EKSODOS 32:27 - Khasi CL Bible (BSI)

²⁷ bad u la ong ha ki, “U Trai U Blei ki Israel u hukum ïa uwei pa uwei na phi ban kieng ïa la ka waitlam, bad ïaid lyngba ïa ka jaka sher dara baroh na kane ka khyrdop sha kawei pat bad pynïap ïa uwei pa uwei u rangbah uba long u hynmen u para jong u, ïa ki paralok jong u, bad ïa ki paramarjan jong u.”

KA BAIBL

²⁷ Te u la ong ha ki, “Kumne u ong U Trai, U Blei jong u Israel, ‘To kieng u shynrang baroh ïa la ka waitlam ha la ka syngkai, bad to khie ruh shapoh bad shabar na kawei ka khyrdop sha kawei pat ka khyrdop jong kata ka dara, bad to pynïap noh ruh man u briew ïa la u para, bad man u briew ïa la u lok, bad man u briew ïa la u paramarjan.’ ”

EKSODOS 32:27 ပူးပေါင်းရင်းမြစ်များ

2 SYIEM 10:25

Tang mar shu dep ai ïa ki jingkñia, u Jehu u ong ha kita ki nongap bad ki rangbah pynïaidkam, “Khie rung bad pynïap ïa ki baroh, wat shah ïano ïano ban lait im!” Ki la leit rung shapoh bad ki waitlam, ki la pynïap ïa ki baroh, bad ki la paring shabar ïa ki met. Nangta ki la leit sha ka jaka kyntang kaba shapoh jong ka templ,

EKSODOS 32:26

Kumta u ïeng ha ka khyrdop jong ka jaka sher dara, bad u la pyrta, “Kat uba don ha ka liang jong U Trai, wan shane!” Kumta baroh kiba na ka jait Lebi ki ïalumlang ha u,

EKSODOS 32:28

Ki Lebi ki la kohnguh, bad ki la pynïap kumba lai hajar ngut ki rangbah ha kata ka sngi.

EKSODOS 32:29

U Moses u la ong ha ki Lebi, “Mynta ka sngi phi la pynkyntang ïa lade kum ki lyngdoh ha ka jingshakri ïa U Trai da kaba pynïap ïa la ki khun shynrang bad ïa ki hynmen ki para shynrang, kumta U Trai u la ai ha phi ïa ki jingkyrkhu jong u.”

ESEKIEL 9:5

Bad nga la ïohsngew ïa U Blei ba u ong ha kita kiwei pat ki briew, “Bud ïa u sawdong ka nongbah, bad pynïap. Wat tyngkai ïano ïano, wat sngewsynei ïano ïano.

JINGKHEIÑ 25:5

U Moses u ong ha ki rangbah synshar, “Uwei pa uwei na phi un pynïap ïa uwei pa uwei u briew na ka jait jong phi uba la long u nongmane ïa u Baal ki Peor.”

LOUKAS 14:26

“Uno uno uba wan sha nga um lah ban long u synran jong nga lymda u ieit ïa nga kham palat ban ïa kaba u ieit ïa u kpa bad ka kmie jong u, ïa ka tnga bad ki khun jong u, ïa ki hynmen ki para shynrang bad kynthei jong u, bad ïa lade kumjuh.

2 KORINTH 5:16

Namarkata, ngam bishar shuh ïano ïano da ka rukom briew. Wat la shisien ngi la bishar ïa U Khrist kat kum ka rukom briew, ngim leh shuh kumta.

DEUTERONOMI 13:10

Lynthem maw ïa u haduh ba un da ïap! U la pyrshang ban khring noh ïa phi na U Trai U Blei jong phi, uba la pyllait ïa phi na ka ri Ijipt, ha kaba phi la long ki mraw.

DEUTERONOMI 13:6

“Wat u hynmen u para jong phi, u khun jong phi, ka khun jong phi, ka tnga kaba phi ieit, lane u paralok uba jan eh jong phi, ki lah harieh harieh ban khring ïa phi ban leit mane ïa kiwei pat ki blei, ïa kiba phi bad ki kpa tymmen jong phi kim ju mane mynno mynno.