EKSODOS 32:33 - Khasi CL Bible (BSI)

³³ U Trai u la jubab, “Dei ïa kito kiba la leh pop pyrshah ïa nga kiba ngan weng noh ïa ki kyrteng jong ki na ka kitab jong nga.

KA BAIBL

³³ Te U Trai u la ong ha u Moses, “Jar uba la leh pop pyrshah ïa nga, ïa uta keiñ ngan pyndam noh na ka kitab jong nga.

EKSODOS 32:33 ပူးပေါင်းရင်းမြစ်များ

SALM 69:28

Ai ba yn pyndam noh ïa ki kyrteng jong ki na ka kitab jong kiba im; Ai ba yn ym kynthup ïa ki ha ka thup kyrteng jong ki briew jong me.

SALM 69:29

Hynrei nga don ha ka jingpang bad ka jingduh jingkyrmen; to kyntiew ïa nga, A Blei, bad to pynim ïa nga!

SALM 9:5

Me la pynrem ïa ki bymngeit blei, bad me la pynjot ïa ki bymman; yn ym kynmaw shuh ïa ki.

EKSODOS 17:14

Nangta U Trai u ong ha u Moses, “Buh ha ka jingthoh shaphang kane ka jingjop ban pynsah jingkynmaw. Ïathuh ruh ha u Joshua ba ngan pynjot thiaw ïa ki Amalek.”

ESEKIEL 18:20

Ka dei ïa uta uba leh pop ban ïap. U khun um dei ban shahshitom namar ki pop jong u kpa jong u, lymne u kpa namar ka pop jong u khun jong u. Yn ai bainong ïa u briew uba bha namar ka jinglehbha, bad u briew uba sniew un shahshitom namar ka jingsniew kaba u leh.

ESEKIEL 18:4

Ka jingim jong uwei pa uwei u briew ka dei ka jong nga, ka jingim jong ka kmie, u kpa bad kumjuh ruh ka jong i khun. U briew uba leh pop u dei uta u ban ïap.

LEBITIKOS 23:30

Bad lada uno uno u trei ïa kano kano ka kam ha kata ka sngi, nga hi ngan pynjot ïa u.

DEUTERONOMI 29:20

U Trai un ym map kum ïa uta u briew. Hynrei ka jingbitar shla jong u kan meh lep pyrshah ïa u, bad ki jingjynjar baroh ïa kiba la thoh ha kane ka kitab kin ngat ha u haduh ba U Trai un da pynjot thiaw ïa u.

PHILIPPI 4:3

Bad ïa phi ruh, ko paralok baïaineh jong nga, nga kwah ïa phi ban ïarap ïa kine ki kynthei; naba ki la trei shitom lem bad nga ban pynsaphriang ïa ka gospel, ryngkat bad u Klemen, bad baroh kiwei pat ki para nongïatrei lem jong nga, kiba ki kyrteng jong ki, ki don ha ka kitab jong kiba im jong U Blei.

JINGPYNPAW 13:8

Baroh ki briew kiba shong ha ka pyrthei kin mane ïa u, lait noh ïa kito kiba ïa ki kyrteng jong ki la thoh ha shuwa ka jingpynlong ïa ka pyrthei ha ka kitab jong kiba im kiba dei ki jong uta U Khunlangbrot ïa uba la shah pynïap.

JINGPYNPAW 20:12

Bad nga la ïohi ïa kiba ïap, kiba rit bad kiba khraw kumjuh, kiba ïeng ha khmat jong ka khet. Ïa ki kitab la plied, bad nangta la plied sa kawei pat ka kitab, ka kitab jong kiba im. Ïa kiba ïap la bishar kat kum kaei kaba ki la leh, kumba la buh jingthoh ha ki kitab.

JINGPYNPAW 3:5

Ïa kito kiba ïoh ka jingjop yn pynkup ïa ki kumne ha ki jaiñkup balieh, bad ngan ym weng noh ïa ki kyrteng jong ki na ka kitab jong kiba im. Ha ka jingdon ryngkat jong U Kpa jong nga bad ki angel jong u, ngan pynbna paidbah ba ki long ki jong nga.