroh ki jingdonkam jong ki briew jong nga. Ma nga, U Trai, nga la kren.”

SEKHARAÏAH 9:17

Katno kaba bha bad kaba itynnat ka ri kan long! Ki samla kin san kin khlaiñ da u kew bad ka waiñ jong ka.

Ka Shithi U Paul Sha Ki Nong Rom 2:4

Lane lehse phi ibeiñ ïa ka jingsbun bakhraw jong u, ka jingshah laitluid, bad ka jingïaishah. Da shisha phi tip ba U Blei u long uba sbun, namar u pyrshang ban ïalam ïa phi ban kylla-kaba-mut.

Ka Shithi U Paul Sha Ki Nong Rom 9:23

Bad u la kwah ruh ban pynpaw ïa ka burom bakhraw jong u, ïa kaba la theh halor jong ngi kiba long ka jingisynei jong u, kito na ngi ïa kiba u la pynkhreh ban ïohpdiang ïa ka burom jong u.

DEUTERONOMI 32:3

Ngan ïaroh ïa ka kyrteng U Trai, bad ki briew jong u kin pynbna ïa ka jingkhraw jong u.