EKSODOS 32:32 - Khasi CL Bible (BSI)

³² To map ïa ka pop jong ki; hynrei lada men ym map, nga kyrpad ba men weng noh ïa ka kyrteng jong nga na kata ka kitab ha kaba me la thoh ïa ki kyrteng jong u paidlang jong me.”

KA BAIBL

³² Hynrei mynta, lada men map ïa ka pop jong ki — te lada da kumwei, to pyndam noh ïa nga, nga kyrpad ïa me, na kata ka kitab jong me ïa kaba me la thoh.”

EKSODOS 32:32 ပူးပေါင်းရင်းမြစ်များ

2 SAMUEL 18:33

Te u syiem u la shah tyllep da ka sngewsih. U leit kiew sha ka kamra kaba halor kata ka khyrdop, bad u la ïam. Katba u dang leit, u la kyang, “A, ko khun jong nga! Ko khun jong nga, ko Absalom! Ko Absalom, u khun jong nga! Lada ngan da la ïap ha ka jaka jong phi, ko khun jong nga! Ko Absalom, ko khun jong nga!”

SALM 139:16

Ïa ki sngi ba la mang ïa nga la buh jingthoh ha ka kitab jong me, ha shuwa ba kano kano na ki yn sdang.

SALM 56:8

Me tip katno uba jynjar nga long; me la buh jingkheiñ ïa ki ummat jong nga. Hato ym shym la kyntiew ïa ki ha ka kitab jong me?

SALM 69:28

Ai ba yn pyndam noh ïa ki kyrteng jong ki na ka kitab jong kiba im; Ai ba yn ym kynthup ïa ki ha ka thup kyrteng jong ki briew jong me.

EKSODOS 32:10

Mynta, wat pyrshang ban pynsangeh ïa nga. Nga bitar ïa ki, bad ngan pynjot thiaw ïa ki. Nangta ngan pynlong ïa me bad ïa ki khun ki ksiew jong me ka jaitbynriew kaba khraw.”

ISAÏAH 4:3

Uwei pa uwei uba shah iehnoh ha Jerusalem, uba U Blei u la jied ban ïohlait im, yn khot uba khuid.

ESEKIEL 13:9

Nga la jan ban pynshitom ïa phi ki nongïathuhlypa kiba don ki jingïohipaw ba bakla bad kiba thaw ki jingïathuhlypa kiba ïalam bakla. Phin ym don hangta haba ki briew jong nga ki ïalumlang ban ïashim ïa ki rai; ïa ki kyrteng jong phi yn ym kynthup ha ka thup kyrteng jong ki traishnong ka Israel; phin ym wan phai shuh da lei lei sha ka ri ka jong phi. Nangta phin tip ba nga long U Trai Nongsynshar.

DANIEL 12:1

U angel uba kup ki jaiñ linen u la ong, “Ha kata ka por, u Mikhael, u angel uba khraw, uba ïada ïa ki briew jong me, un mihpaw. Nangta kan don ka por ki jingjynjar, kaba kham sniew tam naduh ba ki jaitbynriew ki mih. Haba kata ka por ka wan, baroh ki briew jong ka jaitbynriew jong me kiba ïa ki kyrteng jong ki la thoh ha ka kitab ka jong U Blei yn pynim.

AMOS 7:2

Ha ka jingïohipaw jong nga, nga la ïohi ïa ki puit ba ki bam duh ïa baroh kaei kaei kaba jyrngam ha ka ri, bad nangta nga la ong, “A Trai Nongsynshar, to map ïa ki briew jong me! Kumno ki lah ban lait im? Ki long kiba rit bad kiba tlot katta katta!”

MALAKHI 3:16

Te ki briew kiba sheptieng ïa U Trai ki la ïakren iwei ïa iwei pat, bad U Trai u shahshkor bad ïohsngew ïa kaei kaba ki ong. Ha khmat jong u, hangta la thoh ha ka kitab ka jingbuh jingthoh ïa kito kiba sheptieng ïa U Trai bad kiba ñiewkor ïa u.

MALAKHI 3:17

“Kin long ki briew jong nga,” ong U Trai Badonbor Baroh. “Ha ka sngi ba ngan trei ïa ka kam, kin long ki jong nga hi. Ngan leh-isynei ïa ki kumba u kpa u leh-isynei ïa u khun uba shakri ïa u.

JINGKHEIÑ 11:15

Lada me leh kumne ïa nga, to sngewsynei ïa nga bad pynïap noh ïa nga, khnang ba ngan ym hap shah shuh ïa kane ka jingleh badonbor jong me.”

