EKSODOS 33:12 - Khasi CL Bible (BSI)

¹² U Moses u la ong ha U Trai, “Ka long kaba shisha ba me la ong ïa nga ban ïalam ïa kine ki briew sha kata ka ri; hynrei mem pat shym ïathuh ha nga ïano men phah ryngkat bad nga. Me la ong ba me tip bha shaphang jong nga, bad me sngewbha eh ruh ïa nga.

KA BAIBL

¹² Te u Moses u la ong ha U Trai, “Ha khmih, me la ong ha nga, ‘To ïalam artet ïa une u paidbah:’ bad mem shym la pyntip ïa nga ïano men phah ryngkat bad nga. Pynban me la ong, ‘Nga ithuh ïa me da ka kyrteng, bad me la shem ruh ka jingsngewbha ha khmat jong nga.’

EKSODOS 33:12 ပူးပေါင်းရင်းမြစ်များ

JENESIS 18:19

Nga la jied ïa u khnang ba un hukum ïa la ki khun shynrang bad ïa ki khun ki ksiew jong u ba kin kohnguh ïa nga bad ban leh ïa kata kaba dei bad kaba hok. Lada ki leh kumta, ngan leh lut ïa kata kaba nga la kular ha u.”

2 SAMUEL 15:25

Nangta u syiem u ong ha u Sadok, “Khie leit rah biang ïa ka Synduk ka Jutang sha ka nongbah. Lada U Trai u sngewbha ïa nga, shisien ka sngi un shah ba ngan wan biang ban ïohi ïa ka bad ïa ka jaka ha kaba ka don.

SALM 1:6

Ïa kiba hok la ïalam lynti bad ïada da U Trai, hynrei kiba sniew ki don ha ka lynti sha ka jingjot jong ki.

EKSODOS 3:10

Mynta nga phah ïa me sha u Pharaoh khnang ba men ïalam noh ïa ki Israel, ki briew jong nga, na Ijipt.”

EKSODOS 3:4

Haba U Trai u ïohi ba u Moses u wan kham hajan, u khot ïa u napdeng kata ka 'lawlynnong, bad u ong, “Moses! Moses!” U ruh u jubab, “Oi! Nga don hangne.”

EKSODOS 32:34

Mynta khie leit, ïalam ïa u paidbah sha kata ka jaka kaba nga la ïathuh ïa me. Kynmaw ba u angel jong nga un ïalam ïa phi, hynrei ka por kan poi ha kaba ngan pynshitom ïa kine ki briew namar ka pop jong ki.”

EKSODOS 33:1

U Trai u la ong ha u Moses, “Khie ïamihnoh nangne, ma me bad ki paidbah kiba me la ïalam na ka ri Ijipt, bad leit sha kata ka ri ïa kaba nga la kular ban ai ha u Abraham, u Isaak, bad u Jakob, bad ha ki khun ki ksiew jong ki.

EKSODOS 33:17

Te U Trai u la ong ha u Moses, “Ngan leh thik kumta kumba me la kyrpad, namar nga tip bha ïa me, bad nga sngewbha ïa me.”

EKSODOS 33:2

Ngan phah ïa u angel jong nga ban ïalam ïa phi, bad ngan beh noh ïa ki Kanaan, ki Amor, ki Hit, ki Peris, ki Hib, bad ki Jebus.

EKSODOS 34:9

U la ong, “Ko Trai, lada me sngewbha shisha ïa nga, nga kyrpad ïa me ban wan ryngkat bad ngi. Kine ki briew ki long kiba mutlop, hynrei map ïa ka jingbymman bad ka pop jong ngi, bad pdiang ïa ngi kum ki briew ki jong me hi.”

ISAÏAH 43:1

Ko Israel, U Blei uba la thaw ïa phi u ong, “Wat sheptieng — ngan pyllait im ïa phi, nga la khot ïa phi da ka kyrteng — phi long u jong nga.

ISAÏAH 45:3

Ngan ai ïa me ki jingkynshew na ki jaka ba-dum, bakynjah; te men tip ba nga long U Trai, bad ba U Blei ki Israel u la khot ïa me da ka kyrteng.

JEREMAÏAH 1:5

“Nga la jied ïa me ha shuwa ba nga ai jingim ïa me, bad ha shuwa ba yn kha ïa me, nga la jied ïa me ban long u nongïathuhlypa sha ki jaitbynriew.”

HAGGAI 2:5

Mynba phi la mihnoh na ri Ijipt, nga la kular ba ngan long lem bad phi borabor. Nga dang long lem bad phi, kumta wat sheptieng.

2 TIMOTHI 2:19

Hynrei ïa ka nongrim baskhem kaba U Blei u la buh ym lah ban pynkhih; bad halor jong ka la thoh ïa kine ki ktien: “U Trai u ithuh ïa kito kiba dei ki jong u” bad “Baroh kiba ong ba ki dei ki jong U Trai ki dei ban phai noh na kaba leh bymdei.”