EKSODOS 32:4 - Khasi CL Bible (BSI)

⁴ U la shim ïa kita ki sohshkor, u thang pynum ïa ki, u theh ïa ka ksiar ha ka tiar saiñdur, bad u thaw ïa ka dur u khun masi. Ki paidbah ki ïa-ong, “Ko Israel, une u long u blei jong ngi, uba la ïalam noh ïa ngi na ka ri Ijipt!”

KA BAIBL

⁴ Haba u la pdiang te ïa ki na ki kti jong ki, u la pynlong dur da ka atiar, bad u la thaw khun masi da kaba shu saiñ: ki la ïa-ong te, “Une u long u blei jong me, A Israel, uba la wallam artet ïa me na ka ri Ijipt.”

EKSODOS 32:4 ပူးပေါင်းရင်းမြစ်များ

1 SYIEM 12:28

Hadien ba u la pyrkhat bha, u shna ar tylli ki khun masi kiba da ka ksiar bad u ong ha ki briew jong u, “Phi la hap ïaleit mane jngai palat shaduh Jerusalem. Ko ki paid Israel, khmih kine ki blei kiba la wanlam ïa phi na ka ri Ijipt!”

1 SYIEM 12:32

U Jeroboam u seng ruh ïa ka jingkhawai niam ha ka sngi kaba khatsan jong u bnai uba phra, kum ka jingkhawai niam kaba ha Judah. Ha ka duwan kaba ha Bethel u la kñia ïa ki jingainguh ha kita ki khun masi ksiar kiba u la shna, bad u buh hangta ha Bethel ïa ki lyngdoh kiba shakri ha ki jaka mane kiba u la tei.

2 SYIEM 10:20

Nangta u Jehu u hukum, “Pynbna ïa ka sngi jong ka jingmane ban lehburom ïa u Baal!”

2 SYIEM 10:29

Hynrei u pyrthuh bud ïa ka pop jong u syiem Jeroboam, uba la ïalam ïa ki Israel ban leh pop ha kaba mane ïa ki khun masi ksiar kiba u la pynïeng ha Bethel bad ha Dan.

2 KHRONIKL 11:15

U Jeroboam u thung la ki jong ki lyngdoh ban shakri ha ki jaka mane blei thala bad ban mane ïa ki ksuid bad u thaw ïa ki bleithaw ha ki dur jong ki khun masi.

2 KHRONIKL 13:8

Mynta phi thmu ban ïaleh pyrshah ïa ka iktiar syiem kaba U Blei u la ai ha ki khun ki ksiew u Dabid. Phi don ka kynhun shipai kaba khraw bad phi don ki khun masi ksiar kiba u Jeroboam u la shna ba kin long ki blei jong phi.

NEHEMAÏAH 9:18

Ki la thaw bleithaw ha ka dur jong u khun masi bad ong ba u dei u blei uba la ïalam ïa ki na Ijipt! Haduh katno ki la pynjahburom ïa me, Ko Trai!

EKSODOS 20:2

“Nga long U Trai U Blei jong phi uba la wan ïalam ïa phi na ka ri Ijipt, ka ri ha kaba phi la long ki mraw.

EKSODOS 20:23

Wat thaw na ka bynta ïa lade ki blei kiba da ka rupa ne da ka ksiar ban mane ïa ki nalor jong nga.

EKSODOS 20:4

“Wat thaw durblei na ka bynta ïa lade, ïa kaei kaei kaba don ha bneng shajrong, ne ha ka khyndew sha tbian, ne ha ka um hapoh ka khyndew.

EKSODOS 28:11

Wad ïa u bania uba tbit ba un ohdur ha kita ki ar tylli ki mawkordor ïa ki kyrteng jong ki khun shynrang jong u Jakob bad pynshong ïa ki ha ki jingoh-shrong kiba da ka ksiar.

EKSODOS 28:9

Shim ar tylli ki mawkordor Karnelian, bad thoh ha ki ïa ki kyrteng jong ki khat-ar ngut ki khun shynrang jong u Jakob,

EKSODOS 32:1

Haba ki paidbah ki la ïohi ba u Moses um pat shym wan hiar na u lum hynrei u la sah slem hangta, ki la ïalumlang sawdong ïa u Aaron, bad ki la ong ha u, “Ngim tip satia ka la jia aïu ïa une u Moses, uba la ïalam ïa ngi ban mihnoh na ka ri Ijipt; kumta to thaw ïa ngi u blei u ban ïalam ïa ngi.”

EKSODOS 32:24

Nga la ong ïa ki ba kin wallam ha nga ïa la ki jingdeng ksiar, bad kito kiba don ki law ïa ki bad ki ai ïa ki ha nga. Nga bret ïa ki ha ka ding, bad wan mih da une u khun masi.”