JINGKHEIÑ 11:25

Nangta U Trai u wan hiar ha u lyoh bad u la kren ïa u. U la shim khyndiat ka bor mynsiem kaba u la ai ha u Moses bad u ai ïa ka ha kita ki hynñiewphew ngut ki nongïalam. Haba kata ka bor mynsiem ka la wan shong ha ki, ki sdang ban pyrta jam kum ki nongïathuhlypa, hynrei tang shipor.

JINGKHEIÑ 14:19

Te mynta, A Trai, kat kum ka jingkhraw ka jingieit baïaineh jong me, to map, nga kyrpad na ka bynta ka pop jong kine ki briew kumba me la map ïa ki naduh ba ki la mih na Ijipt.”

LOUKAS 10:20

Hynrei wat kmen namar ba ki mynsiem bymman ki kohnguh ïa phi; pynban, to kmen namar ba ïa ki kyrteng jong phi la thoh ha bneng.”

LOUKAS 23:34

U Jisu u la ong, “Ko Pa, to map ïa ki! Kim tip ïa kaei kaba ki leh.” Ki la pynbynta ïa ki jaiñ jong u hapdeng jong ki hi da kaba kynting sbai.

Ka Shithi U Paul Sha Ki Nong Rom 9:3

Na ka bynta jong ki nga kwah ba ngan jin da la don hapoh ka jingtim U Blei ba la pynïakhlad na U Khrist.

DEUTERONOMI 25:19

Te, ynda U Trai U Blei jong phi u la ai ha phi ïa kata ka ri bad u la pyllait im ïa phi na ki nongshun jong phi baroh kiba shong sawdong jong phi, pynïap lut ïa ki Amalek baroh, khnang ban ym don shuh uba kynmaw ïa ki. Wat klet ïa kane!

DEUTERONOMI 29:20

U Trai un ym map kum ïa uta u briew. Hynrei ka jingbitar shla jong u kan meh lep pyrshah ïa u, bad ki jingjynjar baroh ïa kiba la thoh ha kane ka kitab kin ngat ha u haduh ba U Trai un da pynjot thiaw ïa u.

DEUTERONOMI 9:14

Me wat khang ïa nga, naba ngan pynjot thiaw ïa ki ba kumta yn ym don shuh u ban dang kynmaw ïa ki. Nangta ngan pynlong ïa me u kpa jong ka jaitbynriew kaba kham khraw bad kham donbor ban ïa ki.’

PHILIPPI 4:3

Bad ïa phi ruh, ko paralok baïaineh jong nga, nga kwah ïa phi ban ïarap ïa kine ki kynthei; naba ki la trei shitom lem bad nga ban pynsaphriang ïa ka gospel, ryngkat bad u Klemen, bad baroh kiwei pat ki para nongïatrei lem jong nga, kiba ki kyrteng jong ki, ki don ha ka kitab jong kiba im jong U Blei.

JINGPYNPAW 17:8

Uta u mradkhlaw u la ju im shisien, hynrei um shym im shuh; u la jan wan kiew na ka liewlong khlem trai bad un mih ban shah pynjot. Ki briew kiba shong ha ka pyrthei kiba ïa ki kyrteng jong ki ym shym la thoh ha ka kitab jong kiba im ha shuwa ban pynlong ïa ka pyrthei, kin ïasngew kyndit lut katba ki dang khmih ïa u mradkhlaw. U la ju im shisien; mynta um shym im shuh, hynrei un wan mih biang.

JINGPYNPAW 21:27

Hynrei ym don kano kano ka bymkhuid ka ban ïohrung sha ka nongbah, lymne uno uno uba leh ïa kino kino kiba sngewlehrain lane uba ïathuh lamler. Tang kito ïa kiba ki kyrteng jong ki la thoh ha ka kitab kiba im jong U Khunlangbrot kin ïohrung sha kata ka nongbah.

JINGPYNPAW 22:19

Bad lada uno uno u shim noh ïa kano kano na ki kyntien jingïathuhlypa jong kane ka kitab, U Blei un shim noh na u ïa ka bhah jong u na u soh jong u dieng ka jingim bad jong ka Nongbah Bakhuid, ïa kiba la batai ha kane ka kitab.

JINGPYNPAW 3:5

Ïa kito kiba ïoh ka jingjop yn pynkup ïa ki kumne ha ki jaiñkup balieh, bad ngan ym weng noh ïa ki kyrteng jong ki na ka kitab jong kiba im. Ha ka jingdon ryngkat jong U Kpa jong nga bad ki angel jong u, ngan pynbna paidbah ba ki long ki jong nga.