EKSODOS 33:13 - Khasi CL Bible (BSI)

¹³ Lada ka long kumta, nga kyrpad ïa me ba men ïathuh ha nga ïa ki jingthmu jong me, khnang ba nga lah ban ïai shakri bad pynsngewbha ïa me. To da kynmaw ruh ba me la jied ïa kane ka jaitbynriew ba kan long u paidlang jong me.”

KA BAIBL

¹³ Mynta, namar kata, nga kyrpad ïa me, lada nga la shem ïa ka jingsngewbha ha khmat jong me, to pyni ha nga ïa ka lynti jong me, ba ngan ïoh ithuh ïa me, bad ba ngan ïoh shem ïa ka jingsngewbha ha khmat jong me: to khmih ruh ba kane ka jaid bynriew ka long u paidlang jong me.”

EKSODOS 33:13 ပူးပေါင်းရင်းမြစ်များ

2 SAMUEL 15:25

Nangta u syiem u ong ha u Sadok, “Khie leit rah biang ïa ka Synduk ka Jutang sha ka nongbah. Lada U Trai u sngewbha ïa nga, shisien ka sngi un shah ba ngan wan biang ban ïohi ïa ka bad ïa ka jaka ha kaba ka don.

SALM 103:7

U pynpaw ïa ki jingthmu jong u ha u Moses bad u shah ïa ki paid Israel ban ïohi ïa ki kam badonbor jong u.

SALM 119:33

Hikai ïa nga, A Trai, ïa ka jingmut jong ki aiñ jong me, bad ngan kohnguh ïa ki ha ki por baroh.

SALM 25:4

To hikai ïa nga ïa ki lynti jong me, A Trai; pynlong ïa nga ban tip ïa ki.

SALM 27:11

To hikai ïa nga, A Trai, kaei me kwah ïa nga ban leh bad ïalam ïa nga ha ka lynti kaba shngain, namar nga don shibun ki nongshun.

SALM 51:13

Te ngan hikai ïa ki nongpop ïa ki hukum jong me, bad kin phai pat sha me.

SALM 86:11

To hikai ïa nga, A Trai, ïa kaei kaba me kwah ïa nga ban leh, bad ngan kohnguh hok ïa me; to hikai ïa nga ban shakri ïa me da ka jingshakri ba aiti lut.

EKSODOS 3:10

Mynta nga phah ïa me sha u Pharaoh khnang ba men ïalam noh ïa ki Israel, ki briew jong nga, na Ijipt.”

EKSODOS 3:7

Nangta U Trai u ong, “Nga la ïohi haduh katno la pynshitom beiñ ïa ki briew jong nga ha Ijipt; nga la ïohsngew ruh ba ki ud ban ïohlait noh na ki nongpyntrei mraw jong ki. Nga tip ïa ki jingshah shitom jong ki baroh,

EKSODOS 32:12

Balei ba ki nong Ijipt kin ïoh ong ba me la ïalam ïa la ki briew na ka ri Ijipt, da kaba me thmu ban pynïap ïa ki ha ki lum, bad ban pynjot thiaw ïa ki? Sangeh ban bitar; pynkylla noh ïa ka jingmut jong me, bad wat ai ba kane ka jingpynjot kan ngat ha ki briew jong me.

EKSODOS 32:14

Kumta U Trai u la kylla noh ïa la ka jingmut bad um shym wallam ha ki briew jong u ïa ka jingpynjot kaba u la byrngem.

EKSODOS 32:7

Te U Trai u ong ha u Moses, “Khie, leit hiar noh shisyndon, naba ki briew jong me kiba me la ïalam na ka ri Ijipt, ki la ïaleh pop bad ki la kyntait ïa nga.

EKSODOS 34:9

U la ong, “Ko Trai, lada me sngewbha shisha ïa nga, nga kyrpad ïa me ban wan ryngkat bad ngi. Kine ki briew ki long kiba mutlop, hynrei map ïa ka jingbymman bad ka pop jong ngi, bad pdiang ïa ngi kum ki briew ki jong me hi.”

EKSODOS 5:1

Nangta u Moses bad u Aaron ki leit sha u Pharaoh, bad ki la ong, “U Trai, U Blei ki Israel, u ong, ‘Shah ïa ki briew jong nga ban leit, khnang ba kin ïoh pynlong ïa ka Jingkhawai Niam ha ka ri shyiap ban pyndonburom ïa nga.’ ”

ISAÏAH 30:21

Lada phi sakma noh na ka lynti sha kamon ne sha kadiang, phin ïohsngew ïa ka sur jong u hadien jong phi kaba ong, “Kane ka dei ka lynti. Bud ïa ka.”

ISAÏAH 63:17

Balei me shah ba ngin sakma na ki lynti jong me? Balei ba me pynlong mutlop ïa ngi ba ngin phai lyndet na me? To wan phai noh, na ka bynta kito kiba shakri ïa me, na ka bynta u paidlang uba la ju long u jong me.

ISAÏAH 63:19

Me ñiew ïa ngi kumba mem ju long u nongsynshar jong ngi, kumba ngim pat la ju long ki briew jong me.

JOEL 2:17

Ki lyngdoh, kiba shakri ïa U Trai hapdeng ka duwan bad ka jaka rung ka Templ, ki dei ban ïam bad duwai: “To isynei ïa la ki briew, A Trai. To wat ai ba kiwei ki jaitbynriew kin krenbeiñ bad ñiewbeiñ ïa ngi da kaba ong, ‘Hangno U Blei jong phi?’ ”

ÏOANNIS 17:3

Bad ka jingim bymjukut ka mut ban ithuh ïa me, U Blei bashisha tang ma u hi, bad kaba ithuh ïa U Jisu Khrist, ïa uba me la phah.

Ka Shithi U Paul Sha Ki Nong Rom 11:28

Namar ba ki kyntait ïa ka Khubor Babha, ki Jiw ki long ki nongshun jong U Blei na ka bynta jong phi ki Jentil. Hynrei namar ka jingjied U Blei, ki long ki paralok jong u namar ki kpa tymmen jong ki.

EPHESOS 1:17

Nga kynmaw ïa phi ha ki jingduwai jong nga; bad nga kyrpad na U Blei jong U Jisu Khrist uba U Trai jong ngi, u Kpa uba dap da ka burom, ba un ai ha phi ïa U Mynsiem, u ban pynlong ïa phi kiba stad bad un pynpaw ha phi ïa U Blei, khnang ba phin ïoh tip ïa u.

DEUTERONOMI 9:26

Bad nga la duwai, ‘A Trai Nongsynshar, wat pynjot ïa la ki briew, ki briew kiba me la pyllait bad ïalam na Ijipt da ka jingkhlaiñ bad ka borbah jong me.

DEUTERONOMI 9:29

Nalor baroh, kine ki long ki briew kiba me la jied ban long ki jong me bad kiba me la wallam noh na ka ri Ijipt da ka bor bad ka jingkhlaiñ jong me.’

KOLOSSAI 1:10

Nangta phin lah ban im kumba U Trai u kwah bad ba phin ïai leh borabor ïa kaei kaba pynsngewbha ïa u. Ka jingim jong phi kan pynmih ïa baroh ki jingleh babha babun jait, bad phin san ha ka jingtip jong phi ïa U Blei.

2 PETROS 3:18

Hynrei to phin nang roi ha ka jingaiei bad ka jingtip ïa U Jisu Khrist uba U Trai bad U Nongpynim jong ngi. Ha u, to long ka burom, mynta bad shaduh bymjukut! Amen.