EKSODOS 32:3

Kumta ki paidbah baroh ki ïalaw noh ïa la ki sohshkor ksiar bad ki wallam ïa ki ha u Aaron.

EKSODOS 32:35

Kumta U Trai u la phah ïa ka jingpang ha kita ki briew, namar ba ki la pynlong ïa u Aaron ban thaw ïa u khun masi ksiar.

EKSODOS 32:5

Nangta u Aaron u tei ïa ka duwan ha khmat jong uta u khun masi ksiar, bad u la pynbna, “Lashai kan don ka jingkhawai niam ban pyndonburom ïa U Trai.”

EKSODOS 32:7

Te U Trai u ong ha u Moses, “Khie, leit hiar noh shisyndon, naba ki briew jong me kiba me la ïalam na ka ri Ijipt, ki la ïaleh pop bad ki la kyntait ïa nga.

EKSODOS 32:8

Ki la da ïaid sakma noh na kata ka lynti ha kaba nga la hukum ïa ki ban ïaid; ki la thaw ïa lade u khun masi ba la saiñ da ka ksiar bad ki la ïamane ïa u, bad ki la ai jingkñia ha u. Ki ïa-ong ba une u long u blei jong ki, uba la ïalam noh ïa ki na ka ri Ijipt!

ISAÏAH 30:22

Phin shim ïa ki bleithaw jong phi ba la sop da ka rupa bad ïa ki blei jong phi ba la tap da ka ksiar, bad phin bret noh ïa ki kum ïa ka jakhlia, bad phin pyrta, “Wat don shuh ha khmat jong nga!”

ISAÏAH 46:6

Ki briew ki plied ïa la ki pla pisa bad ki theh shabar ïa ka ksiar; ki thew ïa ka rupa ha ki tarajur. Ki ainong ïa u bania ban shna durblei; nangta ki dem ngon bad mane ïa ka!

ESEKIEL 23:8

Ka ïai bteng na kaei kaba ka la sdang kum ka nuti ha Ijipt, hangta ha kaba la duh noh ïa la ka jinglong sotti. Naduh ka por ba ka long ka samla ba dang khynraw, ki rangbah ki la ïathiah bad ka bad leh ïa ka la kum ka nuti.

HOSIA 10:5

Ki briew kiba shong ha ka nongbah jong ka Samaria kin sheptieng bad ïam sngewsih namar ka jingduh noh ïa u masi ksiar ha Bethel. Ma ki bad kita ki lyngdoh kiba shakri ïa u bleithaw kin ïam sngewsih namar jong u. Kin sa ïam pangnud haba yn law lyngkhuit ïa ka jingthaba rong ksiar jong u.

HOSIA 13:2

Kin nang ïai leh pop shuh shuh da kaba saiñ ïa ki durblei ban mane — ki bleithaw kiba da ka rupa, kiba la saiñdur da ka jingpyrkhat briew, ba la shna da ki kti briew. Bad nangta ki ong, “Ai ki jingkñia sha ki!” Kumno ki briew kin doh ïa kito ki bleithaw — ki bleithaw ha ka dur ki masi kyrtong!

KI KAM 17:29

Namar ba ngi long ki khun U Blei, ngim dei ban tharai ba ka jinglong jong u ka long kaei kaei kaba kum ka dur da ka ksiar lane rupa lane maw, ba la pynwandur da ka jingstad bad ka buit briew.

KI KAM 7:41

Ka la long hangta ba ki la thaw ïa ka bleithaw ha ka dur jong u masi, ki la ai jingkñia ha ka, bad ki la ïakhawai ha kaba ai burom ïa kaei kaba ma ki hi ki la lah thaw.

1 KORINTH 10:7

Kumba ka Jingthoh Bakhuid ka ong, “U paidbah u la shong ha ka jingkhawai kaba la kylla long ka jingïadih buaid bad ka jingleh nuti.”

DEUTERONOMI 9:16

Nga la ïohi ba phi la lyndet ïa ka hukum ba U Trai U Blei jong phi u la ai ha phi, bad ba phi la leh pop pyrshah ïa u da kaba phi thaw na ka bynta ïa lade ka durblei ba la saiñ ha ka dur u khun masi.

NONGBISHAR 8:24

Hynrei u ong shuh shuh, “Shah ngan pan tang kawei na phi. Uwei pa uwei na phi un ai noh ha nga ïa ki sohshkor ba phi la shim.” (Ki Midian kum kiwei pat ki jaitbynriew ka ri shyiap, ki deng ki sohshkor ksiar.)

NONGBISHAR 8:27

U Gideon u shna ka bleithaw na ka ksiar bad u buh ïa ka ha la shnong, ha Ophrah. Baroh ki Israel ki la iehnoh ïa U Blei bad ki la leit shata ban mane ïa ka bleithaw. Ka la long ka jingriam ïa u Gideon bad ïa ka longïing jong u.