EKSODOS 32:30 - Khasi CL Bible (BSI)

³⁰ Ha ka sngi kaba bud u Moses u ong ha ki paidbah, “Phi la leh ïa ka pop kaba shyrkhei eh. Mynta ngan leit kiew biang sha U Trai; lehse nga lah ban pynïoh ïa ka jingmap ïa ka pop jong phi.”

KA BAIBL

³⁰ Te ha kaba lashai, u Moses u la ong ha uta u paidbah, “Phi la leh ïa ka pop kaba khraw eh: mynta te ngan sa leit kiew sha U Trai; lehse nga lah ban pynlong ïa ka jingpynïasuk namar ka pop jong phi.”

EKSODOS 32:30 ပူးပေါင်းရင်းမြစ်များ

2 SAMUEL 12:9

Balei te ba mem kohnguh ïa ki hukum jong nga? Balei ba me la leh ïa kane ka kam bymman? Me la pynlong ïa u Uriah ban shah pynïap ha ka thma; me la shah ïa ki Ammon ban pynïap ïa u, bad nangta me shim ïa ka tnga jong u!

2 SAMUEL 16:12

Lehse U Trai un ïohi ïa ka jinglanot jong nga bad un ai ha nga katto katne ki jingkyrkhu ban shim bujli ïa ka jingtim jong u.”

2 SYIEM 17:21

Hadien ba U Trai u la pynkyrpang ïa ka Israel na ka Judah, ki Israel ki pynlong ïa u Jeroboam u khun jong u Nebat kum u syiem jong ki. U Jeroboam u pynlong ïa ki ban iehnoh noh ïa U Trai bad u la ïalam ïa ki ban leh ïa ki pop kiba shyrkhei.

SALM 99:6

U Moses bad u Aaron ki la long ki lyngdoh jong u, bad u Samuel u la long uwei uba la duwai ha u; kiba la khot kyrpad ïa U Trai, bad u la jubab ïa ki.

EKSODOS 32:29

U Moses u la ong ha ki Lebi, “Mynta ka sngi phi la pynkyntang ïa lade kum ki lyngdoh ha ka jingshakri ïa U Trai da kaba pynïap ïa la ki khun shynrang bad ïa ki hynmen ki para shynrang, kumta U Trai u la ai ha phi ïa ki jingkyrkhu jong u.”

AMOS 5:15

Isih ïa kaei kaba sniew, ieit ïa kaei kaba bha, bad peit ba ka jingbishar hok ka ïeng ha ki ïingbishar. Lehse U Trai, un isynei ïa ki briew jong kane ka hima kiba dang pynsah ban im.

JONAH 3:9

Lehse U Blei un kylla ka jingmut jong u; lehse un sangeh noh na kaba bitar, bad ngin ym ïap!”

JINGKHEIÑ 16:47

U Aaron u la kohnguh, u la shim ïa la u khiew buh ding bad mareh sha pdeng ki briew ba la ïalumlang. Haba u ïohi ba ka khlam ka la lah sdang, u buh ïa ka jingiwbih ha uta u rnga ding bad u pyndep ïa ka jinglehniam ka jingpynkhuid na ka bynta uta u paidbah.

JINGKHEIÑ 25:13

Ma u bad ki khun ki ksiew jong u kin bat ïa ka kam lyngdoh junom, namar ba um shym la shah ïa kiba ïakob bor bad nga bad ba u la wallam ka jingïohmap na ka bynta ka pop jong ki briew.”

LOUKAS 15:18

Ngan ïeng joit bad leit sha i pa jong nga bad ong, “Ko pa, nga la leh pop pyrshah ïa U Blei bad pyrshah ïa phi.

LOUKAS 7:47

Te nga ong ha me, ka jingieit bakhraw kaba ka la pyn-i ka pynshisha ba ïa ki pop jong ka kiba bun la map. Hynrei uno uno uba la ïohmap khyndiat u pyn-i tang khyndiat ka jingieit.”

Ka Shithi U Paul Sha Ki Nong Rom 9:3

Na ka bynta jong ki nga kwah ba ngan jin da la don hapoh ka jingtim U Blei ba la pynïakhlad na U Khrist.

GALATIA 3:13

Hynrei, da kaba kylla long ka jingtim na ka bynta jong ngi, U Khrist u la siewspah ïa ngi na ka jingtim kaba ka Hukum ka wanrah; naba ka Jingthoh Bakhuid ka ong, “Uno uno uba la shah sdien ha u dieng un don hapoh ka jingtim U Blei.”

2 TIMOTHI 2:25

Me dei ban long uba lehsbun ïa baroh, u nonghikai uba bha bad ba-ïaishah, uba jemnud ha kaba pynbeit ïa ki nongïaleh pyrshah jong me, naba ka lah ban long ba U Blei un ai ha ki ïa ka lad ba kin kylla-kaba-mut bad wan sha ka jingtip ïa ka jingshisha.

JAKOB 5:16

Namarkata, to phla ïa la ki pop iwei ha iwei pat, khnang ba yn pynkhiah ïa phi. Ka jingduwai jong u briew uba hok ka don ka bor kaba khraw.

1 SAMUEL 12:17

Mynta ka dei ka aïom rang ryngkhiang, ym dei? Hynrei ngan duwai, bad U Trai un phah ïa u pyrthat bad u slap. Haba kane ka wan jia, phin sa sngewthuh haduh katno phi la leh pop pyrshah ïa U Trai mynba phi pan syiem na u.”

1 SAMUEL 12:19

bad ki ong ha u Samuel, “A kynrad, to duwai ha U Trai U Blei jong phi na ka bynta jong ngi, ba ngin ym ïap. Mynta ngi sngewthuh ba nalor ki pop jong ngi baroh, ngi la leh pop da kaba pan ban ïoh syiem.”

1 SAMUEL 12:20

U Samuel u ong ha uta u paidbah, “Wat sheptieng; la phi la leh ïa ka kam bymman, wat phai noh na U Trai, hynrei shakri ïa u da ka dohnud jong phi baroh.

1 SAMUEL 12:23

Ïa nga shimet, U Trai um shah da lei lei ba ngan leh pop pyrshah ïa u da kaba sangeh noh ban duwai na ka bynta jong phi. Pynban ngan hikai ïa phi ïa kaei kaba bha bad kaba dei ïa phi ban leh.

1 SAMUEL 2:17

Kumta ka pop jong ki khun u Eli ka long kaba la shyrkhei palat ha khmat U Trai, namar ba ki la ñiew khlem ka jingburom ïa ki jingainguh ha U Trai.