EKSODOS 32:6 - Khasi CL Bible (BSI)

⁶ Dang step phyrngab ha ka sngi kaba bud, ki la wallam katto katne ki mrad ba yn thang kum ki jingkñia bad ïa kiwei pat ban ïabam kum ki jingainguh ïasyllok. Ki briew ki la ïashong ban ïakhawai, kaba la kylla long ka jingïaleh shongshit ha ka ïadih ïabam bad ïaleh awria.

KA BAIBL

⁶ Te la dang step ki la ïakhie, bad ki la kñia ïa ki jingkñia thang, bad ki la ïawallam ïa ki jingkñia bapynïasuk; ynda kumta, kita ki paidlang ki la ïashong ban bam bad ban dih, bad ki la ïaïeng joit ban ïalehkai.

EKSODOS 32:6 ပူးပေါင်းရင်းမြစ်များ

EKSODOS 32:5

Nangta u Aaron u tei ïa ka duwan ha khmat jong uta u khun masi ksiar, bad u la pynbna, “Lashai kan don ka jingkhawai niam ban pyndonburom ïa U Trai.”

AMOS 2:8

Ha man ka jaka mane blei ki rangbah ki thiah ha ki jaiñ ïa kaba ki la shim na kiba duk kiba la buh bynda na ka bynta ki ram. Ha ka templ U Blei jong ki, ki dih ïa ka waiñ ba ki la shim na kito kiba ki shah pisa.

AMOS 8:10

Ngan pynkylla ïa ki Jingkhawai Niam jong phi sha ki jingtep briew bad ngan pynkylla ïa ki jingrwai kmen jong phi sha ki jingïam sngewsih. Ngan pynlong ïa phi ba phin khi lyndum ïa la ka khlieh bad phin phong ka jaiñ khain, bad phin long kum ki kmie ki kpa kiba ïambriew na ka bynta u khun ba tang marwei jong ki. Kata ka sngi kan long kaba kthang haduh kaba kut.

JINGKHEIÑ 25:2

Kine ki kynthei ki la khot sngewbha ïa ki sha ki jingkhawai jingkñia ha kaba la mane ïa u blei ki Moab. Ki Israel ki la bam ïa ki jingbam bad mane ïa u blei Baal jong ki Peor.

1 KORINTH 10:7

Kumba ka Jingthoh Bakhuid ka ong, “U paidbah u la shong ha ka jingkhawai kaba la kylla long ka jingïadih buaid bad ka jingleh nuti.”

JINGPYNPAW 11:10

Ki briew kiba shong ha ka pyrthei kin ïakmen namar ka jingïap jong kine ki ar ngut. Kin ïalehkmen bad kin ïa-ai jingai sngewbha markylliang, namar ba kita ki ar ngut ki nongïathuhlypa ki la wallam shibun ki jingshitom halor u bynriew.