EKSODOS 33:18 - Khasi CL Bible (BSI)

¹⁸ Nangta U Moses u kyrpad, “Sngewbha shah ngan ïohi ïa ka jingshai batyngshaiñ jong ka jingdon ryngkat jong me.”

KA BAIBL

¹⁸ U te u la ong, “Nga kyrpad ïa me, to pyni ha nga ïa ka burom jong me.”

EKSODOS 33:18 ပူးပေါင်းရင်းမြစ်များ

SALM 4:6

Don bun kiba duwai: “Ai ha ngi bun ki jingkyrkhu, A Trai. To khmih halor jong ngi da ka jingbhasbun!”

SALM 63:3

Ka jingieit baneh jong me ka kham bha ban ïa ka jingim hi, bad kumta ngan ïaroh ïa me.

EKSODOS 33:20

Hynrei ngan ym shah ba men ïohi ïa ka khmat jong nga, namar uno uno uba ïohi ïa ka un ym im shuh,

ÏOANNIS 1:18

Ym don mano mano ruh uba la ïohi ïa U Blei. U Khun ba marwei jong u, uba long kumjuh kum U Blei bad uba don ha syndah jong U Kpa, u la pynpaw shynna ïa u.

ÏOANNIS 14:21

“Uno uno uba pdiang ïa ki hukum jong nga bad ngeit ïa ki u long uta uba ieit ïa nga. U Kpa jong nga un ieit ïa uno uno uba ieit ïa nga; nga ruh ngan ieit ïa u bad ngan pynpaw ïa lade ha u.”

2 KORINTH 3:18

Te, baroh na ngi, ngi phalang ïa ka burom jong U Trai da ki durkhmat ba khlem tap; bad kata kajuh ka burom, kaba wan na U Trai, uba long U Mynsiem, ka pynkylla dur ïa ngi sha ka jingïasyriem ïa u ha kata ka kyrdan kaba kham khraw jong ka burom.

2 KORINTH 4:6

U Blei uba la ong, “Na ka jingdum ka jingshai kan tyngshaiñ!” u long ujuh U Blei uba la pynlong ïa ka jingshai jong u ban tyngshaiñ ha ki dohnud jong ngi, ban wanrah ha ngi ïa ka jingtip shaphang ka burom U Blei kaba tyngshaiñ ha U Khrist.

1 TIMOTHI 6:16

Dei tang ma u marwei u bymïap shuh; u shong ha ka jingshai ha kaba ym don uba lah ban leit sha jan jong u. Ym don uno uno uba la ju ïohi ïa u; ym don uno uno uba lah ban ïohi ïa u. Ha u, to long ka burom bad ka borbah bymjukut! Amen.

TITOS 2:13

katba ngi dang ap ïa ka jingwan jong kata ka Sngi ba la kyrkhu kaba ngi ap kyrmen, haba ka burom U Blei bakhraw bad U Jisu Khrist U Nongpynim jong ngi kan paw.

JINGPYNPAW 21:23

Ka nongbah kam donkam ïa ka sngi lane ïa u bnai ban tyngshaiñ halor jong ka, namar ba ka burom jong U Trai ka tyngshaiñ halor jong ka, bad U Khunlangbrot u long ka sharak jong ka.